تويوتا كورولا 2009 جنوب افريقي أم هوندا سيفيك 2009 ؟

السلام عليكم و رحمة الله و بركاته .....

السادة الأعضاء و ملاك السيارتين كنت محتاج رأيكم لأني مش عارف استقر على عربية من الإتنين .
انا كان معايا تويوتا كورولا بس موديل 97 و بصراحة مرتاح للكورولا اوي و توافر قطع غيارها و اسعارها . و الآن بفكر في الجديدة 2009 خاصاً الكاملة منها لكثرة ما بها من مميزات بس موضوع الفتيس اللي سمعته اتكرر مقلقني منها بس لو الموضوع ده طبيعي بالنسبة لإنها ستبترونيك يبقى ممكن الواحد يتعود عليه يا ريت اعرف رأيكم و خاصة من السادة ملاك السيارة و هل لو دي مشكلة فعلا فهل اتحلت في موديل 2009 ؟

أما بالنسبة للهوندا سيفيك كل حاجة فيها جميلة بس الحلو مبيكملش دايماً بردو فيها موضوع انها واطية جدا بالنسبة لإرتفاعها عن الأرض و ده بردو مشكله مش سهلة و خصوصا اننا في مصر و شوارعنا كلها جميله و ممهده
D: , ياريت اعرف من ملاك السيارة دي بردو المشكلة دي مؤذية فعلا ولا عادية .

و في النهاية اطلب من الجميع اراءهم عشان اخوكم بقاله كتير بيفكر و يحاول يقارن بس مش قادر يرسى على قرار .

و شكــــرا للجميع

________________
تم تعديل عنوان الموضوع من " تويوتا كورولا 2009 خليجي أم هوندا سيفيك 2009 ؟ " إلى " تويوتا كورولا 2009 جنوب افريقي أم هوندا سيفيك 2009 ؟ ".

(إ.م.2)

الخليجي فتيسها عادي مفيهوش مشاكل
انا افضل السيفيك عشان متعة القيادة بس ده رأيي
بالنسبة للارتفاع هتحتاج تاخد بعد المطبات الي علي شكل جبال براحة بس مش اكتر

آسف يا جماعة على عنوان الموضوع فيه غلط , اقصد الكورولا الجنوب افريقي و ليس الخليجي و مش عارف اعمل تعديل للعنوان ..

شكرا لكل اللي عملوا الإستطلاع و في انتظار المزيد من آرائكم

اقتباس:

---

المشاركة الأصلية كتبت بواسطة HaNy_n05

آسف يا جماعة على عنوان الموضوع فيه غلط , اقصد الكورولا الجنوب افريقي و ليس الخليجي و مش عارف اعمل تعديل للعنوان ..

شكرا لكل اللي عملوا الإستطلاع و في انتظار المزيد من آرائكم

---

بالنسبة للجنوب افريقي اعملها تيست درايف ولو عجبتك يبقي خير ان شاء الله

اعمل تست درايف للاتنين
و فيه واحده هتكلمك و تقولك اشترينى وانت هتبقى عايزها

و كن واثق فى اختيارك ان الاتنين حلوين
وانا لو مكانك اجيب الهوندا و هافضل كل يوم اندم عشان واطيه بس برضه هجيبها :)

الرأى لك فى الاول والنهايه


بس انا افضل الهوندا سيفيك انا بحب العربيه دى اوى وهى فعلا عربيه فيها كل متطلباتك وبالنسبه انى هيه واطيه فادى مش مشكله بالنسبه عربيه زى الهوندا سيفيك

مع احترامى لتيوتا كورولا انا افضل السيفيك

اقتباس:

---

المشاركة الأصلية كتبت بواسطة human12

اعمل تست درايف للاتنين
و فيه واحده هتكلمك و تقولك اشترينى وانت هتبقى عايزها

و كن واثق فى اختيارك ان الاتنين حلوين
وانا لو مكانك اجيب الهوندا و هافضل كل يوم اندم عشان واطيه بس برضه هجيبها :)

---

طيب تجيب حاجة تخليك كل يوم تندم ليه جيب حاجة تريحك تمتعك مش تعكنن عليك

تم تعديل عنوان الموضوع من قبل الإدارة المشكورة جداً

شكرا جزيلا لردودكم و في إنتظار المزيد من آرائكم المفيدة

اقتباس:

