انا حكايتى ومشكلتى شغلى غريبة شوية
انا شغال senior itفى شركة كهربا تعتبر كبيره جدا فى مجالها
مرتبى 2000 وطبعا مش مكفى اى حاجة ومتستغربوس انى سينيور والمرتب كدا . د طبيعة المرتبات عندنا
مش دى المشكلة..
المشكلة انى لما اشتغلت فى الشركة دى من 2008 اول متخرجت على طول.. (نظرا لان صحاب الشركة معرفة الوالد ).. حتى الان 2015 عرفت حاجات وخبرات كتير جدا طبعا بس للاسف لسة مكتشف قريب لما زهقت وقررت امشى من الشركة لظروف المعاملة الى مبقتش زى الاول من صاحب العمل او سكرتيرتة التنفيذيه الى جبها واداها صلحيات كتيرة وهيا سليطة اللسان وانا من النوع الهادى ومبحبش اعمل مشاكل

اكتشفت انى ضيعت وقت كتير اوى من عمرى بقا عمرى 28 سنة من غير ماخد اى كورسات ليها علاقة بالمجال اعتمدت على الخبرات الى باخدها من الشركة

واكتشفت ان بقا نقصنى حاجات كتير ومعلومات كتير تفيدنى لو حبيت اشتغل فى مكان تانى افضل .. مثال بسيط

انا مسؤال فى الشركة مثلا انى اوصل اى جهاز بالشبكة سواء بالكبلات او لاسلكى بالويرليس وعامل سرفر للتحكم فى النت اسمة tmg وسرفر للتحكم فى المستخدمين اسمة دومين كونترول
غير مسؤليتى عن شراء كل قطع الحاسب الالى وصيانة البرنترات والاميلات والاجهزة الخ.

اكتشفت ان كل الى اعرفة دا ميجيش حاجة فى معلومات واحد معاة شهادة ccna او mctip 2012

مهاراتى ومعلوماتى واقفة لحد ويندوز سرفر 2008 والناس بدات تشتغل بحاجات احدث

فكرت اخد كورسات . محتاج فلوس وامتحانات وانا راجل متجوز ومخلف وورايا مسؤليات

ويدوبك المرتب على القد

طيب اتعلم اون لاين .. مش لاقى وقت نهائى برجع متاخر من الشغل الساعة 7 بليل يدوبك سعتين وانام

المهم علشان انا فتحت فى مواضيع وحاجات مكنتش داخل اكتبها من اصلة

الى اقصدة الناس الى معاها معلومات اققل منى شغالة بمرتبات اعلى منى بكتير عايز اشتغل فى مكان يوفرلى مرتب كويس اعلى من الى انا باخدة علشان اقدر اخد بجزء منة كورسات للحاجات الجديدة الى فتتنى دى علشان اشتغل فى مكان كويس او حتى اسافر

ومش عارف اعمل كدا ازاى كل الاماكن الى مرتبتها عالية طالبة اصحاب الشهدات وخلاص

حد فهم منى حاجة