قدر الله وماشاء فعل
حمدا لله على سلامتك وسلامة اولادك وسلامة الولد اولا واخيرا
وان شاء الله ربنا يتم شفاه على خير
ويطمن اهله ويطمنا جميعا على اولادنا
وحاول ان تداوم على الاطمئنان على الولد وخصوصا لو مستواهم المادى بسيط الا ان يشفى تماما
عرض للطباعة
قدر الله وماشاء فعل
حمدا لله على سلامتك وسلامة اولادك وسلامة الولد اولا واخيرا
وان شاء الله ربنا يتم شفاه على خير
ويطمن اهله ويطمنا جميعا على اولادنا
وحاول ان تداوم على الاطمئنان على الولد وخصوصا لو مستواهم المادى بسيط الا ان يشفى تماما
الحمد لله الحمد لله....قدر الله وماشاء فعل. بجد موقف صعب لكن نحمد الله انه مر على خير.
ياريت تطمن على الولد اهم حاجة..وتراضي اهله وتعرفهم انه مكنش ذنبك ولا خطئك .
وريح يومين من السواقة خالص لحد ما اعصابك تهدى تماماً.
الحمد لله ....
اكيد ربنا بالحادثة دي أخرك عن شر ....
احمد ربنا واشكره انك واولادك والولد اللي خبطه بخير
ما عدا ذلك ..... مقدور عليه ....
احمد ربنا واستغفر الله ...
لو اقدر اقوم باي مساعدة انا تحت امرك ....
الحمدلله قدر ولطف
حمد الله على سلامتك انت وولادك والولد اللي اتحبط الحمدلله جت سليمه
الحمد لله طبعا على كل شئ
وكويس ان الموضوع مشى كده ده احسن من ناس كتير الموضوع بيتعقد معاهم بس انت كان باين ان نيتك كانت صافيه علشان كده ربنا وقف معاك
ربنا معاك لو فيه اى حاجه الواحد يقدر يعملها ياريت تقول بس
حمد لله على سلامتك اولادك وعلى سلامة الولد وتصرف سليم والله يعينك
الحمد لله رب العلمين على سلامة الولد وعلى سلامتك انت واهلك
أنت اتصرفت صح ...ميه الميه ....وللاسف الفتي ده مش بس في مصر ...ده في كل مكان
بس طبعا مصر في مرتبه عاليه جدا جدا
أول ماتركب عربيتك قول ....أعوذ بكلمات الله التامه ..من كل شيطان وهامه ...ومن كل عين لامه
100*100 وقول كمان دعاء السفراقتباس:
....أعوذ بكلمات الله التامه ..من كل شيطان وهامه ...ومن كل عين لامه
قدر الله وما شاء فعل
الحمدلله على سلامتك وسلامة عائلتك
وسلامة الولد
قدر ولطف
الحمد لله أنها عدت على خير بأذن الله
اقتباس:
لا إله إلا الله الحليم الكريم، لا إله إلا الله العلي العظيم، لا إله إلا الله رب السموات السبع رب العرش العظيم
اللهم يا مؤنس كلّ غريب ويا صاحب كلّ وحيد ويا ملجأ كل خائف ويا كاشف كلّ كربة أسألك لأن تقذف رجاءك في قلبي حتى لا يكون لي همُ ولا شغلُ غيرك وأسألك أن تجعل لي من أمري فرجاً ومخرجاً إنك على كل شيء قدير.
هبني اللّهم الصبر والقدرة لأرضى بما ليس منه بد، وهبني اللّهم الشجاعة والقوة لأغير ما تقوى على تغييره يد، وهبني اللهم السداد والحكمة لأميز بين هذا وذاك.
اللهم آت نفسي تقواها , وزكّها, أنت خير من زكّاها , أنت وليّها ومولاها ،اللهم إني أعوذ بك من علم لا ينفع, وقلب لا يخشع , ونفس لا تشبع , ودعوة لا يستجاب لها ،اللهم إني أعوذ بك من شر ما عملت , ومن شر ما لم أعمل , وأعوذ بك من شر ما علمت , ومن شر ما لم أعلم اللهم إني أعوذ بك من زوال نعمتك , وتحول عافيتك , وفجاءة نقمتك , وجميع سخطك ".
اللهم من اعتزّ بك فلن يُذل، ومن اهتدى بك فلن يضِلّ، ومن استكثر بك فلن يقلّ، ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا.
ألف سلامة يا كريم بيه
معلش, قدرنا نمشى فى جنينة الحيوانات دى
الناس تسيب عيالها فى الشارع, و لما يحصل حاجة يفتكروا إنهم كان ليهم عيال
الحمدلله انها عديت علي كده...
