بعد ارتفاع الأسعار .... والحيرة ... والكلام والآراء المختلفة أنا مبدئيا استقريت على حاجة من ثلاثة نيسان صني سوبر صالون 2016 أو جين أو أو بيرسونا أو سوزوكي سياد ياريت حد يفيدني أو يقترح سيارة اخرى ولكم جزيل الشكر
عرض للطباعة
بعد ارتفاع الأسعار .... والحيرة ... والكلام والآراء المختلفة أنا مبدئيا استقريت على حاجة من ثلاثة نيسان صني سوبر صالون 2016 أو جين أو أو بيرسونا أو سوزوكي سياد ياريت حد يفيدني أو يقترح سيارة اخرى ولكم جزيل الشكر
متابع
نفس الحيرة واالهى ياريت نستفاد من الاراء
مقارنه فعلا صعبه
لكن نصيحه عامه
اسال ملاك العربيات دول على الطبيعه ومتكتفيش بالمكتوب على النت
ادخل على صفحاتهم على الفيس بوك وحاول تكون صوره
كل العربييات ليها عيوب ومميزات
وسع دائره بحثك
شوف ايه اللى يتماشى مع احتياجاتك
الانتشار يقول نيسان صنى ويا سلام لو سوبر صالون حلوة وبعديها سوزوكى سياز كلو بيشكر فيها ومنتشرة وتقريبا سعرهم واحد بس سعر اعادة البيع ممكن الاتين واحد او الصنى اعلى شوية وابعددددددد عن علامة البروتون لان توكيلها ميت وعربيات شكلها من زمان قديم مافيش تحديث للعلامة دى
طلع الصنى برة الموضوع خالص , وخلى اختياراتك بين ال جين 2 و السياز , مع العلم ان فى فرق سعر يوصل ل 20 الف زيادة فى حالة السياز , الجين 2 عربية كويسة جدا ومافيش منها مشاكل جوهرية ومتجربة وقطع غيارها موجودة بسهولة , السياز عربية شكلها حلو ولكن لسه ماتجربتش وماظهرش عيوبها , الجين 2 تققفيل ماليزى والسياز هندى عشان نطلع من حوار اليابانى بس. الاتنين توكيلهم سئ
ممكن حضرتك تضيف السوزوكى سويفت هاتشباك
او الديزاير اللى هى سويفت سيدان
لو تقدر تزود شوية
هتلاقى
سيات توليدو
كروز
ولو اكتر شويتين
كيا سييد
بسم الله الرحمن الرحيم
أخى الفاضل
لقد سلكت الطريق الشائك فى الإختيار و وقعت فعلآ فى إختيارات صعبه.
إليك ما أراه صائب:
1 - أبدأ كلامى بإستبعاد الصنى فهى خارج المنافسه (أقل من البروتون و السياز).
2 - السياز سياره هجين (محرك صينى و الباقى هندى و تحت راية العملاق اليابانى سوزوكى).
3 - السياز سيارة الأحلام بكل ما فيها من كماليات و رفاهيات و أناقه و فخامه ترضيك تمامآ.
4 - حتى فترة قريبه كانت الشكوك تحوم حول ثبات السياز على السرعات أعلى من 120 كم/ساعه ولكن أحد الإخوه الأفاضل (حفظه الله) قام بتجربتها بالفعل حتى تأكد له بالتجربه العمليه أنها ثابته تمامآ حتى 160 كم/ساعه و فوق تلك السرعه يقل ثباتها (ولكن لا ينعدم).
5 - العيب الأول للسياز هو صغر حجم خزان وهو الأمر الذى لا يدعم السفر مسافه طويله على الصحرازى دون الحاجه للتوقف للتزود بالوقود. . . و إسمح لى هنا أن أذكر موقف حدث بشأن هذه المعلومه . . . كنت قد كتبت نفس هذه المعلومه فى أحد المشاركات على هذا المنتدى الفاضل ثم وجدت أحد الزملاء يعلق ردآ على مشاركتى بأنه سافر من مرسى مطروح حتى القاهره بها بدون التوقف للتزود بالوقود . . . عندما كتبت مشاركتى كنت أقصد المسافات الطويله على الصحرواى (600 كم مثلآ) لأن هناك سيارات (غير السياز) توفر لك هذه الميزه.
6 - العيب الثانى للسياز وهو الوكيل صاحب الفضائح المدويه. أنا شخصيآ واحد من الذين وصلت مع الوكيل لمرحلة تحرير محضر ضد الوكيل حتى أخذت القرار بالإنفصال عنه و أعقب ذلك الندم على الوقت و المال الذى أضعته عند و على الوكيل (وحتى أكون أنطق بالحق فإن الوكيل يسعى هذه الأيام لتحسين سمعته و تحسين آداؤه).
7 - البروتون (بيرسونا أو جين 2 ) هى سيارة القوه المفرطه إن صح هذا التعبير. كل شىء فى هذه السياره قوى
1 - الصاج
2 - المحرك
3 - العفشه
8 - ثبات البروتون أعلى من ثبات السياز
9 - عيوب السياز هى نفسها عيوب البروتون (نسخ و لصق)
10 - إستهلاك البروتون للوقود أعلى من إستهلاك السياز للوقود و بالتالى فأنت تواجه نفس مشكلة صغر خزان الوقود (بالنسبه للمسافات فى حدود 600 كم).
11 - وكيل البروتون كما وصفه أحد الزملاء . . ميت . . و أنا أؤيد هذه المعلومه.
الإستنتاج:
1 - إن كنت ممن الذين يهتمون جدآ بالشكل الجمالى و الرفاهيات ( و أنا أعلم و بشكل شخصى أن هذه المعايير هى الشرط الأول لإختيار السياره عند بعض الناس) فإن مقصدك هو السياز و بدون تردد.
2 - إن كنت ممن لا يحتملون إستفزازات الوكيل الفاشل و السىء فإبتعد عن السياز نهائى لأنك و بسبب السوفت وير لن تستطيع الإستغناء عن الوكيل . . و هنا تفوز البروتون بجداره لأنك و ببساطه تستطيع إجراء كل شىء عند ميكانيكى ماهر.
3 - أظن أن سعر إعادة البيع للسياز سيكون أفضل بكثير من البروتون بسبب الإنتشار الواسع الذى حققته السياز و فى وقت ضيق جدآ . . لذلك إن كنت ممن يغيرون سياراتهم بعد وقت قريب فإن السياز هى المكسب الأكبر لك.
4 - و الأهم من كل ذلك ألا تتوقع من السياره (أيآ كانت) ما يفوق إمكانياتها حتى لا يصيبك الإحباط و الندم.
هداك الله لأرشد أمرك و أقومه
السلام عليكم و رحمة الله و بركاته