شباب كنت حابب اسال لو حبيت ارش العربيه بالكامل ماعدا السقف كم تتكلف
مع العلم انها مفيهاش سمكره خالص تقريبا في كم حتي كده وممكن تترد علي البارد
والاقضل اعملها في مركز صيانه ولا صنايعي برا افضل
عرض للطباعة
شباب كنت حابب اسال لو حبيت ارش العربيه بالكامل ماعدا السقف كم تتكلف
مع العلم انها مفيهاش سمكره خالص تقريبا في كم حتي كده وممكن تترد علي البارد
والاقضل اعملها في مركز صيانه ولا صنايعي برا افضل
السمكريه الكويسين بره كتير وافضل من التوكيل وتكلفة رش العربيه من غير سقف بتكون في حدود 1000 ل 1300 بره التوكيل اما في التوكيل معرفش بصراحه خلي بالك بس اني فيه انواع للبويه فيه بويه اسكينز ودي الكيلو فيها بيبقي عامل 380 ج تقريبا وفيه بويه اوميجا بتبقي في حدود 160 ج ع حسب نوع البويه اللي هتختارها بردو بس هو عامة متخليش اي حد يقنعك انه يزودلك عن 1500 حتي لو باسكينز والعربيه يكفيها كيلو تقريبا
بجد تاسعر دا انا روحت لواحد امبارح عاوز 3500 بسمكره باب بس
انا روحت لواد شاطر في الحرفيين عايز يورشلي حزام بس ب ٢٥٠٠ جنيه
بيقولي علشان حجبلك حاجات الماني
ده جاي يهزر وبيعمل مصلحه وش تعالي اوديك لواحد سمكرته بيتحلف بيها وشغل العربيات اللي عنده يشهد مش هياخدلك في سمكرة الباب 200 جنيه علي بعض ولو هترش العربيه من اولها لاخرها بتاع الرش ده مش هيزود عن الفين جنيه بلاش ندي فرصه للناس دي تنصب وتاخد حاجه مش من حقها
الناس اللي في الحرفيين دي كلها اجدع ناس تعمل مصالح اصلا شوف اي حد بيرش كويس جنبك ولو ملقتش تعالي اعملها عند الراجل اللي بعمل عنده بس مشكلته ممكن يبيتلك العربيه لانه علي طول زحمه لان شغله نضيف والحزام ده هيتكلف من الف لالف ونص بخاماته ولو فرضنا اني الراجل بتاع الحرفيين ده هيرش باغلي بويه الماني في السوق هيكون فرق السعر في حدود من 300 ل 400 ج لاني اغلي بويه الماني ب 680 ج للكيلو ده لو هيستخدم اغلي بويه الماني فعلا مع العلم اني متاكد اني هو يقصد بويه سكينز الالماني اللي ب 380 ج للكيلو