كنت عايز اغير الكاوتش ولقيت هانكوك kinergy eco k425 زي اللي بتنزل في النترا الجديدة
ايه رايكم فيها من حيث التحمل والفرامل والصوت والراحة ؟
كنت عايز اغير الكاوتش ولقيت هانكوك kinergy eco k425 زي اللي بتنزل في النترا الجديدة
ايه رايكم فيها من حيث التحمل والفرامل والصوت والراحة ؟
سئ جدا جدا ولما غيرته رغم ان العربية كان ماشية فقط 700 كيلو الاداء اتغير تماما من قوة فرامل وهدوء فى الصوت على السرعات
الكوتش اللي فيها يعتبر جيد جدا، انا غيرت لمشلان بريمسي ٣ الماني و الفرق مش محسوس بينهم سواء اداء او راحه
طيب كويس انك نبهتني قبل ما اتدبس فيه .. غيرتهم بايه طيب ؟اقتباس:
المشاركة الأصلية كتبت بواسطة soltanfriend
عملت بيهم كام كيلو قبل ماتغير ؟ وكانت حالتهم ايه في المسافه دي. ؟اقتباس:
المشاركة الأصلية كتبت بواسطة devil_storm
هو البياع قاللي فعلا اداءها قريب من الميشلان بس الenergy saver مش الprimacy
الهانكوك kenergy حتعمل معاك متوسط ٥٠ الف كم، انا غيرتهم علي ٣٢ الف كم علشان كان في فردتين فيهم بلالين بسبب اني اخدت بلاعه جمده جدا مش عيب في الكوتش علشان كده غيرت بدري و حاله الكوتش و النقشه كانت لسه بدري جدا عليها و لولا البلالين انا مكنتش حفكر اغيرهم قبل ٥٠ او ٦٠ الف كماقتباس:
المشاركة الأصلية كتبت بواسطة Dr_Smart
لما ركبت الميشلان primacy 3 محسيتش بفرق ملحوظ، هو طبعا في فرق بس بسيط لصالح الميشلان
الراحه الاتنين ذي بعض و محستش باي فرق لما حطيت الميشلان
الثبات الاتنين ذي بعض
الفرامل الميشلان افضل شويه بس ده عشان جديده
الهدوء الميشلان افضل
انا مضايقنى فيه صوته العالى اوى اوى اوى
تجربتي معاه كويسه جدا ....غيرته اول مره علي 60 الف وداخل علي المرة التانيه أن شاءالله بعد أقل من شهرين .... فرده طرية وناعمة وحموله لا في بلالين وسلك ضرب ولا الفرده من كتر اللحامات مثلا باظت ولا حاجه مع أن طريقي أغلبه مدقات !!!! سعر مناسب 480/500 جنيه الفرده
العيب اللي من وجهت نظري موضوع سف الظلط اللي في المجرى بتاعت الفرده .....مش احسن فردة كاوتش في العالم يعني بس بالنسبه لي good deal ....
صوتها عالي بزياده تماسكها مش قوي اوي بس مش سيئه للدرجه
افتكرت حاجه مهمه احب اضيفها عن فرده الهانكوك kenergy انها بتسف الزلط طول مانت ماشي و الموضوع ده كان ارفني جدا و جيبلي صداعاقتباس:
المشاركة الأصلية كتبت بواسطة devil_storm
شكرا لكل المشاركات
طيب انا كده قدامي هانكوك kinergy eco كوري ب ٤٧٠
و كومهو اكستا ku31 فيتنامي ب ٤٣٠
ايه رايكم ؟
المقارنه ماتبقاش من توع لنوع المقارنه تكون من فئه لفئه
معلش مش فاهم قصدك :)اقتباس:
المشاركة الأصلية كتبت بواسطة hossam_elwani
ادخل علي tirereview.com وشوف ايه مكتوب عن كل عجلة و اشتري علي هذا الاساس.
الموقع المذكور ممتاز لتوقع أداء الكوتش في حالة تغييره... شوف الكوتش المتوفر في السوق نوعه و موديله ايه و ارجع للموقع للمشورة..اقتباس:
المشاركة الأصلية كتبت بواسطة svneleven
معايا النترا 2013.. غيرت الكوتش الاصلي الهانكوك ببريدجستون تورانزا gr90.ياباني... السبب الاساسي للتغيير كان الصوت العالي جدا للكوتش و موضوع االزلط الفرق كبير جدا... البريدجستون انعم و صوته هادي جدا لدرجة اني افتكرت في مشكلة في الماتور بعد تغيير الكاوتش عشان بقيت بسمع صوته عكس الهانكوك كان مغطي علي صوت الماتور.. و لكن كل شئ له ميزة و عيب... البريدجستون بعد 20.000 كم بدأ يتمسح و واضح ان الكاووتش عشان طري فمعدل استهلاكه اعلي من الهانكوك... يعني اعتقد الفرد آخرها 40.000 كم مع ملاحظة إنها بدأت تأثر علي الفرامل. و. مع الاخذ في الاعتبار فرق السعر... مش اقل من 200 جنيه في الفرده... في ملاحظة تانية لصالح البيدجستون مش متأكد صدفة ولا عشان جودته!! الكاوتش ماتخرمش مني كتير زي الهانكوك و حتي لما اتخرموا كانوا بييريحوا بس و لاحظتهم بصعوبة... عامة اعتقد المرة الي جاية هحاول اجرب حاجة وسط زي الدانلوب كمثال لانه شغال حلو في عربيات ناس زمايلنا و سعره وسط و معمر... ربنا يوفقك لاختيار الأصلح...
انا راكب النترا 2013 وكانت مشكلتى مع العربيه ان الفرامل ضعيفه شويه ورحت التوكيل فى صيانه 1000 وقال هى كدة مفيش فيها عيوب واخيرا لسه مغير الكاوتش والعربيه اختلفت كتير اوى
وركبت gr90 يابانى
بصراحه عجله ممتازة وحسيت بفرق كبير جدا فى الفرامل والتحكم والسيطرة فى الملفات على اى سرعه وطبعا مفيش صوت خالص