صوت تكتكة عند الضغط على الفرامل ما السبب

عندى صوت تزيق وتكتكه( تخبيط) مع الفرامل من نحية العجلة اليمين وقالوى ان الطنابير اتلوحت ويجب خرطها او تغيرها فقلت اخرط الاول علشان اتاكد ان العيب هو دة وبعدين اغيرها ولكن العيب فضل ذى ماهو و غيرنا الطنبوره بوحده تانية و العيب ذى مهوه ثم عكست الطنابير وركبت الشمال مكان اليمن وبرضوا الصوت موجود وبعدين قلولى ده المسمار بتاع الدشمه الى هى بتمسك التيل مبوش وعلشان كده الدشمه بتروح وتيجى فبتعمل الصوت ده ولزم نعملة عند الخراط ونركبلة جلبة فيبر علاشان تمنع البوش ده وعملت كده ولكن العيب فضل موجود ومشيت وانا وهما محدش عارف العيب وقالولى هته الصبح نبص عليها تانى ارجو المساعده وشكرا

بص يا باشا الموضوع ده حصل عندي بالظبط في التويوتا كورولا 2003

لفيت على ناس كتير جدا ً ومفيش فايدة ، غيرت التيل وصاج التيل وكل حاجة الصوت كان بيروح يوم أو يومين ويرجع تاني

لحد ما ربنا هداني لواحد ابن حلال في سندوب بالمنصورة قال العيب ده عايز الشمعدان بالصرة يتغيروا ، ورحت جبت شمعدان بالصرة استيراد وخرط الطنابير والصوت الحمد لله اختفى تماما ً

بالتوفيق

هو قالى كده فى الاخر بس انا خوفت هجرب وامرى لله

عربية حضرتك اية ؟
ممكن تعرفنا النتائج

نوبيرا 2 موديل 2002

اقتباس:

---

المشاركة الأصلية كتبت بواسطة m.farouk

وبعدين قلولى ده المسمار بتاع الدشمه الى هى بتمسك التيل مبوش وعلشان كده الدشمه بتروح وتيجى فبتعمل الصوت ده ولزم نعملة عند الخراط ونركبلة جلبة فيبر علاشان تمنع البوش

---

اعتقد حضرتك ان ده السبب والحل لازم الدشمة كلها تتغير وتيجى مكانها واحده جديدة او استيراد
ممكن تتأكد من الكلام ده ان والعربية واقفة اكسر عجلك على الاخر واخبط على الكاوتش من جوه لبره هاتلاقى الجنط بيرن معاك

اقتباس:

---

المشاركة الأصلية كتبت بواسطة m.farouk

قلولى ده المسمار بتاع الدشمه الى هى بتمسك التيل مبوش وعلشان كده الدشمه بتروح وتيجى فبتعمل الصوت ده ولزم نعملة عند الخراط ونركبلة جلبة فيبر علاشان تمنع البوش ده

---

الصوابع دى بتيجى طقم على بعضة 4 صوابع بالشحم GM بى 80 جم
راجع الدشم تانى لو فيها بوش فى اى اتجاة هات الطقم دة

اعتقد شغل المخرطة فى حاجة زى كدة مش كويس