هيتمنع استيراد السيارت سنه

**Hussein_Ramdan** · 21-10-2015 02:55 PM

كان فى صديق مقرب ليا قرب من دائره صنع القرار قال ليا هيتم اخذ خطوات هامه بوقف استيراد السيارات سنه
وفعلا انهارده كان فى منقاشات فى مجلس الوزراء بمنع استيراد السيارات الخليجى
وفعلا ظهر العلامات انهارده
كده الوكيل الى لى منافس من السيارات الخليجى هيطيح فى السوق
وكمان متوقع وقف استيراد السيارت كلها لمده سنه
توقعات بإلغاء استيراد السيارات الخليجى نهائيا فى مصر بسبب الدولار |اليوم السابع

**م أحمد** · 21-10-2015 03:03 PM

:)

تقصد أن الدولة هتقف أمام الحيتان الثقيلة بزعانفها و فكوكها العملاقة

دا بس هو يدى خبطة :)

دا الأسهل من كدة اللى هو تخفيض الجمارك أو إلغائها ما تعملش.. و مش هكلمك عن سيارة مصرية و الكلام الكبير دا.... تيجى تقول لى ايقاف الاستيراد ووقف السبوبة من القوانين المعيبة :)

صعب

**Hussein_Ramdan** · 21-10-2015 03:05 PM

القصه مش قصه جمراك القصه قصه مفيش دولار نجيب بى العربيات دى
تانى حاجه لقيت مقال مكتوب فى الموضوع دة بس لفت نظرى القطعه دى .........
وقال احمد الشامي مدير مبيعات فولفو بمجموعة عز العرب للسيارات، الوكيل الوحيد للعلامة السويدية , ان مصر تعمل وفق اتفاقيات وقوانين تمنعها من وقف الاستيراد ولكن قد تضع قيودا علي توفير الدولار للقطاع فهذا ما يمكن ان تقوم به فقط اما وقفه فمجرد شائعة.

**Hussein_Ramdan** · 21-10-2015 03:06 PM

بس انا رائى ياتمنعها خالص او تفتحها خالص
عشان موضوع القيود دة هيولع السوق وهيوصل الفيرنا ب 160 الف

**Yehya Badr** · 21-10-2015 03:14 PM

بلاش كلام غير واقعي مصر عضو بمنظمة التجارة العالمية و لا يجوز لها منع أستيراد أى منتج و إلا تعرضنا لعقوبات تجارية من باقي الأعضاء اقصي ما يمكن عمله هو حظر الأستيراد من خارج بلد المنشأ لسيارة لآن دة المسموح به !!!

**Hussein_Ramdan** · 21-10-2015 03:16 PM

يعنى ايه حظر استيراد غير بلد المنشاء ممكن توضيح الكلمه دى
يعنى مثلا النسيان لو بتتقفل فى الصين ممكن منقبلهاش ؟

**hugan** · 21-10-2015 03:22 PM

كان مطبق في الثمنيانيات اول تولي مبارك كان قرار صائب تماما
ومكانش في غير عربيه النصر الطائشه 28

**hugan** · 21-10-2015 05:13 PM

المشاركة الأصلية كتبت بواسطة hussein_ramdan

ممكن توضح اكتر اصل وميلنا بيقول كلام غير وقعى وهل فعلا تم تطبيق مثلا هذا القرار وايه الى حصل فى سوق السيارت

ااسادات عمل اﻻنفتاح واستوردنا كل حاجه شيكوﻻتات ولبان زتلفزيونات
وكل السلع استهلاكية اللي المصريين كانو محرومين منها ايام عبد الناصر
وكان من ضمن السلع السيارات
وشوفنا العربيات الياباتي ﻻول مره في مصر
المهم مسك مبارك وحب يضبط السوق والدوﻻر
طلع قرار بمنع استيراد السلع اللي ليها مثيل او للضروره فقط
وكان اي مستورد ﻻزم يطلع حاجه اسمها ازن استيراد
وكان بيطلع للضرورة القصوي
وكان منها العربيات
علشان كده مفيش موديلات عربيات في مصر من اول 80الي منتصف التسعينات
اﻻ الريجاتا وال 28 /27
والعربيات اللي بتدخل مصر مع اللي شغال في الخليج
ولما الامور استقرت واﻻقتصاد اتظبط في منتصف التسعينات
اتفتح اﻻستيراد من كل شكل ونوع
وظهر ت هيونداي وكيا ودايو وياباني من جديد
لحد ماسلم البلد لجمال وعصابته .
وابتدا اﻻنهيار لحد ماوصلنا للي احنا فيه