-
مالكي بيجو 508
الهدف من الموضوع ده اننا
اولا ....نستفيد من خبرات بعض عن السياره اللي عنده مشكله ازاي حلها و ايه الاخبار بعد الحل
ثانيا ....نفيد الاخوه الاعضاء اللي عندهم رغبه في اقتناء الاسد الفرنسي 508
ثالثا ...الكلام بحريه عن مميزات وعيوب ال508
وانا هبدا بنفسي
ال508 غالبا هي السياره اللي بيجو قررت تصالح بيها عملائها وقررت تخوض منافسه حقيقيه مع المرسيدس والبي ام والفولفو بها
لو حاولنا نقيم السياره من حيث value of money يعني حضرتك اخدت ايه باللي دفعته هتلاقي ان السياره بتقدم احسن توليفه ممكنه في السوق الان من حيث الفخامه والاداء والكماليات والاعتماديه و تكاليف التشغيل و خدمه مابعد البيع ...ربما لاتكون الاحسن في كل نقطه لكن مجتمعين قال508 تستطيع ان تكون رقم 1 في مجموع ماسبق
لو فكرنا في سعر اعاده البيع ..فللاسف و ككل السيارات في الفئه دي فالمشتري بيخسر مبلغ محترم اذا باعها بعد سنه او لثنين او ثلاثه من شرائها من الزيرو ..ولكن ماخسره هو قيمه ماستمتع به من اداء وكماليات وعوامل امان له وعائلته ...لذلك انصح ان يكون قرار اقتناء ال 508 هو قرار طويل المدي يعني حافظ عليها فتره....واعتقادي انه لو استمر التوكيل في التحسن وحافظ علي سياسته التسعبريه للصيانه وقطع الغيار وزود مراكز الخدمه و العماله ..فسعر اعاده البيع هيظبط جدا في السياره دي وللحق السعر بدا فعلا يتحسن
رغم وقوع السياره في الفئه السعريه لسيارات اعلي من الكرولا والسيراتو والسكودا الا ان الصيانه وقطع الغياره مثلهم واقل قليلا ونفس الاعتماديه او احسن قليلا
واخيرا ....من الصعب جدا اني اتكلم عن اداء ال508...لان في حاجات لاتوصف ...فلايمكن وصف اللون الازرق او الاحمر ولكن فقط يمكن رؤيتهم ...صعب وصف تسارع السياره الا لو جربته ولاحظت ازاي بتقترب بسرعه وبشراسه من اي عربيه سبقاك ...صعب اتكلم عن الثبات لانك مش هتلاحظ سرعتك الا بعد ال 150 وهتلاحظ فقط انك ماشي لوحدك وكله خلفك ...صعب اوصف احساس الراحه والهدوء التام في مقصوره الاسد الفرنسي ...اللي فات ده كله عايزtest drive
الخلاصه عايز عربيه مابين 250 الي 300 الف ده معناه حاجه واحده بس..بيجو 508
انا بطلب من كل مالك للسياره يشاركنا تجربته عنها عدد الكيلومترات اللي قطعها بالسياره و المشاكل اللي واجهته و رايه لو رجع بيه الزمن لوقت شراء ال508 هيعمل ايه.
-
اختيار 508 ان شاء الله موفق
Content Relevant URLs by
vBSEO 3.6.0 PL2