TRANSMISSION OIL : GM ATF ZF 4HP14 OIL-A / T (1Liter) | autoction.com
شركة جى ام منزلة لفتايس النوبيرات والدايوهات اﻻوتو كلها النوع المخصص
ليها.. ونا لما العربية اترفعت عالحماﻻت الكهربا عند العفشجى
نزلت تحت العربية ونا واقف عاﻻرض .. ببص ع نوع الفتيس مكتوب عليه
زي ايه المناسب
ﻻقيت اﻻستيكر دة
ZF4 HP 14
من اين اشتري النوع دة ﻻننى دايخ عليه وفالتوكيل مش موجود والصور موضحه وشكرا
الاستيكر ده موديل الفتيس وليس الزيت وممكن تحط زيت ديكسرون 3 او atf 3
الفتيس ده من تصنيع شركة ZF الألمانية المعروفة .. والفتيس ده بالذات استخدمته بيجو وسيتروين ودايو ... بس.
https://en.wikipedia.org/wiki/ZF_4HP14_transmission
والزيت ده هو الزيت المخصوص علشان الفتيس اللي بنفس الرقم..
بصراحة.. شغل ألمان مقرف (كعادتهم)... وكإن كل موديل فتيس له زيت مخصوص لو ما حطيتوش يبقى الفتيس هيخرب... وهو في الآخر زيت واحد لكل فئة من الفتايس.
المفروض يسهلوا على الناس.. مش يقرفوهم كده.
المهم..
قدرت أوصل لورقة صادرة من شركة ZF نفسها وبتقول إنك تقدر تستخدم أي زيت Dexron-II أو Dexron-III مكانه... وحاطين كمان قايمة بالأسماء التجارية للزيوت التانية اللي تنفع مكانه.
تقدر تدخل عليها من هنا:
ZF Transmission Oils - Documents
لو حضرتك عايز الزيت ده تحديدا.. فالزيت ده موجود في أوروبا بسهولة (وأتوقع فرنسا أكتر دولة موجود فيها الزيت ده).. لو تعرف حد موجود هناك يجيبهولك.. أو تبعت تجيبه من على نفس الموقع اللي حضرتك حطيت اللينك بتاع صفحته... وهيجيلك من كوريا مباشرة.
...