الموضوع: يا رب اخترلي الاصلح ولا تخيرني - أرجو ابدأ نصيحة لوجة الله

كمل لو مافيهاش اهانة ليك وفي الاخر كله شغل خصوصا لو المرتب زي ماهو ،،، يبقوا ريحوك شوية من اعباء الادارة

اخي الفاضل ...... اسمح لي اشارك معاك ونفكر سوا بصوت عالي علشان بحكم عملي في نفس السوق السعودي عارف تماما الوضع اللي انت فيه .... اولا انسي انك تمشي او تسيب شغلك وافتكر دايما المرونه قوة وبعدين انت عارف وانا عارف ان لو حصل وجابو عليك مدير بسبب السعودة علشان ميتسجلش علي الشركة مخالفة توطين الوظايف فقط لا غير يعني اسما وليس فعلا مجرد مسمي فقط وده اتجاه دولة ولازم نحترمه اولا واخيرا احنا ضيوف بنشتغل بما يرضي الله لهدف ما اذا كان مادي او مهني الي حين ولما يحين الاوان شكرا يا اما نطير علي فرصة تانية او بارك الله فيما رزق ونرجع علي بلدنا في توقيت يناسبنا ويناسب ظروفنا ومعلش اسمحلي من الواضح ان الفترة اللي فاتت انت نسيت انك ضيف في بلاد غريبة بسبب الاستقرار النسبي والمطلوب انك ترجع تفكر تاني انك ضيف ممكن تضطر انك ترجع في اي وقت ولازم تكون عامل حساب اليوم ده زي ما يكون بكرة !!! نصيحتي هي القرارات المصيرية اللحظية مردودها كارثي خصوصا وانك عندك التزامات علشان كدة خد الامور بأيجابية كنوع من تخفيف المسؤولية عن كتافك اولا واخيراً احنا موظفين مش اشترينا الشركة ولا ورثناها وعلشان الانا عندك متحبطش حط لنفسك 3 شهور كهدف زي اختبار هل هتتأقلم علي الوضع الجديد ومرتاح خلاص ولا كأن شيء حصل .....ولو لسة الموضوع مسبب مشكلة هتكون في خلال 3 شهور قدرت توجد خطة بديلة مع فرصة مناسبة عن طريق شركتك العالمية زي فرع تاني في مدينة تانية او حتي دولة تانية ويمكن ربنا يكرمك في مصر بفرصة افضل من كل دة ....... غير افكارك السلبية الي أيجابية خد زمام المبادرة علشان ده ممكن يساعدك انك تساهم في اختيار المرشحين للمنصب وكمان انت هتعتبر انك اترقيت الي أستشاري بدلا من تنفيذي واحتمال كبير الشخص الجديد يكون انسان فاضل يساعدك ويكمل الجزء الاجتماعي المفتقد بشهادتك مع الموظفين وده في رأيي هيكون نقطة قوة ليك بالاضافة انك هتقدر كمان تصدر القرارات الصعبة من خلاله سواء لمجلس الادارة او للموظفين علشان هو اللي هيكون الواجهة !!!! من الاخر فكر فيها باسلوب " لعلة خير" وتقبل تحياتي

