المرجع لمحلات قطع غيار وأماكن موثوقة لصيانة أوبل خارج التوكيل

أنا بصراحة على وشك اكون اوبلاوى جديد ، ولقيت ان قسم اوبل جامد جدا بس مش ناقصه غير مكان واحد يتجمع فيه معلومات عن اى حاجة الواحد محتاجها للصيانة خارج التوكيل، كلنا عارفين اد ايه التوكيل غالى ومبالغ فى اسعار حاجات كتير، وفى نفس الوقت العربية مش بتاعة عك وقطع غيار مضروبة او اى حد يمد ايده ويعك فيها، علشان كده باقترح يبقى ده مرجع لأى حد عايز يعمل صيانة لعربيته فى مكان محترم وموثوق خارج التوكيل.

يا ريت الناس تكتب مداخلاتها على الشكل الاتى:

نوع الخدمة: محل قطع غيار (جديد ولا استيراد) - كهربائى - ميكانيكى - عفشة - سمكرة و دوكو - الخ
الاسم: اسم الشخص او المحل
العنوان: مفصل قدر الامكان
رقم التليفون:
ملاحظات: اى توصيات او ملاحظات عن المكان
ا

نوع الخدمة: كهربائي - ميكانيكي - عفشة - تكييف - بعض قطع الغيار استيراد
الاسم: احمد عبد الراضي
رقم التليفون: أحمد عبد الراضي 0121181610
محمد عبد الراضي (أخوه) 0103486261
العنوان: تاخد طريق الاوتوستراد اتجاه المعادي.. و اول ما تلاقي الطريق الدائري فوق بالعرض كده.. تاخد يمين.. بعده بشوية صغيرة جدا هتلاقي طريق خدمات.. ادخل فيه.. و اول فتحة يمين تدخل فيها.. و امشي شوية صغيرة كده و هتلاقي اسطول عربيات اوبل واقفة هناك.. ده احمد عبد الراضي..
ملاحظات: ماعرفش ظروف مصاريفه ولا مصنعياته ايه.. عشان انا ماتعاملتش معاه. بس في اخوة هنا كتير اتعاملوا معاه و بيقولوا انه ممتاز..

نوع الخدمة: ميكانيكا و عفشة
الاسم: فادي
التليفون: المحل: 27033702
الموبايل: 0181861139
العنوان:تاخد طريق الاوتوستراد اتجاه المعادي.. و اول ما تلاقي الطريق الدائري فوق بالعرض كده.. تاخد يمين.. بعده بشوية صغيرة جدا هتلاقي طريق خدمات.. ادخل فيه تفضل ماشي لحد موقف اوتوبيس صقر قريش.. و تدخل من هناك يمين.. و تفضل ماشي ف الشارع ده لحد الاخر..هتلاقي محل كشري ف الوش.. و الشارع بيميل كده شمال سنة.. تكمل برضه.. لخد الاخر.. هتلاقي شارع بالعرض..ادخل فيه يمين.. خطوتين هتلاقي مطب صغير و بعده علي طول شارع شمال.. تدخل فيه.. نازل كده.. تمشي فيه لخد ما تلاقي مستشفي الهيئة العربية للتصنيع.. في شارع علي ناصيتها اتجاهين كده و فيه جزيرة ف النص.. سيبه و ادخل اليمين اللي بعديه علي طول.. هتلاقي الورشة في وشك كده فوق الرصيف.. و جنبها صيدلية..

