اوبترا ولا فيرنا كسر الزيرو

**theman** · 16-10-2015 09:46 PM

انا معايا 75000 وبفكر اجيب اوبترا موديل من 2007 الي 2009 بحالة ممتازة لو مانيوال مش مشكلة بس الافضل اوتوماتيك هل بالسعر ده ممكن الاقي حالة ممتازة ولا ادور علي فيرنا موديل 2012 فيما فوق كسر الزيرو افضل ؟ انا اهم مطالبي عربية قوية بتاعة سفر اسعار قطع غيار واستهلاك بنزين معقولين ارجو الرد من خبراء المنتدي اوبترا ولا فيرنا كسر الزيرو افضل ؟

**heshamzn** · 17-10-2015 01:07 AM

سلام عليكم يا اخى اسمح لى ارد عليك من واقع استخدامى للاوبترا
انا معايا حاليا اوبترا 2008 اوتوماتيك مغير لها موتور من حوالى 3 شهور وطبعا رجعت زيرو الموتور الجديد استيراد من نص عامل 30000 كيلو فقط واحد شبط فيها مش عاوز يسيبها عارض على 80 الف الصراحة شكلى هبيعها بس انا صرفت عليها كتير وكنت جايبها ب 80 الف والاوبترا عربية سريعة وجميلة وبتاعت سفر وعيبها الوحيد صاجها طري جدا بشكل يعنى لو واحد سند عليها بيسيب اثر بس بتترد بسهولة ع البارد
بنزين الاوبترا عالى شوية يعنى تقدر تقول العشرين لتر كانوا بيعملوا حوالى 150 كيلو جوا البلد بس ف السفر الوضع اختلف جدا انا سافرت بيها عملت 207 كيلو بالعشرين لتر الى كاناو بيعملوا 150 ويمكن اكتر من 207 يعنى حلوة ف السفر بتوفر لما تجري ع الميه او اعلى قليلا انا جربت اجرى ع ال 160 جميلة بس انا مش قادر احكم هل هى بتعوم ولا دا من الطريق وتعوجاته بس واحد قالى اركب لها جنط 15 هتثبت اوى دى تجربتى يمكن تفيدك

**A7medelfe2y** · 23-10-2015 11:54 PM

هات اوبترا بس هاتها مانيوال عشان تجيب حاله شاذه وتكون فبريكه بالكامل وعدد كلوات قيلي والسعر دا يجبلك واحده بالمواصفات دي او توصلهم 80 وكدا هتركب عربيه شاذه فعلا بحاله المصنع
ممكن تجيب اوتو وبنفس السعر بس هتفرق في الحاله
وعموما الاوبترا تكسب 1000 فيرنا