المشاركة الأصلية كتبت بواسطة alysalim

فعلا قرارات كتير في الخليج لجس النبض والضغط بحجج كتير لكن خصوصا مع الناس اللي ملهاش ود ومحبة مع الادارة- شغال كويس وتمام وراجل دغري بس مش تبقي مدير لا تبقي موظف
بتاع اونطة وحبشتكانات تبقي اجدع مدير ويتاخد رايك في الكبيرة والصغيرة
هم عاوزين اللي ينفخهم ويريحهم انهم اصحاب المال واصحاب الادارة
اما الشغل عندهم فالموظفين يشتغلو امال بياخدو راتب ليه
حالات كتير مرت عليا ومعايا كان سببها ان فلان مش مريح وكلامه كتير وانتقاداته اكتر
والغريب ان الادارة بتشكر فيهم قدامهم لكن اللي بيوصل من ناس تانيه غير كده
هم محتاجينك لكنك مش عاجبهم دي معظم الحالات اللي زي حالتك
استخير وكمل عقدك عشان لوفي مستحقات مادية
وبلاش كلمة استقالة زي مانت عارف
لو علي مدارس العيال شوف ممكن تكمل في مصر ولا لا
بس نصيحة اضغط بقوة انك تمشي ومش عاوز تشتغل خالص
ولا هتلاقيهم كل شوية ينزلو من مستوالك او ع الاقل محلك سر
متنبهرش باحتياجهم ليك وشكرهم فيك قدامك
ولا تتغر بمستوي عملك انه ممكن يحميك منهم
علاقاتك ومجاملاتك هي الاساس
وربنا يوفقك
* * ملاحظه متفتكرش مادمت قبلت الاقل ان هتيجي الفرصة وتتحسن االامور
لا دي بتسوء اكتر
فرصتك تخلع وتشوف مكان تاني افضل والاماكن كتير اكتر مما تتخيل بس تبقي حر مش مرتبط مع شركة

للاسف كلامك مظبوط حرفيا، بس مش فاهم يعني ايه اضغط ، حاسس ان ممكن يكون الحوار جس نبض بدليل انهم منتظرين ردي و ممكن يكون مؤكد بلا رجعه و في هذه الحالة اي اُسلوب ضغط هيكون مش من صالحي.

قصر الكلام أنا دلوقتي بفكر في اختيارين بعد أخذ العديد من آراء الإخوة الأعضاء و عاوز مساعدتكم هنا :

١- الاستمرار علي موقفي بالرفض حتي انتهاء مدة عقدي ( استقالة لا ) و سعتها يبقي ربنا ييسر بالبديل او العودة لمصر في اسؤ الظروف.
٢- الاستمرار بدون اي اعتراض او ابداء اي ملاحظات ( صعبه قوي) حتي يقدي الله أمرا كان مفعولا - بس لحظة - أنا كدة هكون مدمر ولا أتوقع إمكانية الاستمرار تحت اي مسمي و الله اعلم.

حيررررة حقيقية - يا رب اخترلي

"تضغط " بمعني تتكلم كتير وتقابل الناس اللي عايزة تمشيك كتير وتعطل شغلك بحجة مقابلة المديرين وكل الكلام اللي هيتقالك انه وضع صوري بس الكلام ده غير حقيقي الكلام بيبقي بجد ومش هزار - تهدد انك مش عاوز تكمل وانك من دلوقتي ماشي بس لاتقدم استقالة ولا توقع علي ورق يفيد انك عاوز تمشي او هتمشي وارمي القرد من دلوقتي يعني تشتغل شغلك بس وترمي المشاكل عليهم وتصدرلهم الازمات
بالاضافة انك تحاول تحسن علاقتك بالمديرين خارج اطار العمل زيارات وهدايا كمان لو اسلوبك ناشف في الكلام تلينه
الخلاصه من ده
انك هتاخد وقتك لانهاء عقدك وترتب نفسك
لو جه مدير فوقك هتبقي لابس له ولهم الوش الخشب يايبقي صوري بجد يايشيل حمولته
هيبقو خايفين منك فيعطوك حقوقك كاملة ويسمحولك بنقل الكفالة لانك بتاع مشاكل
هتتعلم امتي تشد وامتي ترخي وممكن تتحسن علاقتك باصحاب العمل وبالتالي يبقي وضعك كما هو عليه
ويبقي صعب جدا ان مستواك ينزل - خللي بالك الفترة دي تزبيط الشغل اهم من الشغل نفسه
وربنا يوفقك للخير
**** فكرتني بصديق نزل نهائي مدير لفرع شركة معروفة في تجارة الملابس فرعه من احسن واجح وواربح الفروع
كان مفكر شغله هيحيمه من انهم يمشوه كان كويس مع العمال لكن كان مدير الحسابات خشن شوية معاه
جه فتره المبيعات قلت مش بس عنده لا كل المملكه - سابو كل حاجة واتصدر عليه مدير الحسابات وانه مقصر وبدا يقرف فيه
المهم وصل الموضوع للتلاسن وصاحب الشركة اتدخل في الموضوع وبدون تحقيق وبدون معرفة الحقيقة اتعمل انهاء تعاقد وخروج نهائي
ولما راح يستلم مستحقاته لقاها ناقصه كتير والسبب بتاع الحسابات
المهم ان دارت خناقة بينه وبين مديرين الفرع الرئيسي وبتوع الحسابات
وطلع اصل المشكلة انه مكنش بيرسم بتاع الحسابات يعني حضرتك وامرك وانت مديرينا ومكنش بيقف لما بيروحله الفرع وماكنش يتصل ياخد رايه
ولا كان بيرسمه قدام الناس والعملا والموظفين