هو معندوش كهربائي.. بس ميكانيها وبس.. وفي حد بيتعامل معاه بتاع تكييف بس بيجيبه بالطلب.. مش موجود عنده دايما يعني.. انا عارف شغله و مجربه و زي الفل..
هو مؤخرا جاب الجهاز.. الاسكانر. لو حد عنده مشكلة ف الكومبيوتر.. و لمبات الاعطال.. و مش اوبل وبس.. يبشتغل علي ماركات تانية.
و هو بالمناسبة شغال برضه في اوبل و فولكس و سيات.. و اودي.. لأنه حاليا شغال في ارتوك توكيل سكودا و كله دبليو في تكنولوجي

نوع الخدمة: قطع غيار جديدة
الاسم: امريكان ستار
التليفون: 25791402 - 25791403 - 25777408
العنوان: 39 و 46 شارع شمبليون
تعرفوا طلعت حرب مول؟ تدخل ف الشاره اللي هو علي ناصيته.. اللي فيه سينما اوديون
و تمشي فيه لحد ما تلاقي شارع بالعرض.. اسمه شارع شمبليون
تدخل شمال.. و مسافة حوالي 30 متر.. هتلاقيه علي شمالك..

ملاحظات: يعتبر الافضل في قطع الغيار الجديدة.. وهو بيورد لمقار بعض قطع الغيار علي فكرة..
و اسعاره مش مبالغ فيها.. بس ممكن تفاصلوا معاه عادي.. باتعامل معاهم من اول ما جيبت العربية..
و مرتاح معاهم بصراحة

نوع الخدمة: قطع غيار جديدة
الاسم: سرور
التليفون:25758011
العنوان: في الشارع اللي فيه سينما اوديون اللي علي ناصيته طلعت حرب مول.. تمشي فيه لحد ما تلاقي شارع شمبليون بالعرض.. هو علي الناصية تقريبا.. هتلاقيه علي يمينك..

ملاحظات: سعره غالي شوية.. و اوقات بيحصل غلط في قطع الغيار عنده..
بمعني انه بيديلك حاجة علي انها الماني و هي مش كده..ممكن تكون اتحاد اوروبي او دنماركي
وده حصل مع اخ لينا ف المنتدي هنا.. و بطل يتعامل معاهم.. بس ادينا بنقول المعلومات الكاملة..

نوع الخدمة: قطع غيار جديدة
الاسم: الغنيمي
التليفون: مش عارف ارقام بصراحة
العنوان:تاخد طريق الاوتوستراد اتجاه المعادي.. و اول ما تلاقي الطريق الدائري فوق بالعرض كده.. تاخد يمين.. بعده بشوية صغيرة جدا هتلاقي طريق خدمات.. ادخل فيه تفضل ماشي لحد موقف اوتوبيس صقر قريش.. و تدخل من هناك يمين.. و تفضل ماشي ف الشارع ده لحد الاخر..هتلاقي محل كشري ف الوش.. و الشارع بيميل كده شمال سنة.. تكمل برضه.. لخد الاخر.. هتلاقي شارع بالعرض..خد اليو ترن.. و ارجع تاني في نفس الشارع اللي انت فيه.. هو في اول او تاني شارع يمينك علي بعد حوالي 20 متر عن الشارع الرئيسي اللي انت داخل منه علي شمالك..

ملاحظات: اسعاره غالية شوية.. بس ماركات نضيفة.. و معظم الحاجات موجوده

جربت تنزل الحرفيين هي فيها بجد حاجات كتير اوي جرب تنزل الحرفيين في كتيييييييير هناك و ممكن اقولك على ناس منهم
1 - العايدي و ده في اول شارع الحرفيين شاب كويس و محترم و هتلاقي عنده حاجات كتيير
2- الشيخ احمد مكاوي ده راجل محترم اوي عنده ورشة بس مش قد كده و ده في الشارع اللي ادام الجامع و لو مش عنده ممكن يجيبهالك من بره
3- مركز الشاطر و ده برده في الشارع اللي ادام الجامع هتلاقي يافطة كبيرة عالية على عماره كده بس خليه اخر اختيار
4- في ناس تانية اسمهم النواصره و هما في شارع الحرفيين نفسه اللي بيطلعك على الجامع على اليمين و كويسين برده
انا جربت الناس ده كلها بس احسنهم العايدي و احمد مكي
و ممكن تسال العايدي على واحد هناك اسمه محمود اوبل ده كهربائي بس واد جدع قوي و فاهم كان بيشتغل في التوكيل و ممكن تلاقي عنده حاجة او يدلك او يركبهالك بس قوله انك من طرف م/احمد بتاع اكتوبر العربية الكحلي