انا برضوا لسه عامل حادثه امبارح مع ابن عمي...
و الحمدلله انه جت في العربيه بس...لأن كان سهل اوي نروح فيها
كله في الحديد يهون المهم البنأدم
حمد لله على سلامتك يا كريم وسلامة الولد
ربنا يسترها معانا جميعا
حمد الله على السلامة يا كريم باشا ... قدر و لطف .... كان ممكن تبقى أوحش من كده كتير ... الحمد لله
:sad::sad::sad:
الحمد الله انها جت على قد كده
وكويس ان الولد سليم وربنا يعينك في الاجراءت
واحمد ربنا
اناه جت على قد كده
قدر و لطف..
كل ما تفتكر الموضوع ده ما تضايقش و قول الحمد لله دايما
الحمد لله ان الولد سليم وربنا معاك
هوة الشعب المصرى كدة عايز جنازة يشبع فيها لطم
" قدر الله و ماشاء فعل " حمدلله علي سلامتك و سلامة اولادك و سلامة الولد يا كريم
معلش انا ماعرفتش الا دلوقت لاني كنت موحوس في كام مشكلة كدة معلش علي التاخير
و عموما انا تحت امرك في أي مساعدة أو خدمة
حمد لله على سلامتكم و على سلامة الطفل ، ربنا يكفينا جميعا شر الحوادث - اميين.
ربنا يعافينا جميعا من المواقف دي
سواءا داخل العربيات أو خارجها
الحمد لله - قدر و لطف
قدر الله و ماشاء فعل
الحمد لله على كل حال
والمهم ان الطفل بخير والحمدلله وربنا يقومه بالسلامه
وحمدا لله على سلامة الأسرة
وابقى طمنا
الحمد لله
أهم حاجه إن الطفل بخير
أنت أنسان طيب و الحمد لله إن ربنا كرمك و كرم الطفل ده و متصبش أصابه خطيره
حمد الله علي السلامه
الحمد لله يا كريم على كل شيى و انت فعلا اتصرفت صح و عموما الحمد لله على كل شيى
معلش جات متاخره شويه نظرا لعدم تواجدى اليوميين اللى فاتوا فى المنتدى
الحمد لله جت سليمة
انت ايه اللي بيحصلك اليومين دول
رخصتك اتسحبت و صدمت ولد!!
معلش كله تكفير ذنوب ان شاء الله
حمد لله علي سلامة الولد...اولا....ودة فضل من الله عز وجل انة طلع سليم من الخبطة..
وحمد لله علي سلامتك....وكويس ان العملية عدت علي خير ...
اما لحكاية الفتي في الحوادث....فايلي بيحصل في القاهرة اقل كتيررررر قوي عن ايلي بيحصل في الاقاليم خصوصا لحوادث الاطفال...غالبا الاهالي بيكسروا العربية وبيطحنوا السواق...قبل ما يبصوا علي الولد او الطفل المخبوط....
جت سليمة ....وربنا يكفيك شر الطريق....
الحمد لله انها جت علي اد كده i
يا سبحان الله
ديه منطقتى الي كنت ساكن فيها قبل ما اتجوز وحصلت معايا نفس الحادثة في نفس المكان بالملى بس كانت بنت واقفة مستنية الناس تخلص صلاة الجمعة عشان تتسول من الناس وخبطها وجبتها فوق الكبوت ونزلت على الأرض وقامت خدت في وشها وجريت قمت نزلت انده عليها والناس ندهو عليها ولا عبرت حد وفي الأخر مشيت بس سبحان الله نفس المكان والحادثة
الف حمد الله علي السلامة و الحمد الله انه بخير .
انا خبطت واحد من جماهير الاهلي يوم ماتش النهائي بتاع القطن برده .ز بس الحمد الله محصلوش حاجة برده ...
بس معاك حق بيبقى موقف مرعب !
حمد الله على سلامتك انت وولادك والولد اللي اتحبط الحمدلله جت سليمه
الحمد لله على كل شيئ يا كريم و جت سليمة...
و فعلاً أخطر حاجة موضوع الأطفال اللي أهلها سايبنها في الشوارع خصوصاً لما بيعدوا بسرعة بين العربيات و يبقوا مش باينين...
إنت إتصرفت كويس و ربنا كرمك كرم كبير قوي إن الولد الحمد لله كويس و ربنا يستر علينا جميعاً.
قدر الله وما شاء فعل,
الحمد لله انه جت على قد كده و الحمد لله على سلامتك و سلامة الاسرة و الولد,
و الصاج ده ىخر حاجة الواحد يتكلم عليها,
معلش انا لسه شايف الموضوع دلوقتي.