المشاركة الأصلية كتبت بواسطة alysalim

"تضغط " بمعني تتكلم كتير وتقابل الناس اللي عايزة تمشيك كتير وتعطل شغلك بحجة مقابلة المديرين وكل الكلام اللي هيتقالك انه وضع صوري بس الكلام ده غير حقيقي الكلام بيبقي بجد ومش هزار - تهدد انك مش عاوز تكمل وانك من دلوقتي ماشي بس لاتقدم استقالة ولا توقع علي ورق يفيد انك عاوز تمشي او هتمشي وارمي القرد من دلوقتي يعني تشتغل شغلك بس وترمي المشاكل عليهم وتصدرلهم الازمات
بالاضافة انك تحاول تحسن علاقتك بالمديرين خارج اطار العمل زيارات وهدايا كمان لو اسلوبك ناشف في الكلام تلينه
الخلاصه من ده
انك هتاخد وقتك لانهاء عقدك وترتب نفسك
لو جه مدير فوقك هتبقي لابس له ولهم الوش الخشب يايبقي صوري بجد يايشيل حمولته
هيبقو خايفين منك فيعطوك حقوقك كاملة ويسمحولك بنقل الكفالة لانك بتاع مشاكل
هتتعلم امتي تشد وامتي ترخي وممكن تتحسن علاقتك باصحاب العمل وبالتالي يبقي وضعك كما هو عليه
ويبقي صعب جدا ان مستواك ينزل - خللي بالك الفترة دي تزبيط الشغل اهم من الشغل نفسه
وربنا يوفقك للخير
**** فكرتني بصديق نزل نهائي مدير لفرع شركة معروفة في تجارة الملابس فرعه من احسن واجح وواربح الفروع
كان مفكر شغله هيحيمه من انهم يمشوه كان كويس مع العمال لكن كان مدير الحسابات خشن شوية معاه
جه فتره المبيعات قلت مش بس عنده لا كل المملكه - سابو كل حاجة واتصدر عليه مدير الحسابات وانه مقصر وبدا يقرف فيه
المهم وصل الموضوع للتلاسن وصاحب الشركة اتدخل في الموضوع وبدون تحقيق وبدون معرفة الحقيقة اتعمل انهاء تعاقد وخروج نهائي
ولما راح يستلم مستحقاته لقاها ناقصه كتير والسبب بتاع الحسابات
المهم ان دارت خناقة بينه وبين مديرين الفرع الرئيسي وبتوع الحسابات
وطلع اصل المشكلة انه مكنش بيرسم بتاع الحسابات يعني حضرتك وامرك وانت مديرينا ومكنش بيقف لما بيروحله الفرع وماكنش يتصل ياخد رايه
ولا كان بيرسمه قدام الناس والعملا والموظفين

والله مش عارف أقولك ايه، بس للاسف أنا افتقد للأسلوب ده تماما، و دي في حد ذاتها مشكلتي الوصلتني للحال دة و الله اعلم،
من كلامك المفروض اشتغل قرداتي عشان اخرج أو علي الأقل محاولة الخروج باقل خسائر ( للاسف افتقد هذه الموهبة و بشدة ).
بمعني اخر لا اعتقد أني أستطيع مش لأَنِّي إنسان مثالي لا، بس لأَنِّي تعودت من اليوم الاول و طول عمري الالتزام في عملي دون اي ممارسات جانبيه تتعدي باب الشركة، نعم خطأ و لكن صدقني هذا ما تعلمته بحكم عملي لفترة كبيرة بأوربا.

