مشكلة فى سوبارو جاستى 1993
العربية اتركنت 3 شهور بسبب شاكوش الاسبراتير باظ مهتمتش اجيبو وركنتها
احتاجت العربية نزلت جبت اسبراتير كامل من الوكالة ووديتو لميكانيكى بتاعى يركبو ويعمل سيرفس للعربية
روحت بعد يومين استلمها قالى فيها مشكلة صباب وهيا هتمشى معاك وممكن تقف وهتقطع معاك فى السلانسية
قلتلو سيبها مقتنعتش بكلامو واخدتها
بعد يومين بقت تعمل معايا حركة غريبة
ادور تدور اشيل رجلى من على دواسة البنزين تبطل
قلت للميكانيكى تعالى دورها قالى مش مستاهلة الصباب كدة باظ
روحت لواحد غيرو الصبح قالى كاربراتير ونضفو والعربية مشيت حلو
قالى ان مسامير الكاربراتير كانت كلها مش شغالة ومتخليش حد يلعب فية
المهم قلتلو مش صباب يعنى قالى لا
مشيت معايا كويس خمس او ست ايام بعد كدة
تبطل على التانى فجأة لوحدها
تبطل على السرعات العالية
اشيل رجلى من على دواسة البنزين وانا ماشى الاقى العربية اتهزت كأنى فرملت سنة صغيرة عشان اهدى العربية
كل اما انقل غيار تنتش نتشة كدة
الاول التانى سحبهم قل جدااا
بتجرى بعد فترة على التالت والرابع والخامس
يعنى بتسحب بالتدريج
بس الاول والتانى صوت الموتور فيهم بيعلى ومش بتسحب
معلش بقى انا طولت بس عاوز استريح واظبط العربية