---

المشاركة الأصلية كتبت بواسطة OMNIANASSER

طيب تجيب حاجة تخليك كل يوم تندم ليه جيب حاجة تريحك تمتعك مش تعكنن عليك

---

ايوه بس كل مابص على التابلوه او اعمل كيك داون او اشوف شكلها من بره هعرف انى كمت صح بس مافيش عربيه كامله

ارشحلك السيفيك عيبها الوحيد فعلا انها واطيه جدا بس بصراحه غير كده مافيهاش غلطه هوندا مشهوره من زمان بمحركاتها الجباره خصوصا تكنولوجيا Vtic وافضل اداء لجيربوكس اوتوماتيك ..بالنسبه للكورولا الفتيس تقدر تتابع المواضيع عن الفتيس فى منتدى تويوتا وهتعرف الحوار كله بس على فكره على حسب معلوماتى المتواضعه هو مش اتوماتيك هو مانيوال بدون دبرياج تقريبا لازم عند كل نقله ترفع رجلك من على البنزين والا بتسمع نتشه وممكن تقلبه مانيوال وتنقل من الزراير او الدراع اللى بيبقى ورا الدركسيون انا لحد النهارده بصراحه مش فاهم ايه الحكمه من الفتيس ده وليه انا اعرف ان المانيوال مانيوال والاوتوماتيك اتوماتيك واللى عايز الاتنين يجيب ستيبترونيك انما الحوارات دى بقى ليه الله اعلم




..mokhtar..




..mokhtar..

السيفيك أجمل شكلا وأفضل سعرا بس واطيه سنه

السلام عليكم
علي فكرة السيفك 2009 مرتفعة علي الارض اكتر من 2008 و شكل الفونيس الخلفية جامد جدا و عاليا علي الارض مش زي السيفك 2008 فعلا شكلاها تحفة و انا اختار السيفك عشان الهوندا عربية محترمة جدا

شكراُ جداً لكل اللي ردو على الموضوع و أفادوني برأيهم , فعلا السيفيك حلوة فكل حاجة بس مشكلتها انها واطية و خايف عند كل مطب انزل اللي راكبين معايا من العربية :)

السيفيك أفضل طبعا
و لو على المطبات إنت مش طول ما إنت ماشى حتمشى على مطبات

لكن مش حتلاقى فيها عيوب الكرولا إللى أحد ملاكها كان قال إنها

اقتباس:

---

انا ايضا مالكة لتيوتا الجديده 2008 بالنظام الجديد الاوتوماتيك و عندى نفس المشكله و كمان فى مشكله ثانيه مفيش اى حد ذكرها و هى لمل باجى ارجع بالعربيه للخلف و أجيب الفتيس على الخلف مش بترجع من اول دوسه لازم ادوس مره ثانيه ز تحس انها فهمها ثقيل فى كل حاجه

---

اقتباس:

---

انا عندى كورولا 2008 اعلى فئة عملت بيها حتى الان 3800 كيلو .

احب اضيف بعض المشاكل مثل

تقفيل العربيه فى منتهى الردائة وحسبى الله ونعم الوكيل
ذراع فتح الشنطة من داخل السيارة بيفتح مرة و 20 مرة لأ( التوكيل مش لاقى ليها حل )
النور الواطى (الزينون) امام السائق رامى على الأرض وكنت مسافر بيها اسكندرية على الصحراوى باليل وطلع عينى فى الرؤية ( التوكيل بيقول لأ كله تمام )
المارشيدير R بيعلق
الفرامل بها صفارة عليا جدا ( تم الكشف عليها اكتر من مرة فى التوكيل ) وبرضه كله تمام
مع ان الصفارة رجعت تانى اعلى من الاول وخصوصا عند الدوس عليها اثناء الرجوع للخلف
التوكيل هو العباسيه واشك اصلا انهم فاهمين اى حاجه فى العربيه دى .

