الموضوع: مشروع مضمون بنسبة ربح تزيد عن 500%

السلام عليكم انا فكرت فى مشروع مربح جدا و هو تجارة المخدرات , وعلشان محدش يندهش و يستغرب و يقول راجل دكتور و يفكر بالعقلية الاجرامية دى , اقول لحضراتكم الكلام ده مش من عندى , دى بشرى لكل المجرمين و اللصوص اللى نهبوا البلد او اللى عايزين ينهبوا فيما بعد او واحد عايز يشتغل مثلا فى تجارة " الكيف" , لكل دول الجرائد طالعتنا اليوم بالبشرى و السلوى لهم و امثالهم .... وزارة العدل بتقولك اسرق و سدد للدولة جزأ من الغنيمة و الله غفور رحيم واليكم بعضا من هذه البشرى ( اليوم السابع):
تعديلات قانون الكسبتنعش خزينة الدولة بمليار و300 مليون جنيه.. وطوق نجاة لـ3 مشاهير.. أحمد نظيف وإبراهيم سليمان مطلوبان لتنفيذ أحكام.. وأمامهما فرصة للتصالح.. ورشيد محمد رشيد ينتظر الموافقة لحسم موقفه
رغم صدور أحكام قضائية ضد كل من الدكتور أحمد نظيف، رئيس الوزراء الأسبق، بالسجن 5 سنوات وتغريمه 53 مليون، وإبراهيم سليمان، وزير الإسكان الأسبق، بالسجن لمدة 3 سنوات وإلزامه برد مليار و64 مليون، ورشيد محمد رشيد، وزير التجارة والصناعة الأسبق، إلا أن لديهم الفرصة للتصالح طبقا لتعديلات قانون الكسب غير المشروع، بتقديم طلبات للتصالح فى القضايا المتهمين فيها، وذلك لإسقاط العقوبة فى حالة سداد قيمة المبالغ التى حصلوا عليها دون وجه حق، بالإضافة إلى مبالغ مماثله للمبالغ المتحصل عليها.

أكد الدكتور محمود كبيش، عميد كلية الحقوق جامعة القاهرة السابق، أنه طبقا لتعديلات قانون الكسب غير المشروع فإنه يحق لأى متهم فى قضايا الكسب غير المشروع التقدم بطلب لوزارة العدل للتصالح،

وكان المستشار أحمدالزند، وزير العدل، دعا جميع الخاضعين لأحكام قانون جهاز الكسب غير المشروعمن أصحاب القضايا إلى اتخاذ الإجراءات اللازمة للتصالح حال رغبتهم فىالاستفادة من التيسيرات الواردة فى التعديلات التى طرأت أخيرا على القانون، والتى من شأنها اجراء التصالح معهم نظير ردهم لكامل مستحقات الدولة المستولى عليها

انتهى المنقول و هو تقريرطويل يمكن الرجوع اليه ,و نرجع لمشروع الاتجار فى الكيف الخبر ذكر فيه "جميع الخاضعين لأحكام قانون جهاز الكسب غير المشروع و كمان من اصحاب القضايا يعنى واخدين احكام , ما علينا لو تجارة المخدرات تدخل تحت بند الكسب الغير مشروع يبقى الواحد بدل ما يسافر و يتغرب و لا يجتهد و يعمل مشروع يمكن يخسر , يعمله قرشين و يسدد الغرامات علشان خزينة الدولة " تنتعش" حسب ما جاء فى الخبر .... مش معقول اتخاذ اجراءات تقنن الفساد و الجريمة

- مثال: لو قبضنا على تاجر مخدارت دلوقتى ولقينا معاه مليون جنيه.

- هى الفلوس دى جابه منين؟؟؟؟؟؟؟؟

- دى فلوس ناس غلبانه مبتلاه بتعاطى وإدمان المخدرات.

- إللى سرق / قتل / نصب .......... إلخ، عشان يشرب المخدرات.

- والناس دى من الشعب وفلوسها تبقى مال عام.

- بعد اما الدوله بتاخد الفلوس ديه.

- بتصرفها تانى على الناس المدمنه فى المستشفيات

- وكل يوم عدد المدمنين فى زيادة.

- ولا وزارة الصحه لئيه للناس دى سراير أو أدويه.

- وحضرتك عمال بتتكلم فى الحلال والحرام.

- ماهى فلوسهم ولقينه مع التاجر إللى بيبع لهم السم.

- وبنعالجهم بيها وبتصرف الدوله كمان زيادة من جيبها ومش ملاحقه.

- عشان مطولش، روح اتبرعلهم من جيبك من الحلال ،وبنظرة وحده للبروفايل بتاعك أنت بسم الله ماشاء الله فى سعه من المال.

(النهايه)