الموضوع: حد عمل عملية الفيمتو سمايل ؟

المشاركة الأصلية كتبت بواسطة farouk84

كان فيه عضو هنا اسمه shnory اعتقد وكان عامل موضوع عن الفيمتو سمايل لانه عمل العمليه وكان بيشكر فيها جدا........ انا عن نفسى عملت الليزك من 3 سنين والحمد لله زى الفل.

المشاركة الأصلية كتبت بواسطة shnory

انا جيتلك اهوه (:
شكرا انك فاكرني يا باشا (:
انا معملتش فيمتو سمايل انا عملت sbk
من فيمتو سمايل لليزك مبتفرقش غير في قطع العدسه بس
انما كلهم علي نفس الجهاز
حدور علي لينك العمليه بتاعتي الي فيه المناقشات واجيبه هنا تشوفه صاحبه الموضوع

المشاركة الأصلية كتبت بواسطة shnory

http://www.nilemotors.net/nile/413565-sbk.html

شكرا جدا للمشاركة :)

المشاركة الأصلية كتبت بواسطة naser_56

طيب انا عندي - 75. وانحراف تقريبا اقل من نص درجه وعاوز اعمل فيمتو سمايل او كستىم ليزك فهل تستحق او لا ناس كتير قالت الضعف عندك اقل من درجه وحرام تعملها ولكن في الواقع انا مضايق من الضعف البسيط لانه مسبب تعب وإرهاق بعيوني وغير الصداع

ربنا يتمم شفائك على خير يا رب طيب استشير دكتور ثقة واعمل استخارة وربنا ييسرلك الافضل باذن الله :)

المشاركة الأصلية كتبت بواسطة curbis

أنا عملتها الحمدلله في مركز رؤية في سيدي جابر في الاسكندرية من حوالي أكتر من ٣ سنين

كانت ساعتها بتتعمل في مصر وألمانيا وسنغافورة بس.... وعملتها مع الدكتور أسامة ابراهيم (كان رئيس جامعة اسكندرية) وهو كان تاني دكتور يعمل العملية بعد الدكتورة الهندية روبال شاه اللي اخترعت العملية أساسا

وأنا كنت جزء من بحث كبير عن نتائج العملية وعملت متابعة لمدة سنة لأنها كانت لسه جديدة

eyetube.net: Ophthalmic surgical video resource

لو عاوز تقرا أكتر عن نتائج العملية اعمل سرش على small incision lenticule extraction (smile)

أنا كان نظري حوالي -٧ واستجماتيزم.... دلوقت الحمدلله بعد ٣ سنين العين الشمال حققت supervision يعني نظر أحسن من ستة على ستة... بس العين اليمين في استجماتيزم بسيط كده

العملية وقتها اتكلفت ١٠ آلاف جنيه بس أظن دلوقت أرخص لأنها انتشرت وبقت في كل حتة

كل اللي حصل الممرضين حطولي كام قطرة وبعدين رحت للجهاز ونمت... الدكتور قال لي بص للمبة الخضرا لمدة ٤٠ ثانية لكل عين ولا حسيت بأي حاجة قالي خلاص حمدلله عالسلامة

بعد العملية كان في زغلله جامدة أول يوم ومكنتش عارف أقرأ شاشة اللابتوب أو الموبايل خالص وبالليل كان في هالات كبيرة حوالين الأنوار وشوية جفاف في العين.... تاني يوم الموضوع بقيت احسن بس برضو مكنتش عارف اقرا الموبايل او اللابتوب... وبعدين هتتحسن تدريجيا لمدة أسبوع... وبعد اسبوعين كده هتبقى تمام ان شاء الله

العملية احسن بكتير من الليزك والفيمتوليزك لأنها مفيش فيها فلاب يعني فتحة في قرنية العين... والفتحة دي عمرها ما بتلتئم أبدا... عشان كده الليزك مش بيبقى مقبول في بعض الكليات العسكرية في أمريكا او الالعاب الرياضية اللي فيها مخاطر اصابة اكتر...

بالاضافة لأنها بتوفر في القرنية فتقدر تعملها لدرجات أعلى من -١٠ بأمان أكتر

والابحاث دلوقت كلها بتدور حوالين لو العملية تنفع لطول النظر

العملية يفضل انها تتعمل للدرجات الكبيرة... يعني لو -٢ مثلا معتقدش انها تنفع.... وفي البحث هتلاقي الدكتور مرة عملها لمريض عنده نقص نظر -١٧

ولو في أى استفسار تاني انا تحت امرك

شكرا جدا :) ربنا يكرمك انا فى القاهرة ياترى الدكتور دا لية مركز هنا ؟ ونتيجة العملية بعد 3 سنين اختلقت عن نتيجتها بعدها مباشرتا اقصد كان الاتنان تمام و بعديين العين اليمين قلت ولا هى دى النتيجة من ساعة ما خرجت ؟ و العملية دى تنفع لكل المقاسات ولا الكبيرة فقط انا شفت فيديو لدكتور عاصم زهران بيقول لكلوا واكثر امانا رغم انى استشرت دكتور ثقة مجرد ما بص على الكشف بتاعى وقولتلوا فيمتو سمايل قالى مينفعكيش خالص !!!! لاكن فيمتو ليزك نقرر بعد الفحوصات ؟؟ طيب عرف ازاى انها متنفعنيش من قبل ما يشوف الفحوصات ذى ما قال فى فيمتو ليزك ؟؟ فقولت استشير طبيب تانى انا بس بفضل دايما الاحدث والاكتر امانا خاصتا انوا مفيش قطع اية رايك؟