على العموم هو مقلب وشربناه وحسبي الله ونعم الوكيل

---

السيفك مع المطبات الصناعية فقط تحتاج الاحتراس , غير كدة لاتوجد مشاكل على الاطلاق , كذلك 2009 اعلى و بجنوط "16"

اقتباس:

---

المشاركة الأصلية كتبت بواسطة HaNy_n05

شكراُ جداً لكل اللي ردو على الموضوع و أفادوني برأيهم , فعلا السيفيك حلوة فكل حاجة بس مشكلتها انها واطية و خايف عند كل مطب انزل اللي راكبين معايا من العربية :)

---

مش هتنزل الي معاك ولا حاجة
هتحتاج تاخده ببطأ بس لو كان جبل
لكن لو مطب عادي مفيش مشاكل

هــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــوندا جميله

هوندا سيفيك احسن طبعا كفاية التابلوة والتقفيل والماتور والشكل
اما بخصوص انها واطية فدة اكييد حيكون حلو فى ثبات العربية

اقتباس:

---

المشاركة الأصلية كتبت بواسطة mody_abou_halawa

هوندا سيفيك احسن طبعا كفاية التابلوة والتقفيل والماتور والشكل
اما بخصوص انها واطية فدة اكييد حيكون حلو فى ثبات العربية

---

الكورولا عاليه وثباتها بر ضه زى الفل وعلى فكره السيفيك وطيه على الارض وده مش عيب عادى ابدا وده خلانى ما افكرش اصلا ان السيفيك تكون من اختياراتى اثناء البحث عن سياره جديده لان اهم حاجه فى العربيه العلو عن الارض لان فى مصر جبال مش مطبات عاديه وكل مره العربيه هتحك فى المطب قلبك هيوجعك فلازمتها ايه توكل على الله الكورولا

طبعا السيفيك يعنى انا لو مكانك من غير تفكير

law el se3r wa7ed a7`tar el civic

الصرااحة الاختياار صعب جدا بين العربيتين لان الاتنين نفس الفئة ونفس سعة الموتور ونفس الهورس باور والاوبشنز تقريبا وااحد والسعر واااحد .....الفيصل هنا الميول الشخصية والاذوااق....انا عن نفسى لو بفكر اشترى واحدة من الاتنين مش هحدد بسهوله ...جايز لو الواحد عمل تست درايف للاثنين يقدر يقرر اكتر......بس عموما السيفيك يابانى 100 فى الميه وفى السليم ومتجربة بره كويس وعاملة مبيعاات ممتازة فى الخليج واميركا......

اختار السيفيك
كفايه ان مفيش اى حد اشتكى منها غير انها واطيه ودا عيب فى الشوارع
والعربيه مو2009 بقت اعلى بمقدار 1 سم عن 2008 و هيفرق اكيد سنه بسيطه
+العربيه بقت فيها كماليات كتير جدا +نظام vsa +زينون+abs+ebd+fog+mp3/cd/aux+4airbag+جنوط16بوصه

أنا مش حقولك أشتري السيفيك علشان أنا معايا الموديل اللي قابليها بس حقولك شوف إختيار الجمهور 75% سيفيك و 25% كورولا
بالنسبة لموضوع أنها واطية أحب أوضح حاجة مهمة للناس ....العيب يا جماعة في شوارعنا و ليس في العربية و حسبي الله و نعم الوكيل في الحكومة:H_angry[1]:

اناعن رائيي ارشحلك السيفك بس كون ان هي وطي علي الارض دة عيب مش سهل لان الطرق هنا والحمد للة زي الفل نادر لما تلقي طريك فية غلطة مش مكسر بس
خدةبالك ممكن تصتدم بحجر ودة عادي جدد متخدش في بالك بس متعرفش الحجر دة هيجيلك ازاي ومنين ممكن ينزل عليك من السماء او من فوق كبري او يطلعلك من الارض ازاي معرفش ويحدث مالا يحمد عقباة الشكمان مثلا ودة اقل حاجة -وممكن الكوبلن ومتعرفش هتدفع كام
الهندا جميلة ولو معاي فلوس كنت جبتها للللللللللللللللللللللللل للللللللللللللكن
هتمشي بيها فين فيالطرق الجمييلة بتعتنا
اقلك استنا اخطة الخمسية بتاع الحكومة لتعديل واصلاح الطرق اكتر مهي متصلحة بالحفر وتركيب مواسير وتلفونات وصرف صحي الخ
ياراجل دة كل واحد بيعمل ادام بيتة مطب بمزاجو
وتمشي في الطريق الصبح ترجع الظهر تلاقية طريق تاني
فكر انت
:Copy of majd(4):