لو رأيك ان ده الحل الوحيد يبقي أبشّرك هفشل فشل زرييييع لست مؤهل للاسف،،، يهمني رأيك رأي باقي الإخوة المشاركين.
دمتم بخير

المشاركة الأصلية كتبت بواسطة زهير فكري

استاذي الفاضل اعانك الله علي ما ابتلاك ,, لي تعليق بسيط في جزئيه ( انك صارم ) ... فاهم معني كلامك لأني زيك بالظبط ,, الصرامه لو عكسها التساهل الذي يؤدي لضرر بالغ في الأموال والأرواح فده يرجع لتقديرك الشخصي لمهنتك فهذا شيء مطلوب ولازم تقنع الناس بوجهه نظرك , اما لو معناها ( جفاء) في العلاقه الانسانيه بينك وبين المديرين او المرؤوسين وانك بينك وبينهم شغل وانك ممكن تحرج مديرك لو عايز توصل وجهه نظرك و ممكن تبينه انه مش فاهم حاجه ... فلازم تراجع نفسك فورا لأنك كده هتتهم بالغرور وانك ناشف وما بتعرفش تتعامل مع الناس بالتالي هيبقي زريعه انه يتعمل رأي عام ضدك و يمشوك ...

ثانيا : كلمه اهانه خبرتي ,,, ده مش هتلقيه في الدول العربيه من الآخر ... نمط شخصيه حضرتك ده ينفع مع الدول اللي عندها ثقافه احترام العمل والخبره ,,,اسمح لي الاهانه هتكون اكبر لما ولادك مش هتعرف تصرف عليهم ....
الحل حضرتك من وجهه نظري انك تحاول تتكلم مع اصحاب العمل تاني اللي في ايدهم القرار ولو لقيتهم مصريين تعرف ايه اسباب اصرارهم ولو لقيته سبب لا اخلاقي يعني عايزيين يسرقوا واو يغشوا وانت اكيد هتفهم وانت ما نعهم والراجل الجديد ده هيكون معاهم ,, يبقي في الحاله دي تفضل في بيات شتوي وتدور علي فرصه تانيه بأقصي سرعه ,, وربنا ان شاء الله هيكون معاك ,,, الرجوع لمصر لا انصح به اطلاقا ... ربنا يوفقك .

تقديري لمداخلتك
الموضوع مختلف تماما، بالعكس مديري المباشر رجل محترم جدا و علاقتي بيه علي احسن ما يكون في حدود العمل ايضا.
هو شخصيا فوجئ او ده القالة محاولا تهدئتي.
تم استدعائي من المدير العام و مدير الموارد البشرية و مديري المباشر لابلاغي بالأمر مع العلم ان كلهم من جنسيات أمريكية و انجليزية ماعدا hr طبعا، الموضوع علي قدر كبير من الحرفية و لكن مازال يساورني الشك حيال الموضوع و خصوصا بعد اجتماعهم بي بيوم اتصل عليا مديري المباشر ، ها اخت قرار و لا لسة، طبعا رديت هيا الفرصة مش أسبوع ؟، و عموما أنا مش راضي بس عاوز اخرج بطريقة تكون كويسة ايه رأيك؟ ، الغريب رد عليا قلي طب خليني ارجع لهم و اشوف لأَنِّي فوجئت ذيك بالضبط ( طبعا أنا مش مصدق).
و عليه أنا عندي اختيارين في حالة رفضي بس منتظر لو هيرجع باي شئ جديد:
١- الاستمرار لنهايت العقد و ده في حالة انهم و فقوا علي دة طبعا لان العقد ينتهي في مايو القادم.
٢- الاستمرار وعدم إظهار اي رد فعل و البحث عن بديل ان أمكن في أسرع وقت قبل نهايه العقد برضة.

يا مسهل