الموضوع: نصيبا من الدنيا

المشاركة الأصلية كتبت بواسطة mody1982

امبارح يا جماعه كنت حاضر فرح بتاع ناس قرايبنا من بعيد المهم في الفرح ده كان في واحده برضه من قرايبنا من بعيد عمرها فوق الاربعين و مش متجوزه و و حيده والدتها الست الكبيره المسنه المريضه
لحد كده و عادي و موجود كتير
اكتشفت انها مريضه بالسرطان و دخلت عملت عمليه من سنه و نص و والدتها متعرفش انها كانت عمليه ليها علاقه بالسرطان و بعدين بدئت رحله العلاج الكيماوي
و بعد ما اتحسنت و تقريبا كانت علي وشك الشفاء رجع المرض تاني ينتشر من شهر ادعولها ربنا يشفيها
الموضوع ده مخليني مش بنام من امبارح متخيلين البنت دي ملهاش اي نصيب او حظ من الدنيا ازاي
يعني الجواز اللي يعتبر شئ محوري عند كل بنت و اتحرمت و اتحرمت انها تبقي ام و زوجه مع انها علي فكره شكلها حلو جدا و اصلا متقدرش تقول انها معديه الاربعين
و كمان ربنا يصيبها بمرض لعين زي ده و تعاني فيه و تتعذب و بعد ما تقرب تخف يرجع ليها تاني
طيب هو مش كفايه عليها مصيبه واحده
مش كفايه انها و امها معتمدين علي بعض و لو حد فيهم حصله حاجه التاني هيتبهدل
مش كفايه انها مرضت يقوم المرض يرجع ليها تاني
انا بصراحه رغم اني اول مره اشوفها في حياتي و احتمال تبقي اخر مره بس حزين عليها جدا مش علشان قريبتي بس علشان الظروف اللي هي فيها
يعني الطبيعي نلاقي كل حد عنده مشكله في حياته و مش مبسوطه 100 % بس بالنسبه للبنت دي فمعتقدش في حاجه حلوه في حياتها
ربنا هو الرحمن الرحيم طيب ليه قدر البنت دي بالسوء الشديد ده
انا عارف ان نهايه المرض ده هو الموت و بتبقي الفتره اللي بيعشها المصاب مش كبيره بعد اكتشاف الاصابه
يعني عيشه حزينه + مرض مزمن و مؤلم و لعين + الم لا يحتمل حتي الوفاه القريبه
ايه ده علمت ايه علشان يحصل ليها كل ده
خدت ايه حلو من الدنيا الاجابه و لا حاجه
لاحظت في عينها امبارح صدفه دموع بسيطه ساعه زفه العروسه
صراحه الواحد دماغه هتشت

سيدي الفاضل , اولا يلزم التثبت واليقين ان ربك عادل ,,, و حاشا لله ان يجول بخاطرنا صفه من صفات النقصان عليه سبحانه وتعالي , ثانياان ينبغي الا نحكم بظاهر الأمور ابدا , او وفق ما نراه من شواهد و نربطها ببعضا و نستخرج حكما , ثالثا ما يحدث في حياه الناس فرحا او ترحا يكون علي وجهين اولهما احداث تحدث نتيجه اخذنا باسباب الحدوث و احداث تحدث لنا دون تدخل وهو ما نسميه القضاء والقدر ,, اما الأولي فهذا ما كسبته يداي , انسان لم يذاكر رغم وجود وسائل تساعده للتفرغ للدراسه ولا يوجد ما يعوق التحصيل ولكنه لم يحصل نتيجه عوار في شخصيته فالنتيجه الحتميه هي الرسوب , اما لو كان من المجدين و اخذ باسباب الفلاح وحدث له مكروه او حادث عند ذهابه للامتحان دون تدخل منه فهذا القضاء والقدر الذي لا دخل لنا فيه , وهذا حقا علي الله ان يعوضه التعويض الذي يراه المولي مناسبا له المهم هو الرضي في النهايه ( ولسوف يعطيك ربك فترضي ) ... لأن هذا الحادث قد تسبب في تأخير ه عن تحصيل باقي الامتحانات و تسبب في فشله في تحصيل الدرجات اللازمه للوصول للكليه التي يطلبها بالتالي فهذا الطالب ان اراد استكمال هدفه وطلب اعاده السنه مثلا ليحصل درجات كليته فهو في خير ... وان لم يكن لديه الاراده او الرغبه بالقوه التي تدفعه لاعاده السنه فهو في خير ايضا ... وان سخط و قال ما لي وما حدث اين عدل الله ( حاشا لله ) فلقد اجتهدت ولم احصد و شقيت ولم اجد و في النهايه اكون قعيدا فأين الله مما انا فيه ... فهذا هو السخط وهذا هو الخسران المبيين لأنه لم يكمل المشوار و كبل نفسه الاغلال ...فحال الأول كا ن خيرا لأنه اكتسب صفه الصبر واختبر مدي قوه رغبته في الحصول علي مبتغاه في الكليه فكان ارتباطه بها قويا واصبح ناجحا فعالا , فهو امام الناس قد تاخر عام عن اقرانه لكنه قد سبقهم بقوه تحمله ورغبته في استكمال المشوار بخبره 5 سنوات .... وهذا هو عدل الله وفضل عطاؤه ... اما الثانيه فلم تكن لديه الاراده او الرغبه القويه في تكبل المزيد من الصعاب لتحقيق امنيته وفضل الالتحاق بكليه اخري اقل في المجموع , وفي هذه الحاله هو في خير ايضا لأنه كان يرسم في ذهنه صوره معينه عن اسلوب التعليم في الكليه التي كان يريدها فكان سيصدم لأنه لن يجد ما يفكر فيه ولن يستطيع استكمال المسير نتيجه عاطفيته الزائده التي قد تدفعه للاكتئاب والانزواء فستحزن عليه امه الطيبه التي ربته بعد وفاه والده فرحمه الله بهذا ودخل كليه اخري فهو راضي ... اما الثالث فله الخساره ..... العبره يا سيدي الفاضل برد الفعل وكلنا ممتحنون وكلنا مبتلون ... والدنيا دار بلاء و شقاء والدنيا هي التي جعلت سيدنا عمر بن الخطاب وهو ما له من مقام ان يبكي ويقول ان لو نادي مناديا في الأرض ان اهل الأرض جميعا قد دخلو الجنه الا واحدا لقلت انه انا ... فيا الله ... من يقول ذلك وهو من المبشرين بالجنه ... هون عليك سيدي الكريم واهتم باحوالك ولا تحكم بظاهر الأمور فأنت لا تعلم احوال البشر .. خذ من هذا الحدث عبره وادعوا لها ربك ان يفرج عنها البلاء وان يرزقها الخير