بص يا سيدى انا مش حقولك سيفيك علشان انا من ملاكها و علشان منزعلش ملاك الكورولا الحساسين تجاة موديل جنوب افرقيا( عن تجربة فى احدى الحوارات السابقة)

بس لو موضوع ان العربية وطية فدة مش مشكلة حاليا فى موديل 2009 و عن تجربة و اكيد ملاكها حسو بكدة مع الجنوط 16

و للعلم حتى فى موديل 2007-2008 الموضوع دة مش مصيبة اوى طول بتعوم على المطبات العالية

و شكرا

عن تجربة شخصية في قيادة الاتنين الهوندا أحسن حاجة اليابان عملتها في منتهى ال ثبات على ال طريق في السفر و على سرعات د غير انها من جوا بسيطة و شيك و من برة من أجمل ال تصميمات إلي في الفئة دي ، بس اتفرج علها بجنط 17 نضيف ، أحلى حاجة ، بالنسبة للكورلا أنا لما ركبتها لمدة 3 ساعات (سفر) ال حقيقة مالقيتش فيها أي حاجة مميزة عن الهوندا أو غيرها حتى زي الفوكس تخليني ادفع فيها فلوس ، الجيربكس مستفز والتصميم عادي جداً من برة ، من جوا ندفت شوية طبعاً عن الموديل القديم ، على فكرة أنا كنت راكب أغلى وحدة تقريباً ب 160000، ال هوندا فعلاً أحسن .

طبعا سيفيك من غير ما تسمح لعقلك يفكر

سيفيييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييك

اقتباس:

---

المشاركة الأصلية كتبت بواسطة medo_2060

طبعا سيفيك من غير ما تسمح لعقلك يفكر

---

:hlopaet_prv:

ليه اجيب عربيه طالع عليها كلام (حتى لو مش صح ) و فى ليها بديل افضل منها كمان ....
السيفيك سحبها احسن
رياضيه اكتر
شكلها احسن (ازواق)
طول عمرها سمعتها زى الفل ..
وكيل محترم
ثبات عالى جدا
تابلوه رائع
عيبها انها واطيه ..
خد بالك فى المطبات
لان مش معقول اضحى بالمميزات دى كلها علشان عيب واحد ...

جرب ال 2 و الى ترتاحله هاته

طبعا السفك افضل بكل الاحوال ياباشا
توكل على الله

السيفيك للابد انت بتتكلم فى هوندا يعنى افضل سحf للسيارة
مع افضل استهلاك بنزين تكنولوجيا i-vetch
باقى الكلام الاعضاء قالوة

ايه يا جماعة فى ايه بس كلكوا عمالين تقولوا السيفيك واطية ما العربيه معايا ولا فى اى حاجة من اللى بتتكلموا فيها دى حتى فى المطبات العالية قوى بتحك زى كل العربيات مابتحك خليك فالسيفيك وصدقنى هتدعيلى كفاية استمتاعك بالسواقة فيها حتى لو فيها حاجة بايظة مبيروحش احساس الاستمتاع بالسواقة منها وربنا يوفقك للاصلح ان شاء الله

انا حاليا عندي الكورولا 2006 و السيفيك 2010 وكنت جربت الكورولا 2010 قبل ما اشتري السيفيك
و ما كنتش مقتنع بالسيفيك اوي على اساس كان عندي قبلها باسات تربو مطلعه تيت اهلي بسبب الفتيس dsg
اولا السيفيك من 2009 ما بتحكش و بالمقارنه مع الباسات بنفس الاحمال و نفس المطب السيفيك ما حكتش و الباسات حكت و اظن عمرنا ما سمعنا ان الباسات واطيه انما نقول ايه الناس بتتكلم من غير تجربه عمليه
ثانيا السيفيك تحب تسوقها لدرجة واحد زميلنا معاه 2010 قال مره انه بيتلكك يخرج عشان يسوق العربيه و بالفعل احساس جميل ما يعرفوش غير اللي مالكها مش ييجي واحد لا مؤاخذه شحت لفه من واحد صاحبه للناصيه يقول لك مثلا الالنترا اسرع