مشاكل فى سيارتى سيات قرطبه ٩٤

**mahmoud elgiza** · 18-10-2015 02:47 AM

السلام عليكم ورحمة الله وبركاته انا لسه شارى عربية سيات قرطبه موديل ٩٤ العربية بعد شوية من الاستعمال لاقيت فيها شوية مشاكل وياريت الاقى الحل عندكو نبتدى :
١_ انا ساعات بحس ان العربية سحبها كويس جدا وانا ماشى بيها وساعات بحس انى مهما دوست على البنزين العربية مابتجريش ولما سالت الميكانيكى قالى ده من كزا حاجه يا اما البوابة عايزة تتنضف او ان الحساسين بتوع الانجيكشن واحد منهم فيه مشكلة وقالى لازم العربية تدخل على الكمبيوتر بس المشكلة ان العربية اصلا مافيهاش فيشة كمبيوتر لانها مش انجيكشن فانا مش عارف كلامه صح ولا غلط.
٢_ الدواسات بتاعة الدبرياج والفرامل ناشفه اوى ولما بدوس عليهم بسمع صوت تزييق مش عارف اعمل فيهم ايه وايه الحل بتاعهم.
٣_ الدريكسيون لما بلف بيه بسمع صوت شخلله وانا بلفه وبحس انه تقيل ومش عارف ايه السبب.
٤_ لما بكون ماشى وقافل الازاز بسمع صوت الموتور جوه كانى قاعد جوه الكبوت و لو خدت مطب او عديت السرعة ١٠٠ الاقى الصوت راح ولو خدت مطب تانى الاقى الصوت رجع انا مش عارف ده من الشكمان ولا الموتور ولا من ايه .
٥_ التكييف عندى مش بحس بيه قوى وبحس انه بياثر على الموتور جامد لدرجه انى لو مشغل التكييف على ٢ والعربيه ماشيه على الاول وجييت اقف بلاقى العربية بتعمل كانها هتبطل خالص وبعدين بتقوم تدور تانى .
٦_ التكييف عندى لو مشغله وفيه اى روايح بره فى الجو بشمها جوه العربية عادى جدا كانى فاتح الازاز ولما روحت علشان اغير الفلتر الراجل بتاع التكييف قالى ياباشا دى مالهاش فلتر التكييف بتاعك الدورة بتاعته مغلقه وهو بينقى نفسه بنفسه . ياريت تفيدونى افادكم الله واسف للاطالة

**the magice** · 18-10-2015 08:38 PM

أولاً مبروك العربية وربنا يباركلك فيها ويكفيك شرها
ثانياً ياريت تقول العربية موتورها كام سي سي وايه الكماليات اللي فيه ولو صورة كمان يكون افضل كتير

**mahmoud elgiza** · 18-10-2015 11:09 PM

المشاركة الأصلية كتبت بواسطة the magice

أولاً مبروك العربية وربنا يباركلك فيها ويكفيك شرها
ثانياً ياريت تقول العربية موتورها كام سي سي وايه الكماليات اللي فيه ولو صورة كمان يكون افضل كتير

الله يبارك فيك
العربية ١٤٠٠ سى سى موتورها الاصلى باور تكييف سنتر ومتظبط فيها حبة حاجات زى عدة الصوت ووحدات رفع وجنوط وكده واى سؤال انا جاهز لحضرتك:-)

**mahmoud elgiza** · 23-10-2015 02:01 PM

يا جماعة ممكن حد يجاوب على اسالتى وياريت لو مش عارفين ليها حل قولولى بردو علشان مافضلش مستنى كل ده ومحدش يجاوب

**windofchange** · 24-10-2015 03:17 PM

و عليكم السلام يا محمود..بص بالنسبة للسحب ممكن تكون من طقم الدبرياج هات الغيار الرابع وجرب تتطلع لو بطلت يبقي الدبرياج سليم مبطلتش يبقي يحتاج يتغير...غير فلتر البنزين وهو بيتغير كل 40 الف كم علي ما اعتقد او لو البنزين وسخ زي حالتنا او مغشوش يبقي تغيره علي فترات متقاربة وبص عليه هتلاقيه منزل بلاوي...هات بوجيهات الموتور الخا

**windofchange** · 24-10-2015 03:29 PM

و عليكم السلام يا محمود..بص بالنسبة للسحب ممكن تكون من طقم الدبرياج هات الغيار الرابع وجرب تتطلع لو بطلت يبقي الدبرياج سليم مبطلتش يبقي يحتاج يتغير...غير فلتر البنزين وهو بيتغير كل 40 الف كم علي ما اعتقد او لو البنزين وسخ زي حالتنا او مغشوش يبقي تغيره علي فترات متقاربة وبص عليه هتلاقيه منزل بلاوي...هات بوجيهات الموتور الخاصة بيه وتقدر تعرف كود البوجيه من موقع ngk وكود موتورك هتلاقيه تحت الاسبيراتير ثلاث حروف انجليزي زي كده مثلا aex وموديل البوجيه مرتبط بكود الموتور...هات منظف دورة بنزين من محلات الاكسسوار وحطه فالتانك وده بعد ما تغير فلتر البنزين ..نظف الكربيراتير ليه سبراي بيتباع وده قبل ما تغير البوجيهات...انفض فلتر الهواء بالمنفاخ فالبنزينة وغيره لو لقيته مهري وحالته تعبانة...صوت عالي راجع ع الشكمان عند بتاع شكمانات امين وعلي قواعده والكاوتش بتاعه اللي ماسكين الشكمان فالعربية ...التكييف عندك شكله بلدي مش الفابريكة بتاع العربية والله اعلم عموما فيه تكييفات عربيات مفيهاش فلتر بس ف ايبيزا من 96 ل 99 فيها فلتر وبوابة لو عايز تقفل الهوا من بره ده اللي شفته عند بتوع قطع الغيار الاستيراد فالانصاص الامامية

**windofchange** · 24-10-2015 03:39 PM

الدركسيون تقيل لانها مش باور..وممكن تكون علبة الدركسيون بايظة وعايزة تتغير..راجع عليها ...الفرامل ممكن تشحم البدال بشحم ابيض سبراي هو وبدال الدبرياج وسلك الدبرياج وهتلاقي لما تفتح الكبوت السلك جزء منه ظاهر شحمه وادخل دوس دبرياج واطلع رش شحم ابيض تاني ودوس دبرياج تاني ولو الدبرياج تقيل اووي يبقي احتمال طقم الدبرياج...والصوت اللي بتسمعه وانت قافل ممكن تكون طبب كاوتش واقعه من صدر العربية اللي ورا التابلوه من تحت او فوق افتح الكابوت وبص شوف وارفع العربية فبنزينة او وانت بتظبط زوايا انزل شوف لو طبه واقعه وهات غيرها جديد او استيراد وممكن برده من كاوتشه عمود الدركسيون ودي ورا سلك الدبرياج ممكن تكون مقطوعة وبتتجاب استيراد

**the magice** · 26-10-2015 12:22 AM

برضه انا لسه عند رأيي ومستني منك صورة لحوض عربيتك لانك باللي قولته ده لخبطتني لان موتورها الاصلي مع التكييف والباور مالهمش دعوة بعض خالص

**Mody_Benz** · 07-11-2015 12:35 AM

انا معايا كوردوبا 98 موتور 1800 كوده abs
لو حابب تعرف اى حاجه عن ميكانيكى محترم للعربيه او عفشجى او كهربائى قولى او اى استفسار عام للعربيه قولى وانا تحت امرك
وبالنسبه windofchange هوا جاوبك لحجات كتير فى عربيتك جزاه الله خيرا