استفسار عقد موثق ام توكيل ؟

**MohamedSaeed07** · 20-10-2015 05:37 PM

ياجماعة دلوقتى انا فيه عربية حخلص فيها ان شاء الله بكرة ورخصة العريبة فيه لسة سنتين .. ف البائع عملى توكيل فى الشهر العقارى من غيرى .. ايه الاحسن اعمل عقد بينى وبينه واوثقه فى الشهر العقارى وحيبقى ايه نظام رخصة العربية كدة ولا امشى بالتوكيل ده .. انا بحثت ع النت لقيت ان التوكيل لا ينقل الملكية ..
انا محتار ممكن توضحولى ايه الافضل وليه وحيبقى نظام رخصة العربية ايه ؟

**hugan** · 20-10-2015 08:55 PM

مفيش حاجه اسمها عقد بينك وبينه وتوثقه
العربيات في مصر تباع اما بتوكيل
وانت بعد كده تعمل لنفسك عقد بيع في الشهر العقاري
او عقد بيع بيتعمل في الشهر العقاري مش بتكتبه علي ايدك وبعد كده تروح توثقه
لو مش ناوي تبيع يبقي عقد بيع
لو هاتبيع ومش هاتخلي العربية يبقي اعمل توكيل

**svneleven** · 25-10-2015 04:49 AM

راعي انك هتدفع رسوم علي العقد بتاع الشهر العقاري عشان كده الناس بتفضل ال توكيل.

**sherif1988** · 25-10-2015 05:49 AM

سوال طيب
صاحب العربية نفسة اللى هشتريها منه مينفع يلغى التوكيل بعد لما يعملة ليا وياخد الفلوس ؟

التوكيل . كدة العربية مش باسمى ( الرخصة ) مفيهاش ضرر في المرور والكماين وكدة ؟
كمان مثلا انا هشترى عربية باسمى بتوكيل وعايز اعمل توكيل ل اخويا انة يسوقها ولا ابن عمى مثلا هيبقا اية الوضع ؟

عقد البيع مش اضمن من التوكيل ولا اية ؟

تكلفة عقد البيع كام و التوكيل كام ؟
موديل 2012 النترا او سيراتو ؟

**hugan** · 25-10-2015 11:35 AM

المشاركة الأصلية كتبت بواسطة sherif1988

سوال طيب
صاحب العربية نفسة اللى هشتريها منه مينفع يلغى التوكيل بعد لما يعملة ليا وياخد الفلوس ؟

التوكيل . كدة العربية مش باسمى ( الرخصة ) مفيهاش ضرر في المرور والكماين وكدة ؟
كمان مثلا انا هشترى عربية باسمى بتوكيل وعايز اعمل توكيل ل اخويا انة يسوقها ولا ابن عمى مثلا هيبقا اية الوضع ؟

عقد البيع مش اضمن من التوكيل ولا اية ؟

تكلفة عقد البيع كام و التوكيل كام ؟
موديل 2012 النترا او سيراتو ؟

مايقدرش يلغي التوكيل
توكيلات السيارات ﻻتلغي
هاتمشي بصوره التوكيل مفيش مشاكل
وتحتفظ باﻻصل في البيت
عربيتي ماشي بتوكيل من سنتين ونصف ولسه ماعملتش عقد بيع لنفسي

**egyption2012** · 26-10-2015 12:15 AM

الافضل ان يتم التسجيل في الشهر العقاري ونقل الأوراق والملكية في المرور مرة واحدة بدون الانتظار

**svneleven** · 26-10-2015 05:02 AM

تكاليف التسجيل حوالي 1500 أو 1600 جنيه. لو المبلغ مش مهم بالنسبة ليك سجل طبعا و هتنقل ملكية و فحص و فيلم.
التوكيل ينفع يتلغي لكن بحضور الطرفين. اللي هو حضرتك و صاحب العربية الاصلي. يعني لا تقلق.

hh · 26-10-2015 02:11 PM

انا نفسي أعرف الناس اللي بتشتري بتوكيل و متنقلش ملكية حيعملوا ايه لو صاحب العربية الأصلي مات مثلا؟؟ مش فاهمة الناس في مصر غاوية لف و دوران ليه. كل ده عشان ألف و لا اتنين زيادة؟