عرض للطباعة
السلام عليكم
انا متابع قديم للمنتدي الجميل دا ودي اول مره اشترك لاني عايز نصحتكم
كنت محتاج اخد فكرة عن شرم الشيخ والحياه المعيشية هناك بالنسبة للمصريين
انا بحب الهدوء وتعبت من الازعاج والخنقة هنا في القاهرة وايضا مش عايز اخد في المدن الجديدة
عايز شقة في شرم الشيخ
بس كنت عايز اعرف الاسعار هناك ايه والمعيشة ازاي وهل في الشتاء شرم الشيخ بتبقي فاضية ومفهاش حد
اللي حيفدني اكتر اللي بالفعل ساكن هناك وحياته كلها هناك طول السنة
ياريت متبخلوش عليه بالنصيحة
شكرا
متابع
انا كمان متابع
ااعتقد ان الغردقة هتبقي افضل ليك
العيشه في شرم ممتازه للي عايز هدوء وبعد عن المشاكل اسعار الشقق في شرم مش غاليه قوي زي ما الناس فاكره بالعكس يمكن ارخص من القاهره بكتير مثال شقه 1 استديو ( 1غرفه + صاله ومطبخ ايطالي و حمام ) في حدود 200000
شقه 2 غرفه من 250000 ل350000 حسب المكان و التشطيبات في اماكن بتوصل ل500000 و700000 بس دي بتبقى حاجه خيال و منطقه فيها فيو وحمامات سباحه وخدمات
بالنسبه للاكل و الشرب اسعار مش غاليه و مش رخيصه متوسطه يعني
المياه مفيش مياه حنفيه غير مياه التحليه للغسيل و الاستحمام ومياه الشرب معدنيه فقط مفيش ليها بديل ودي يتعملها ميزانيه لوحدها خصوصا في الصيف
شرم في الشتا زي الصيف زي باقي فصول السنه مفيش فرق لان معظم سكانها شباب
شرط اساسي لازم يكون معاك عربيه لان التكسي غالي
شرط تاني ان دخلك ميكونش اقل من 4000 في الشهر عشان تغطي المصاريف
اخر حاجه الكلام ه بعد اكتر من 10 سنين شغل في الشرم
متشكر جدا لحضرتكاقتباس:
المشاركة الأصلية كتبت بواسطة adel.nasr
وياريت تفدني ببعض الاستفسارات
هل المستشفيات والصيدليات والبنوك متوفرة ولا عددها محدود وبعيده ,المقصود هل ممكن احتاج انزل للقاهرة مثلا علشان ممكن ملقيش خدمة في شرم الشيخ ولا كل الخدمات متوفرة في المدينة ؟؟؟
بالنسبة للامن هل فعلا الامن في شرم الشيخ عالي ولا مجرد كلام ؟
ياريت لو في سلبيات شفتها هناك خلال عملك تقلي عليها
شاكر ليك ردك الكريم
المستشفيات عندك مستشفى الهرم و ومستشفى جنوب سينا الافضل جنوب سينا بس الاسعار غاليهاقتباس:
المشاركة الأصلية كتبت بواسطة ali_salem
البنوك في منطقه اسمها الهضبه او (هضبة ام السيد) و فيها شارع اسمه شارع البنوك فيه كل البنوك بالضافه للبريد
مفيش خدمات مش متوفره في شرم ( بالنسبه لي حتى الان)
الامن عالي جدا في شرم مش كلام ولا حاجه فعلا البلد امنه تماما الحمد لله
السلبيات دي عمليه نسبيه من شخص لاخر ممكن اللي يعجبك ميعجبنيش و العكس
اقتباس:
المشاركة الأصلية كتبت بواسطة adel.nasr
انا متشكر جدا لحضرتك علي الاهتمام والرد
ياريت تقلي حضرتك السلبيات اللي بالنسبة ليك لقتها في شرم الشيخ , احب اخد فكرة بما انك بقالك فترة كبيرة هناك