علامه المفتاح البلدي الحمراء دي للتذكير بميعاد الصيانه بتنور كل خمسه اﻻف كيلو وليها طريقه علشان تطفي
اما لمبه epc دي لمبه اﻻعطال وتنور عندتلف اي حساس او البوابه لو فيها مشكله ومحتاجه تغيير
ﻻزم حد عنده جهاز كشف اعطال
ومش اي حد ﻻزم ة مختص باسبرانزا
عرض للطباعة
شكرا علي المعلومات القيمه وانا ان شاء الله هكتب تقرير عن اللي هعمله فيها بس حصل معايا خلاف بيني وبين صاحبها الاول لحد دلوقتي مجبش شهادة المخالفات والتوكيل عمله غلط وشديت معاة وشكلي لو مظبط معايا بكرة هسيبله العربيه واخد فلوسي ولا شفت رخصة ولا شهادة بيانات وكمان عاملي توكيل بعربيه تانيه ومفيش عقد ابتدائي
خلصنا الحمد لله التوكيل وكل حاجة وفاضل شهادة المخالفات هروح اجبها انا واسجل بعدها علي طول بس في سؤال
الرخصه فيها سنه ونص لو نقلت باسمي هيروح عليا ال سنه ونص دول ولا هيترحلو علي الرخصة الجديدة
رحت اول امبارح لمركز خدمه ميكانيكي وعفشجي شغال في التوكيل وفاتح ورشه بعد الظهر
المهم كشف علي العربيه ولقيت الكبالن بتجيب زيت وعايزة 2 اويل سيل وتيش اسكترا علشان الحدفه لليمين وتيل فرامل امامي وفلتر هوا بس المشكله ان لمبة ال epc لسه منورة ورحت لكهربائي ابن 60 * 70 كشف علي العربيه وقعد يتنطط يمين وشمال وفي الاخر معملش حاجة رغم ان عداد السرعه لو لفيت الدركسيون والعربيه واقفة تلاقي السرعه نط لفوق علي 20 او 40 لو لفيته بسرعه وقالي حطها علي كمبيوتر وعايز 50 جنيه قلتله خد خدك المولي عز وجل طيب ما انا عارف انها عايزة تتحط علي كمبيوتر انا قلت تظبطلي السلوك وتشوف الكباري وعلب الفيوزات تنضفها يعني لكن ولا حياة لمن تنادي كأنه قلب سنكري مرة واحدة ومش فاهم حاجة قلت الحمد لله كويس اني مشيت بدل ما يبوظلي حاجة
رحت لبتاع الشكمان وركزوا علي الشكمان دي غيرلي الحته الأولانيه من اول الشكمان ولحملي العلبه اللي في الاخر بس لاحظت ان الحته اللي في الأول فيها لي تخين في اللفة بتاعت الشكمان وبتاع الشكمانات قالي لا انا مديك الاصلي مفهوش الكلام دة اسمع كلامي انا اللي صح وانا مش متاكد ممكن حد يفيدني الشكمان فيه لي في الاول كدة ولا لا ؟؟؟
المهم دفعتله 125 تمن العلبه الاستيراد والجلده اللي بتمسك الشكمان كانت مقطوعه ولحام العلبه الاخيرة
ورحت للميكانيكي بقطع الغيار جبتها من واحد في شبين الكوم قالي تاعلي بكرة بقي علشان عندي شغل كتير قلتله مفيش مشكله هوة راجل جدع ونضيف فمش هتفرق من يوم
اسعار قطع الغيار بتاريخ 31/10/2015
تيل فرامل امامي ب 80 جنيه والخلفي زيه
اويل سيل كوبلن الواحد ب 25 جنيه
تيش اسكترا الواحد ب 65 جنيه
فلتر زيت ب 25 جنيه
فلتر هواء الواحد ب 30 جنيه
وسالت علي حساس الشكمان قالي ب 290 جنيه مع اني كنت اسمع انو ب 150 بس
وطرمبه البنزين قالي ب 375 وفي نوع ب 535 جنيه
ودا اللي عملته لحد دلوقتي وغيرت البوجيهات كمان جبتها ngk ال 4 ب 60 جنيه بس لسه استهلاك البنزين كتير بشكل غبي او العوامه بتاعت البنزين مهيسه شويه تعلي وشويه تقل مش راسيه علي حل والميكانيكي قالي هبصلك عليها واحنا بنركب الحاجات بكرة يعني بكرة الصبح هقولكم عملت ايه يمكن حد يستفيد بمعلومه مني ولا حاجة مع ان معلوماتي علي قدي وانا اسف اني طولت عليكوا