عرض للطباعة
أنا معايا هيونداى جيتز 2008 1600cc و الحمد لله حالة ممتازة و فابريكا ..
بس نفسى أركب جولف 4
انا عارف ان الجيتز تتفوق فقط فى السحب و قطع الغيار واستهلاك البنزين
الجولف ثبات و فرامل
الفكرة انى راكب 2008 و حالة ممتازة مريحانى بس انا نفسى اركب الجولف ... هل لما انزل بالموديل مش هحس بفرق ؟؟
ايه الاحسن ادور على عربية مسأطة ماتور ولا ادور على الماتور الفابريكة ؟؟
1600 و لا 1800 ؟؟
نوع الماتور و المواتير الى استبعدها ؟؟
استهلاك البنزين ؟؟
هل الجولف مشاكلها كتير ؟؟
وشكرااا مقدمآ :)
شوف ال أوروبي كله و خصوصا الألماني هيحسسك انك ما كنتش راكب عربية قبل كده لكن هتفقد مميزات كتير منها الاعتمادية و رخص الاسعار و المصنعيات.
اعمل كده بس هات عربية فابريكة و حالة تحفة كده بس انصحك طبعا و انسى الكوري معلش دي مش عربية جنب جولف
انا كان معايا جولف ٤ و كنت مسقطلها ١٨٠٠
بص يا معلم عايز راحة بال و شغل عملي خليك في الجيتز اما لو عايز جري واتزان عالي جدا و متعة سواقة و استهلاك بنزين عالي قطع غيار مش معمرة قوي يبقي جولف وانسي ١٤٠٠ علشان موتور منتن خليك في ١٦٠٠ وانت طالع بس كل متتطلع كل مهتتظبط بس خليك عارف ان ١٨٠٠ اقوي من ال ٢٠٠٠
اقتباس:
المشاركة الأصلية كتبت بواسطة svneleven
تمام معاك بس يعنى ايه الاعتمادية ؟؟ :)
المشكلة بس بتبقى فى القلق من الشراء خصوصا ان معايا حالة كويسةاقتباس:
المشاركة الأصلية كتبت بواسطة melouk1
اقتباس:
المشاركة الأصلية كتبت بواسطة mo"men
انا بحب الجرى الصراحة و الجيتز كانت بتطلع من عربيات كتيييير بس الجرى مش ماتور بس لازم ثبات و فرامل علشان كدة فكرت فى الجولف
كدة كدة انا مستبعد ال 1400 و ال 2000
انا بس معرفش الفرق بين ال 1600 و 1800 .. و لو 1800 معرفش استبعد انهى مواتير
و اعرف منين اذا كان متسقط صح ولا غلط و الكنترول و الضفيرة !!؟ و مين فى اسكندرية اكشف عنده ؟
ال ١٦٠٠ مكنة كويسة جدا و قطع غيارها سهلة هي بتاعت ال اوكتافيا بس لا تقارن ب ال ١٨٠٠ من حيث الجري و التجميع بس في حاجات فيها بتاعت ال١٦٠٠ وف حاجات مش هتلاقيها غير في القاهرة وخود بالك ان الطنابير الامامية كمان مختلفة وعيب ال ١٨٠٠ انها بتوطي العربية جامد يعني لازم تظبط عفشتك علشان انا جابت مني كرتيرة كذا مره لو عايز نصحتي هاتلك واحدة استوك واطلع بيها علي القاهرة وهتلك نص هيكل وشيل وحوط ورجع الصاج للتاجر وده بالاتفاق طبعا
وطبعا اللي اقوي منهم ال ١٨٠٠ تربو بس انصحك بلاش
وبالنسبة للكشف انا كنت بتعامل مع واحد في القاهرة و الصراحة الناس ديه فاهمة قوي
بس انا سمعت ان في واحد عند كوبري الناموس الناس بتشكر فيه
وبالتوفيق
اعتمادية يعني اعطال قليلة و اما تصلح تلاقي الدنيا سهلة و اي ميكانيكي يصلحها و الاعطال واضحة مش معقدة مش كل شوية حساس مين عمل ايه بوظ فين.اقتباس:
المشاركة الأصلية كتبت بواسطة a_hmed
إستنضف حاجه كويسة و اكشف كويس قوياقتباس:
المشاركة الأصلية كتبت بواسطة a_hmed