في ميكانيكي اسمه م/ محمد في اخر الشارع بتاع الشيخ احمد مكاوي هو كويس قوي و عنده صنايعية كويسين و عندة السكانر بتاع العربية هو كان شغال في التوكيل و في الشيخ هيثم برده نفس الموضوع

ايه رأيكم يا جماعه كل اللي يعرف مكان يقول جميع تفاصيله.ز عشان انا عن نفسي في اوقات.. باكون مسافر برة القاهرة.. و بابقي عايز اكون عارف اماكن مراكز صيانة ف المكان اللي انا رايحه.. عشان احتياطي.. و اكون مطمن..

يا ريت بجد.. اللي يعرف حاجة يقولنا..

لقد سبق تحذيركم العديد من المرات بعدم وضع إعلان إلا بعد الرجوع للإدارة لكن حضرتك لم تقم بالتنسيق مع الإدارة

هذه الموضوع خاص بتجارب الأعضاء و ليس للإعلانات

سضطر أسفين لوقف عضويتك

إ.م.3

جميل.. يا ريت يا جماعه اللي عنده صنايعيه في اليكس.. يفيدونا.. عشان معندناش اي معلومات عن حد هناك..

السلام عليكم

أنا فعلاً معجب جداً ب الموضوع دة وإن شاء الله نستفيد به كلنا.

والله كل اللي ناقص فعلا.. شوية مراكز برة القاهرة..

نوع الخدمة:ميكانيكى - كهربائي
الاسم: مركز الوليد
العنوان: 12 أو 13 ش السلام قصاد كلية التربية الرياضية فيصل
رقم التليفون: غير متوفر
ملاحظات: معندوش سكانر.. لكن بيتصرف.. ممكن يروح معاك لحد عنده و يشوفها..

المكان ده اللي قال عليه الاخ الفاضل 241mph في موضوع قديم شوية من كام شهر..

نوع الخدمة:قطع غيار جديد
الاسم: أسامة اوبل
العنوان: اخر فيصل تحت برج الأطباء قبل طلعة الكوبري يمين
رقم التليفون: غير متوفر
ملاحظات: الراجل اللي بيشتغل هناك اسمراني كده وقصير شوية و اسمه وائل
المكان ده اللي قال عليه الاخ الفاضل 241mph في موضوع قديم شوية من كام شهر..

أ. احمد انا بقيت اوبلاوى خلاص و اشتريت أوبل استرا 2000 1200 سى سى فابريكه بره و جوه 85000 الف كيلو استعمال طبيب
العربيه ملاكى اسكندريه ,, بسم الله ماشاء الله رووعه و سافرت بها مصر حضرت كورس عندى فى الشغل ,, لكن الراجل اللى باعها لى قالى لى ان لمبة الاعطال بتنور ساعات فى الكبارى و السرعات .. و فعلا لما سافرت بيها , كل ما اعدى ال 100 كيلو تنور (او طلعة كوبرى) لكنى كنت اشيل رجلى من على البنزين لغاية ما اللمبه تنطفئ و بعدين اكمل لغاية ما تنور تانى و جابت معايا 140 و قلت كفايه كده ,, بواقع خبرتك ايه المشكله ,, انا كده كده ناوى اروح بها التوكيل للكشف لكنى مش فاضى اليومين دول و مش رايح قبل 10 ايام و مش هركبها خلال الفتره دى بس عايز اطمئن ..؟؟ ملحوظه العربيه تحس انها مفيش فيها عزم

يا ريت اى حد أخصائى امراض اوبل فى اسكندريه و يا سلام لو كان استشارى :colsmil:

اقتباس:

