عرض للطباعة
هو ده اللي حاصل بالظبط.. عايزة أعمل توكيل لأخويا يسوق العربية من غير ما يبقى فيه قلق و يجدد هو الرخصة و كده.. بس فيه حاجتين: أولا العربية عليها حظر بيع عشان القسط و مكتوب كده في الرخصة، و ثانيا هي النمر الحالية مؤقتة، هل ينفع أعمل توكيل و نمرة العربية اللي في الرخصة مؤقتة؟ و لا الرخصة دي بتسمى تصريح مؤقت أصلا و ما ينفعش اعمل بيها توكيل؟
بالنسبة لحظر البيع مفيهاش مشكلة يا علا إن شاء الله انا عربيتي بإسم والدتي و انا عامل توكيل إحتياطي .
النمر المؤقتة بقي مش عارف .
انا عربيتى باسم والدتى برضه سمعت إنى لازم اعمل توكيل ادارة او حاجة زى كدة من الشهر العقارى عشان محدش يرخم عليا ، حد عنده تفاصيل أكتر عن الموضوع دة؟.
مجرد بتروح أي مكتب شهر عقاري يا إسلام مع والدتك و تعمل التوكيل ده .. و علي فكرة ممكن أكتر من شخص في نفس التوكيل .. يعني يبقي مكتوب إسمين في التوكيل إنت و أخ تاني ليك مثلاَ .. و تبقي ورقة متسابة في العربية لوقت الحاجة اللي يتسأل يطلعها .
المشكلة انا مش فاكر التوكيل كان مكتوب فيه النمرة بس ولا النمرة و الشاسيه و الموتور .. أعتقد لو الشاسيه و الموتور موجودين مش هتبقي مشكلة إن التصريح مؤقت .. إنما لو مش موجودين تستني بقي يا علا لحد ما تستلمي اللوح الدائمة .
هبص عالورقة في العربية الصبح إن شاء الله .
مفيش مشاكل حتى لو كانت النمر مؤقتة
مالهاش اى علاقة وتقدرى تعملى التوكيل سواء بالبيع او الادارة بمنتهى السهولة
تعملى توكيل رسمي عام في السيارات و ده اعم و اشمل و ده يتيح لاخوكي ان يقود و يجدد او يبيع اي سيارة انتى تملكيها و ليس سيارة بعينها و تقدري تلغيه برضوا في اي وقت ..
اما بخصوص ان السيارة عليها حظر فطبعا ده لا يتيح البيع اطلاقا لان عليها حظر بيع و بتكون مملوكة اساسا للبنك اللى انتى عملت التقسيط عنده
و اذا اضطررت للبيع فلازم تدفعى ما تبقى عليكي من الاقساط الاول , علشان البنك يديكي خطاب مخالصة فك الحظر , اللى هتروحي بيه المرور علشان تنقلى رخصة العربية بأسمك من غير اما يكتب بدون حظر و بعدين تروحى الشهر العقاري لاتمام عملية البيع !!
ممكن تعملى توكيل عام بالتجديد و الترخيص و التعامل مع كافة جهات المرور و البنك فقط
و ده بيسهل كل حاجة و انا عملته و شغال تمام و مافيش اى خطورة منه كمان