المشاركة الأصلية كتبت بواسطة curbis

أنا عملتها الحمدلله في مركز رؤية في سيدي جابر في الاسكندرية من حوالي أكتر من ٣ سنين

كانت ساعتها بتتعمل في مصر وألمانيا وسنغافورة بس.... وعملتها مع الدكتور أسامة ابراهيم (كان رئيس جامعة اسكندرية) وهو كان تاني دكتور يعمل العملية بعد الدكتورة الهندية روبال شاه اللي اخترعت العملية أساسا

وأنا كنت جزء من بحث كبير عن نتائج العملية وعملت متابعة لمدة سنة لأنها كانت لسه جديدة

eyetube.net: Ophthalmic surgical video resource

لو عاوز تقرا أكتر عن نتائج العملية اعمل سرش على small incision lenticule extraction (smile)

أنا كان نظري حوالي -٧ واستجماتيزم.... دلوقت الحمدلله بعد ٣ سنين العين الشمال حققت supervision يعني نظر أحسن من ستة على ستة... بس العين اليمين في استجماتيزم بسيط كده

العملية وقتها اتكلفت ١٠ آلاف جنيه بس أظن دلوقت أرخص لأنها انتشرت وبقت في كل حتة

كل اللي حصل الممرضين حطولي كام قطرة وبعدين رحت للجهاز ونمت... الدكتور قال لي بص للمبة الخضرا لمدة ٤٠ ثانية لكل عين ولا حسيت بأي حاجة قالي خلاص حمدلله عالسلامة

بعد العملية كان في زغلله جامدة أول يوم ومكنتش عارف أقرأ شاشة اللابتوب أو الموبايل خالص وبالليل كان في هالات كبيرة حوالين الأنوار وشوية جفاف في العين.... تاني يوم الموضوع بقيت احسن بس برضو مكنتش عارف اقرا الموبايل او اللابتوب... وبعدين هتتحسن تدريجيا لمدة أسبوع... وبعد اسبوعين كده هتبقى تمام ان شاء الله

العملية احسن بكتير من الليزك والفيمتوليزك لأنها مفيش فيها فلاب يعني فتحة في قرنية العين... والفتحة دي عمرها ما بتلتئم أبدا... عشان كده الليزك مش بيبقى مقبول في بعض الكليات العسكرية في أمريكا او الالعاب الرياضية اللي فيها مخاطر اصابة اكتر...

بالاضافة لأنها بتوفر في القرنية فتقدر تعملها لدرجات أعلى من -١٠ بأمان أكتر

والابحاث دلوقت كلها بتدور حوالين لو العملية تنفع لطول النظر

العملية يفضل انها تتعمل للدرجات الكبيرة... يعني لو -٢ مثلا معتقدش انها تنفع.... وفي البحث هتلاقي الدكتور مرة عملها لمريض عنده نقص نظر -١٧

ولو في أى استفسار تاني انا تحت امرك

امممم هو انا كمان بصراحة معرفش ان كان مقاس النظر عندى كبير او صغير بص انا هكتبلك المكتوب فى الكشف بالظبط وحاول تفهمنى :d
rt
sph -1.0
cyl +3.25
axis 85
i.p.d 63 mm
lt
sph -0.5
cyl +1.75
axis 90

المشاركة الأصلية كتبت بواسطة shnory

انا جيتلك اهوه (:
شكرا انك فاكرني يا باشا (:
انا معملتش فيمتو سمايل انا عملت sbk
من فيمتو سمايل لليزك مبتفرقش غير في قطع العدسه بس
انما كلهم علي نفس الجهاز
حدور علي لينك العمليه بتاعتي الي فيه المناقشات واجيبه هنا تشوفه صاحبه الموضوع

هوا انا اقدر انسى مواضيعك المميزه واسلوبك الشيق فى الكتابه

المشاركة الأصلية كتبت بواسطة marwaali

شكرا جدا :) ربنا يكرمك انا فى القاهرة ياترى الدكتور دا لية مركز هنا ؟ ونتيجة العملية بعد 3 سنين اختلقت عن نتيجتها بعدها مباشرتا اقصد كان الاتنان تمام و بعديين العين اليمين قلت ولا هى دى النتيجة من ساعة ما خرجت ؟ و العملية دى تنفع لكل المقاسات ولا الكبيرة فقط انا شفت فيديو لدكتور عاصم زهران بيقول لكلوا واكثر امانا رغم انى استشرت دكتور ثقة مجرد ما بص على الكشف بتاعى وقولتلوا فيمتو سمايل قالى مينفعكيش خالص !!!! لاكن فيمتو ليزك نقرر بعد الفحوصات ؟؟ طيب عرف ازاى انها متنفعنيش من قبل ما يشوف الفحوصات ذى ما قال فى فيمتو ليزك ؟؟ فقولت استشير طبيب تانى انا بس بفضل دايما الاحدث والاكتر امانا خاصتا انوا مفيش قطع اية رايك؟

منتظرة ردك :)