الموضوع: زوجتي طالبة الطلاق ومستهترة بمستقبل ابنتي

المشاركة الأصلية كتبت بواسطة qkash.com

سيبها لفترة وكبر دماغك وطالما هي مش بتسمع لكلام الكبار يبقي تستاهل اللي يجرالها

بعد شهرين او اقل او اكتر هتحس بحجم المسئولية والمصاريف وقرايبها اللي قاعدة عندهم هيزهقوا منها "محدش بيستحمل حد اكتر من شهرين تلاته بالكتير"
ومهما كانت عندية بعد فترة هتسلم وتركع من تراكم المسئولية والمصاريف وصعوبة رعاية الطفل

وهتلاقي ناس كتير بتتصل بيك وهي نفسها هتطلب انها ترجع ممكن بطريقة غير مباشرة بس في النهاية هترجع غصب عنها

متقلقش سيبها علي الله وربنا يقدرلك الخير

المهم انت متطلقش رسمي وكمان متبعتلهاش فلوس ولو حد غلطك قوله انا عايز اربي ابني بنفسي قدام عيني وارعاه ويكبر في بيتي وان ده لحمك ومش هتسيبه يتبهدل

+111111
اطمئن حضرتك بأن المشكلة قديمة ومكررة وسمعتها كتير جدا من اكتر من شخص معرفه فى السنة الاولى من الجواز
والحل المذكور من اخوانا الفاضل هو الحل الصحيح فى كل المرات الى عدت على
اهمالك للزوجة وشعورها بأنك مش همك رجوعها من عدمه وأنك رميت طوبتها بيخلى سقف طموحها يقل خالص وتحس أنها مكنتش مقدرة رد فعلك صح وأنك مكبر دماغك + ضغط الفلوس والمصاريف + ضغط كلام الناس بانها سايبه بتها وجوزها + ضغط ضيافتها وإنها قاعدة عند ناس غالبا هيضايقوا من وجودها بعد فترة
من الاخر حط على قلبك حجر وسيبها على الله
كمان صحح نيتك بأنك لا تريد الانتقام منها ولا تضرها ولكنك تبعى تقويمها واصلاحها
ادعوا الله لها بالهداية وادعوا لنفسك بالهداية وكمان لازم حضرتك تحاول حاسب نفسك عشان ممكن يكون نوع من الخطأ واقع عليك وأنت مش واخد بالك بتلقى باللوم كله عليها
ربنا يهديها لحضرتك ويقر عينك بيها وبابنك

سيبها فترة وراجع نفسك شوف انت بتعمل ايه مخليها عملت كده ولو لقيت نفسك غلطان تروح لها وتكلمها وتعترف بغلطك
لكن لو لقيت نفسك مش غلطان يبقي تسال حد يعرفكم انت بتعمل ايه غلط خلاها عملت كده
ولو مفيش لوم عليك
يبقي تسيبها براحتها وحاول ان تكلم ابوها او اخوها عشان الولد يروح المدرسة وان مدرسة الولد خارج خلافتكم والولد ضحية ملوش ذنب
لو عندية زي مابتقول بلاش تهري وتنكت قدامها ويبان عليك انك متضايق لان ده مفرحها ويسعدها
ارمي مسؤلية ماحدث ومايحدث وماسيحدث عليها وانها المسؤله
وانت ملكش غير سكة واحده اللي هي الرجوع ولم الشمل مع حفظ حقوقها وعفي الله عما سلف

للتوضيح ان اهلها مغلطينها في طلبها للطلاق ومفتريه في الاسباب اللي علي اساسها طلبته
فياريت الاجابة علي موضوع مدرسة الولد حتي يتم اللحاق بالعام الدراسي فهل من حلول

لا سيبها برضه .............. انت عاوزنا نقولك روحلها يعني ؟؟
يومين و هيا هاتجيبه ..........