مشكلة في عفشة سيراتو 2013 ارجو الافادة
السلام عليكم ورحمة لله وبركاته
معلش انا عندي استفسار بسيط ...
انا معايا سيراتو 2013 الشكل القديم
كنت طالع من الباركينج ولافف الدركسيون علی اليمين .. وجه واحد بيرجع لورا خبط في العجلة اليمين
طبعا الزوايا باظت ... ورحت لورشة ظبط زوايا في محطة بنزين
فقالي البارة اليمين اتعوجت ... والشمعدان عاوز زرجينة بمقدار درجة ونص علشان العجلة هتتاكل لو ما عدلتوش
ممكن حد يفيدني في التالي:
1- اشتري منين بارة يمين اصلية ؟وهيا في حدود كام تقريبا ؟ وهل لازم فعلا اشتري طقم يمين وشمال مع بعض ؟
2- هل فعلا الزرجينة هترجع الشمعدان مكانه وهيبقی زي الاول؟
3-مين ورشة زوايا كويس في مدينة نصر اروحلو يعملها لي ؟
شكرا واسف لو طولت عليكم ...