---

المشاركة الأصلية كتبت بواسطة mexmarine

أ. احمد انا بقيت اوبلاوى خلاص و اشتريت أوبل استرا 2000 1200 سى سى فابريكه بره و جوه 85000 الف كيلو استعمال طبيب
العربيه ملاكى اسكندريه ,, بسم الله ماشاء الله رووعه و سافرت بها مصر حضرت كورس عندى فى الشغل ,, لكن الراجل اللى باعها لى قالى لى ان لمبة الاعطال بتنور ساعات فى الكبارى و السرعات .. و فعلا لما سافرت بيها , كل ما اعدى ال 100 كيلو تنور (او طلعة كوبرى) لكنى كنت اشيل رجلى من على البنزين لغاية ما اللمبه تنطفئ و بعدين اكمل لغاية ما تنور تانى و جابت معايا 140 و قلت كفايه كده ,, بواقع خبرتك ايه المشكله ,, انا كده كده ناوى اروح بها التوكيل للكشف لكنى مش فاضى اليومين دول و مش رايح قبل 10 ايام و مش هركبها خلال الفتره دى بس عايز اطمئن ..؟؟ ملحوظه العربيه تحس انها مفيش فيها عزم

---

الف مبروك يا باشا.. ربنا يباركلك فيها.. و يحفظهالك ان شاء الله..
انا مستني اهو الناس اللي من اليكس يفيدونا بحد كويس هناك.. الاستاذ الفاضل احمد كفراوي من اليكس.. و يعرف حد كويس في طريق المطار علي ما اذكر. و بيقول انه كويس جدا. و اتعامل معاه قبل كده.. ممكن ادور علي المشاركة بتاعته.. و اشوف الراجل.. او نبعت ليه علي الخاص و نسأله. و نخليه يجيب العنوان و يديهولنا هنا.. نضيفه. عشان في اخوة كتير من اليكس.. بيبقوا محتاجين حد كويس هناك..
و بالنسبة لموضوع اللمبة.. مش هاقدر افتي ف الموضوع ده.. لازم سكانر و يتشاف الـ error code بس طالما مش بيبان غير علي سرعات عالية.. حاول انك متجريش بيها قوي بحيث ان اللمبة تنور لحد ما تشوف ايه نظامها..

اما بالنسبة لموضوع العزم.. ف العربية دي موتورها ميعتبرش قوي.. هو معقول.. و تجميعها مش جامد قوي.. و مع التكييف بيبقي اقل كمان.. بس ما شاء الله لما بتجمع بتبقي زي الفل.. و ثباتها رائع..
ربنا يباركلك فيها و يحفظهالك يا رب ان شاء الله..
و نشوفك معانا هنا علي طول.. تفيدنا بخبرتك اللي بتكتسبها مع العربية ان شاء الله..

نوع الخدمة: قطع غيار استيراد
الأسم : محمد قشطة (الشيخ محمد)
اسم المحل : اوبل وان Opel one
العنوان : بلوك 102 شارع الخليفة - الحي السادس - مدينة نصر امام مستشفى جراحات اليوم الواحد
رقم التليفون: 0162916986

الملاحظات: من طرف وليد عبد العزيز (حلوان صاحب الفيكترا الكحلي)

أ. أحمد شكرا للرد يا باشا و انا اتشرف ان اكون معاكم

عاطف غالي
وده في شارع موزي لاحمد سعيد وانت جاي من رمسيس تدخل من جنب كوك دور علي طول وقبل اخر الشارع هتلقاه
وده معتمد وعنده الجهاز
بس راجل بجد فظيع وعنده كل حاجة الاصلي والاستيراد

اشرف اوبل
وده موجود في شارع متفرع من احمد سعيد كدا وانت جاي من صلاح سالم من تحت كوبري الفردوس ادخل ورا تكي واسال
دا راجل محترم اوي وممكن تلاقي عنده حاجات كتير
قطع غيار وكمان استيراد

اقتباس:

