الموضوع: شـكــرا غـبــور....نعم أنتم الأفضل. الإيجابية هي الحل

شكرا يارجالة وربنا يبارلك لكم في سياراتكم جميعا.

الملاحظ إن في بارقة آمل من غبور...تحس إنهم بدأو يقلقو على أسمهم شوية، بخصوص التقفيل...فمحدش عارف لإن احنا عربياتنا معظمها 7 و8 ويمكن في 2009 يكون الموضوع اتحسن شوية.

وخلونا برضو نكون محايديين...اللانوس مهي بتتجمع هنا وعيوب تقفيلها أكتر من الفرنا، وفي نفس الوقت السوناتا بتتجمع هنا...ولا يوجد شكوى واحدة منها والكمال لله طبعا! يعني الموضوع نسبي بسبب التكلفة.

تعليق للأستاذ أحمد الانور : انا كنت هبعتلك رسالة خاصة أعتذر فيها عن عدم الحضور ولكن نسيت والله يشهد! فأرجو إن ميكونش في أي زعل.

أستاذ أشرف اللي عربيته أتسرقت : مركز الهياكل انا دخلته مرتين ويارب مايعود دي أيام، و لكن قبل ما أمشى من هناك طلبو مني إني أشيك على كل خرم في العربية ولو في حاجة ناقصة هيجيبوهالي من المخازن. و الولاعات و الادراج و الطفايات إلخ إلخ بتاعت العربية بتتحط في صندوق كبير وبتتحط بعد كدا في المخزن. المفروض تكون حاجتك كلها كانت في كرتونة واحدة.

دي نقطة.
النقطة التانية إن المفروض بعد ما تستلم العربية بيدوك ضمان 60 يوم لو في أي مشكلة ترجعلهم، حضرتك من حقك ترجعلهم وتقولهم انا اتسرقت و حصل كذا وكذا وهما اكيد مش هيقصروا معاك.

يا مسهل يا رب:k49::k32:

تحديث هام :

منذ قليل قامت المهندسة/ رانيا من غبور بالإتصال بي "هذه هي السيدة التي نسيت أسمها وقت كتابتي للموضوع" و قامت بالسؤال عن إذا ما كنت توجهت للصيانة يوم الحجز و هل تم حل كل مشاكلي أم لا و هل واجهت أي صعوبات أم لا؟

و أجبتها بأن كل شيء على مايرام ومستوى الخدمة رائع جداً و شكرتها .

والله حاسس إني بتعامل مع حد تاني..مش غبور اللي الناس بتكتب عنه وبتتكلم عنه دا!