لمبة service

**matrix012** · 25-10-2015 10:10 AM

السلام عليكم ورحمة الله وبركاته
انهاردا وانا ماشى فى أمان الله لمبة ال service نورت هيا كانت نورت من كام يوم كده دقيقه وفصلت تانى وانا بعدها غيرت البوجيهات وفلتر البنزين وفلتر الهوا علشان حيه معاد تغييرهم
المهم انها انهاردا نورت وانا ماشى على طريق السويس وفضلت منوره
اتصلت بواحد صاحبى اسئله على الموضوع ده قالى ان اللمبه عنده بتنور كل 10.000 كيلو ولازم يروح للميكانيكى يحطها على الجهاز ويعمل ريسيت لأى Error انا مش مقتنع بالكلام ده
ممكن تقولو رأيكو
العربيه دايو لانوس 1 موديل 99
وشكرا

**a_mohamedsamir** · 25-10-2015 05:04 PM

لمبه check engine لما تنور لازم تعمل سكان و تشوم رقم ال error كام 0
وتشوف سبب المشكلة و تعالجه 0
لأن العلاج مش انك تخايها تطفي انت ممكن لو فصلت البطارية 10 دقائق وو صلتها تاني تلاقي اللمبة طفت لكن ده مش معناه ان المشكلة او الخلل اتصلح

**asas630** · 25-10-2015 08:23 PM

المشاركة الأصلية كتبت بواسطة matrix012

السلام عليكم ورحمة الله وبركاته
انهاردا وانا ماشى فى أمان الله لمبة ال service نورت هيا كانت نورت من كام يوم كده دقيقه وفصلت تانى وانا بعدها غيرت البوجيهات وفلتر البنزين وفلتر الهوا علشان حيه معاد تغييرهم
المهم انها انهاردا نورت وانا ماشى على طريق السويس وفضلت منوره
اتصلت بواحد صاحبى اسئله على الموضوع ده قالى ان اللمبه عنده بتنور كل 10.000 كيلو ولازم يروح للميكانيكى يحطها على الجهاز ويعمل ريسيت لأى error انا مش مقتنع بالكلام ده
ممكن تقولو رأيكو
العربيه دايو لانوس 1 موديل 99
وشكرا

مفيش حاجة اسمها ان لمبة السيرفس بتنور بعد 10,000 كم الكلام ده مش في الدايو خالص
المفروض ان المبة ديه بتنور لوجود خلل ما

حطها علي سكانر وشوف ايه المشكلة

المهم راجع بردو علي فيش الحساسات انه راكبة كويس لاقيت كلو تمام

و انا برجح ان حساس الشكمان عندك فيه حاجة

**matrix012** · 29-10-2015 12:44 PM

بعد مناقشات توصلت لان العيب في o2 sensor او بما يسمي حساس الشكمان وفعلا بعد البحث في العربيه لاقيت ان الحساس راكب وطالع منه السلك البنفسجي وفي الاخر فيشه بس مش راكبه في اي حاجه وطبعا وجعت راس استاذ مصطفي حسين ( مشكورا) قالي ادور هلاقي الفيشه النتايه موجوده بس النتيجه كانت اكتشاف طرف سلك طالع من الضفيره مش واصل في اي حاجه احتمال كبير يكون هوا
هبيقي انزل الحرافيين ادور علي فيشه الاول وبعدين اجرب لاقيت مفيش تغيير هجيب سينسور غير الي راكي وربنا كريم
حد عنده فكره اجيب سينسور جديد ولا استيراد ايهم احسن وسعره في حدود كام
وشكرا علي الردود

**asas630** · 29-10-2015 10:42 PM

مفيش احسن من الجديد طبعا بس تمنه ممكن يوصل 1000 ج
الاستيراد حوالي 400 الي 500 ج

**hassabooo** · 01-11-2015 11:03 AM

لو حساس الشكمان اللي راكب في الفرن بتاع الشكمان .. يبقى اياك تجيبه جديد ... انا جبته جديد و برضه العربيه ما ظبطتش ... كانت بتاكل بنزين و في دخنه سوداء .... و غيرت بعدها رشاشات و بوجيهات مرتين و فلتر و برضه العربيه زي ما هي ... حطتها على Scan طلع العيب من حساس الشكمان الجديد ... غيرته بواحد استيراد من على مكنه لانوس و العربيه ظبطت زي الفل احسن من الاول ....على فكرة دا سعرة مش غالي 150 جنيه بس