عرض للطباعة
غلبت فى المشكلة دى
كل ما اجى افتح لينك من الفيسبوك مثلاً ، بدل ما تفتح الصفحة المفترضة ، يحصل redirect وتظهر اعلانات و popups وقصص مالهاش لازمة
مافيش انتى فيروس ولا انتى ادوير بيعالج المشكلة دى
حتى الفاكتورى ريسيت للجهاز ماعالجش المشكلة.
بيقولوا انه فيروس على الشبكة ، يعنى على الروتر
بس الفاكتورى ريسيت للروتر برضه ماعالجش المشكلة
العلاج الوحيد هو اغلاق الجافا على البراوزر ، بس دى ليها اثار جانبية زى ان الفيديوهات مابقتش تفتح على البراوزر ..
وبعدين؟
Avira antivirus
بالتوفيق ان شاء الله
دى مشكلة فى الروتر نفسه مش فى الموبايل ..
فيروس بيضرب الروتر
عشان كده مهما نزلت برامج لعلاج الفيروسات مش هتقدر تتعامل مع الروتر.
ومالوش حل غير بعمل تحديث للـ firmware الخاص بالروتر
والحمد لله وصلت للحل وتخلصت من المشكلة نهائيا ..
هم يومين ، ورجعت ريما لعادتها القديمة
مافيش فايدة.
الموضوع ده جنني من فترة ,, و للأسف ملوش حل غير تحديث فريموير الراوتر ,, و أنت و حظك برضه .
المشكلة كمان أن الراوتر عندي ملوش فريموير من 2013 ,, فكانت مأساة ..
لكن سبحان الله , المشكلة أتحلت لوحدها تماما لما غيرت الـ DNS لـ Google DNS ,, و غيرت باسوورد الواي فاي ,,
ثم بعد كده عملت Reset لآعدادات الراوتر بالكامل ..
و من ساعتها الدنيا هادية و المشكلة أتحلت الحمدلله ,, علي الرغم أنه مش حل أساسا , بس هي جت كده ..
adaway
برنامج للاندرويد مش موجود على سوق جوجل لكن هتلاقيه على الويب سايت بتاعهم او على البلاك ماركت ... بس لازم تعمل روت
منع عندي كل الاعلانات المزعجة والأ pop up
نجرب ، مين عارف ..اقتباس:
المشاركة الأصلية كتبت بواسطة specialist
جارى البحثاقتباس:
المشاركة الأصلية كتبت بواسطة د.محمود صلاح
با ربت والله نلافى حل
مشكله غبيه وكرهتني ف عيشتي
وفعلا فايروس ع الرواتر الحل المؤقت ريسيت للراوتر وبعد يومين ترجع تاني
اتحل الموضوع باني اشتريت راوتر جديد وانتهت المشكله بتغيير الراوتر
المشكله بتظهر عامة في راوترات تي بي لينك و سببها فايرس بيغير ال DNS بتاع الراوتر.
الحل في حاجتين:
اول حاجه تغير ال DNS لبتاع جوجل
تاني حاجه و دي الاهم تخش على ال access control من صغحة الراوتر و تخلي الاكسس بتاعه من علي ال LAN فقط.
الموضوع ده جربته على تلت اجهزه و اتحلت الممشكله نهائيا.