الموضوع: تسقيط ماتور 1300 على فيستا 1100 موديل 96

السلام عليكم ورحمة الله وبركاتة

دي أول مشاركة ليا وأرجو المساعدة من أهل الخبرة
انا الماتور عندي خفيف وقررت أغيره ب 1300 بدل محط 1100 تاني
على اساس ده النوع الوحيد اللي هيركب عندي بدون تعديل
وكمان علشان كنت عايز اشغل التكييف اللي فيها لان على 1100 لما كان الماتور كويس من زمن كان كويس بليل بس والصبح ضايع كانك مش مشغلة
أسئلتي :
1 - هحس بفرق في العربية وقراري ده صح
2- في فرق في التكييف والسحب
3- سعرة عامل كام استيراد وده حسب الموديل والحالة واللا مش فارق الموديل
4- انا كنت عايز اجيب فوانيس العربية والإكصدامات فأجيبها جديد واللا استيراد في حين الإستيراد سعر الضعف
وبصراحة لما دورت على أسعار القطع على المنتدى لاقيت الإستيراد ققل مش عارف إزاي
يعني انا سألت الكشاف الأمامي جديد 165 جنية والإستيراد 200 جنية وهكذا
وحد قلي ركب الإستيراد علشان هيبقى احسن بكتير
5- انا لما قارنت بين لحم الإكصدامات واني أغيرهم لاقيت اني هلحمهم ب 200 جنية بس الإكصدام الخلفي لاقيتة فاضي مفيش فبر فيه فمش عارف اغيره واللا ليه حل مثلا اعضمة بالفوم السائل ده برده كان حد قلي عليه
6- اخلص كل حاجه في العربية من تركيب فوانيس واللازي منه قبل السمكرة والدوكو في حين انها يعتبر مش محتاجة سمكرة - رد على البارد بس واللا ابتدي منين
وأخييرااا أسف على التطويل وشكراا.....
ملحوظة دي أول مرة أشتغل في عربية .....

بصراحه مش عارف حجم التغير في موتور ال1100 عن ال1300 بس ممكن تحتاج تغير ضفيره الكهرباء للعربيه تقريبا ثانيا انت سمكر و خلص كل حاجه و في الاخر تركيب الاكصدامات و الفوانيس احتياطي لاي ظرف بدل ماتفك وتركب تاني بالنسبه لعلي بتاع الوكاله مش نصاب انا جبت منه شورت بلوك 1300 ب1900 من مده سنين وصاحبي جاب منه موتور مونديو من سنه و الحمد لله الراجل مضحكش علينا الصراحه بس انا لسه مثبتش المتور لان معنديش فحص الصراحه بس الراجل في تعامله ونظامه كويس والناس حسب اهوائها في ناس تتفق وناس تتنافر الله اعلم بس المهم اتاكد من حوار الكهربا قبل تغيير المتورعلي فكره الجديد تركي و الاستيراد المالني ودا سر غلو الاستيراد بس التركي برضه كويس وبيمشي وده فوانيس مش عويصه يعني