كان نفسي اتخانق معاهم !!!!

**WalidAdel** · 22-11-2008 01:38 AM

النقطه ان الناس مش طايقه نفسها من اللي بيحصل في البلد من غلي و كده و بيطلعوا قرفهم و غلهم في العيال الصغيره مش عارف ليييييييه
قال ييعني اي حد و السلام نطلع في القرف اللي بيشوفوا و تلاقي الاب و الام بيضربوا العيال دي ضرب والله بيصعبوا علي الواحد بس حنعمل ايه ولا نقول ايه دول بيخلفوا العيال علشان يعذبوهم
انا مره واحد في الشارع بيضرب ابنه علشان بياكل كتير هو الولد مليان علي سنه يعني و بيقولوا اجبلك منين فلوس علشان اكفيك اكل
انا مفهمتش يعني اعمل مع الراجل ايه بس دمي اتحرق اوي الصراحه
ارحم عبادك يا ارحم الراحمين

**نور القمر** · 22-11-2008 02:30 AM

المشاركة الأصلية كتبت بواسطة gemino

يا ستى كبرى دماغك هى الناس دى عايشة بمبدأ ان لو واحد و لا اتنين راحوا مش مشكلة ما هم اربعة ما شاء الله و العدد فى اللمون و يبقى اتنين و يبقى الحمل أخف

لو عاوز تهزم شعب ....... احبطه

**badblood** · 22-11-2008 03:31 AM

الشعب المصري في منه فئة عقيمة التكفير
لما الواد يشوف ابوه وامه بيعملوا كده
المفروض يطلع عامل ازاي !!!!!!

**Terrible_DaRsH** · 22-11-2008 04:36 AM

المشاركة الأصلية كتبت بواسطة نور القمر

بس والله كنت متغاظة نفسي اتخانق مع الهانم والبيه
معرفش دول مخلفين ليه

دول اجيال المستقبل ...
دول اللى هيخربوا البلد زيادة ...
دول اللى هيشيلونا من على الخريطة تماماااا ...
دول اللى هينسوا اسمهم فى يوم من الايام ...
انا يوميا بشوف اكتر من ذلك فى كل مكان ومبقتش استغرب خلاص لان الحقيقة مش لذيذة خالص .

**elassar2010** · 22-11-2008 12:16 PM

انا كنت راكب الترام مرة والترام داخل على المحطة وفى طفل حوالى 5سنين واقف على حافة الرصيف الى داخل علية الترام الناس صرخت الولد خاف ورجع الحمدالله و الترام طالع الولد عايز ينزل رجلة بين الرصيف وعجل الترام الناس صرخت وزعقت تانى لقينا الهانم مامتة قاعدة على الكرسة وراة وبتزعق للراجل الى بيزعقلة وبتقولة انا واخدة بالى واخدة بالها من اية انها تصوت ولا تطلب الاسعاف دة موقف الراجل محروق على طفل ميعرفهوش ومامتة قاعدة فى الامبالاة

**Abdelrahman** · 22-11-2008 06:01 PM

لا حول ولا قوة إلا بالله العلي العظيم

**نور القمر** · 22-11-2008 06:23 PM

المشاركة الأصلية كتبت بواسطة elassar2010

انا كنت راكب الترام مرة والترام داخل على المحطة وفى طفل حوالى 5سنين واقف على حافة الرصيف الى داخل علية الترام الناس صرخت الولد خاف ورجع الحمدالله و الترام طالع الولد عايز ينزل رجلة بين الرصيف وعجل الترام الناس صرخت وزعقت تانى لقينا الهانم مامتة قاعدة على الكرسة وراة وبتزعق للراجل الى بيزعقلة وبتقولة انا واخدة بالى واخدة بالها من اية انها تصوت ولا تطلب الاسعاف دة موقف الراجل محروق على طفل ميعرفهوش ومامتة قاعدة فى الامبالاة

كمان مش عاجبها ان الرجل خايف على ابنها
طيب ماهي الحوادث والعياذ بالله ديما بتحصل كدة
ربنا يستر على كل اولادنا ويحفظهم يارب

**Samir Elshahawy** · 23-11-2008 12:23 AM

والهانم مش عاجبها الكلاكس وعلقت بساخفة وتقولي انتي فاكرة نفسك راكبه المرسيدس

كده حضرتك اللي غلطانة , قوللي ليه ؟؟

لانك مش راكبة مرسيدس , لانك لو راكبة مرسيدس الناس هاتقف لك و ماتعديش الشارع
زمن عجيب

**homme49** · 23-11-2008 04:43 AM

[quote=MoToRiZeR;514584]المشكلة إن فيه ناس كتير جداَ بتتجوز من أجل الجواز فقط لا غير
و بتخلف عشان كل الناس المفروض تخلف

فا لا بتبقي طايقة شريك حياتها ولا عيالها ولا عيشتها و ضيف علي كل ده الظروف الإقتصادية الصعبة و ظروف البلد المهببة و الإحباط اللي من كل ناحية .

فا بتبقي النهاية كارثة .

حد شاف فيلم قص و لزق ؟ انا عاجبني شخصية حنان مطاوع فيه لأنها واقعية أوي (اللي هي كانت بتضرب ولادها بهيستيرية) .. و السبب إنها مكبوتة لأن جوزها مسافر بقاله سنين .

++++++++++++++++++++++++++++++

و هل الواقعية أنها تخون زوجها لمجرد بعده عنها بسبب لقمة العيش و إلا إنت ما كملتش الفيلم ؟؟؟؟؟؟؟؟؟؟؟؟؟؟؟؟