عداد الكيلو متر مش بيعد مع ان موشر السرعة شغال

السلام عليكم ورحمة الله وبركاته
العبد لله انضم لعائلة الفليشيا بعد ما ربنا انعم عليا بفليشيا كومبى 96 لسه مكملتش اسبوع معايا بس لاحظت بعض الحاجات كده من اهمها ان عداد الكيلومتر واقف مش بيعد بس عداد السرعة شغال مش عارف اعمل ايه وده بيكون عيب ايه ممكن يكون الترس ولا الكابل انا بصراحة مش عارف فيها حاجه والعربية واطية شوية من ورا ياترى اركب كاوتشات للسوست ولا هى مفيهاش سوست اصلا ولا المساعدين فيهم حاجه وكمان العربية فيها انذار بس غريب شوية مش بينور فى الاشارات ومش بيعمل صوت غير وانا بفتح الباب بالريموت وبقفله بس غير كده مبينطقش ولا بيزمر انا خايف يكون السنسور عايز يعلى ولا هو ده نظام العربيه اصلا وده مش انذار معلش اسئلتى كتيرة بس انا جديد ولسه بتعلم وياريت لو حد يعرف حد فى اسكندريه يظبطلى الكلام ده حاجه تكون فى وسط البلد كده ولطك جزيل الشكر