معلش يا كريم قدر الله وماشاء فعل
والحمدلله انها جت على قد كده وربنا يسترها معاك دايما ومعانا كلنا يارب
بجد الحمد لله على سلامة الطفل وسلامتك انت وعائلتك
احنا حصلنا موقف من ابشع المواقف فى الدنيا
واحد قريبى / وده يعتبر كبير عائلتنا / كان راكب عربية صاحبة وديه المصيبة والعربية كانت عاليه 4x4 وهو ماشى تقريبا على 40 كيلو وجت بنت دخلت براسها فى العربية من جنبها
عمركم شوفتوا حد بيخبط حد بجنب العربية
المهم الحمد لله وقدر الله وما شاء فعل ان البنت توفت فى ساعتها
والله يا جماعة ربنا مايحكم على اى حد فيكم انه يقع فى الموقف ده
احنا عائلتنا بالكامل مكنتش بتنام من كتر الهم والحزن
البنت اللى توفت كان عندها 11 سنة والقاضى حكم ببراءة قريبى وتوجيه حاجة مش فاكر ايه هيه لأم البنت بسبب اهملها
والله احنا راضينا اهل البنت وعملنا كل ما فى وسعنا
لكن كل ما الموضوع ينفتح بنحس بهم وقرف وبندعى ربنا كلنا اننا ننسى الموضوع ده
الحمد لله الحمد لله....قدر الله وماشاء فعل
الحمد لله على نجاة الطفل وحمد لله على سلامتك وسلامة اسرتك
والحمد لله الذى الهمك التصرف السليم
عفاك الله وايانا من كل سوء
الحمد لله حمدا كثيرا طيبا مباركا فيه
بجد انا قضيت ساعات سيئة جدا جدا الفترة اللي فاتت لم يخفف عني فيها سوى فضل الله وانتم
بجد لم اتخيل أن لي أخوة احبهم ويحبوني في الله مع ان معظمكم لم يروني راي العين ولم يعرفوا شخصيتى الا من خلال مجتمعنا الافتراضي هذا
بجد احمد الله على نعمة اخوتكم لي في الله حمد كثيرا
لم تنقطع الاتصالات التليفونية منذ الحادث وحتى لحظة كتابة السطور
أرقام كثيرة جدا أعرفها وأرقام اخرى لا أعرفها ولم اعرف اصحابها الحقيقيين سوى من خلال اسم مستعار على الانترنت ومنهم من رفض التصريح باسمه ويكتفى بقول فاعل خير حابب يطمئن عليك بس ومش مهم اسمى ومنهم من كلف نفسه بالاتصال الدولي فقط ليطمئن على احوالي واحوال اسرتي
وزي ما في الحلو في ال ... الحلو برضه بس احنا بنعامل رب مش عبد
الموضوع انتهى على خير والحمد لله والولد بس اللي بيعاني من شوية اعراض جانبية بسيطة واغلبها نفسي لان الصدمة كانت جامدة فعلا
بس شوية اعراض نفسية عند الاسرة من اثر الحادث هو اللي مأثر كتير فيهم
الحمد لله الذي بنعمتة تتم الصالحات
لي طلب صغير بس
لو في د صيدلي معانا في المنتدى استاذنة يبعتلي رقمة وانا اكلمة
او يرنلي على رقمي
0101263030 وهاكلمة على طول ان شاء الله
الحمد لله قدر ولطف وانا ممنزل العيلة فى نفس مكان الحادث وفعلا المنحنى ده خطير جداا
ربنا يستر طريقنا جميعا
قدر الله وماشاء فعل
الحمد لله انها جت على قد كده
حاول بس تنسي الموضوع علشان تقدر تخرج اسرتك من الصدمه اللي فيها
حمد الله على السلامة يااستاذ كريم معلش جت متأخرة بس والله لسة شايفة الموضوع دلوقتي.
اتمني الموضوع يكون انتهي علي خير
وربنا يسترها علينا فعلا من الأطفال اللي بيجروا ويعدوا الشارع بدون وعي بس العيب مش عليهم العيب علي أهاليهم المهملين :ANSmile23: اللي سايبينهم في الشارع كده وساعة لما يجرالهم حاجة بس تلاقيهم يظهروا من تحت الأرض :unibrow:
ربنا يستر طريقنا جميعا يارب وحمد الله علي سلامة حضرتك والأسرة مرة تانية وحمد الله على سلامة الولد كمان وانها جت لحد كده وبس.
يا كريم انا تحت امرك
انا اتصلت بيك وانت ما ردتش عليا :sad::sad:
انا نمرتي عندك اخرها 480
اتصل بيا اي وقت حتى لو الفجريه احنا كلنا اخوه