---

المشاركة الأصلية كتبت بواسطة Ahmad Allawy

نوع الخدمة: قطع غيار استيراد
الأسم : محمد قشطة (الشيخ محمد)
اسم المحل : اوبل وان Opel one
العنوان : بلوك 102 شارع الخليفة - الحي السادس - مدينة نصر امام مستشفى جراحات اليوم الواحد
رقم التليفون: 0162916986

الملاحظات: من طرف وليد عبد العزيز (حلوان صاحب الفيكترا الكحلي)

---

دي اضافة للموضوع الجميل ده ياريت تعجبكو
احنا ممكن نرفق خريطة بمكان كل مركز صيانة
او محل بيع قطع غيار
تسلم ايدك يا علاوي باشا على مجهودك الجبار في الموضوع
http://www.postimage.org/Pq2nxCU0.jpg

فكره هايلة

اقتباس:

---

المشاركة الأصلية كتبت بواسطة abdelaziz-waleed

دي اضافة للموضوع الجميل ده ياريت تعجبكو
احنا ممكن نرفق خريطة بمكان كل مركز صيانة
او محل بيع قطع غيار
تسلم ايدك يا علاوي باشا على مجهودك الجبار في الموضوع
http://www.postimage.org/Pq2nxCU0.jpg

---

الشكر لله يا كبير..
ممكن فعلا.. فكرة تحفة..
نبتدي نجهز خرايط الاماكن..
بس عايزين تفاصيل الناس اللي ف اليكس..

اقتباس:

---

المشاركة الأصلية كتبت بواسطة Ahmad Allawy

نوع الخدمة: ميكانيكا و عفشة
الاسم: فادي
التليفون: المحل: 27033702
الموبايل: 0181861139
العنوان:تاخد طريق الاوتوستراد اتجاه المعادي.. و اول ما تلاقي الطريق الدائري فوق بالعرض كده.. تاخد يمين.. بعده بشوية صغيرة جدا هتلاقي طريق خدمات.. ادخل فيه تفضل ماشي لحد موقف اوتوبيس صقر قريش.. و تدخل من هناك يمين.. و تفضل ماشي ف الشارع ده لحد الاخر..هتلاقي محل كشري ف الوش.. و الشارع بيميل كده شمال سنة.. تكمل برضه.. لخد الاخر.. هتلاقي شارع بالعرض..ادخل فيه يمين.. خطوتين هتلاقي مطب صغير و بعده علي طول شارع شمال.. تدخل فيه.. نازل كده.. تمشي فيه لخد ما تلاقي مستشفي الهيئة العربية للتصنيع.. في شارع علي ناصيتها اتجاهين كده و فيه جزيرة ف النص.. سيبه و ادخل اليمين اللي بعديه علي طول.. هتلاقي الورشة في وشك كده فوق الرصيف.. و جنبها صيدلية..

هو معندوش كهربائي.. بس ميكانيها وبس.. وفي حد بيتعامل معاه بتاع تكييف بس بيجيبه بالطلب.. مش موجود عنده دايما يعني.. انا عارف شغله و مجربه و زي الفل..
هو مؤخرا جاب الجهاز.. الاسكانر. لو حد عنده مشكلة ف الكومبيوتر.. و لمبات الاعطال.. و مش اوبل وبس.. يبشتغل علي ماركات تانية.
و هو بالمناسبة شغال برضه في اوبل و فولكس و سيات.. و اودي.. لأنه حاليا شغال في ارتوك توكيل سكودا و كله دبليو في تكنولوجي

---

اقتباس:

---

المشاركة الأصلية كتبت بواسطة Ahmad Allawy

نوع الخدمة: قطع غيار جديدة
الاسم: الغنيمي
التليفون: مش عارف ارقام بصراحة
العنوان:تاخد طريق الاوتوستراد اتجاه المعادي.. و اول ما تلاقي الطريق الدائري فوق بالعرض كده.. تاخد يمين.. بعده بشوية صغيرة جدا هتلاقي طريق خدمات.. ادخل فيه تفضل ماشي لحد موقف اوتوبيس صقر قريش.. و تدخل من هناك يمين.. و تفضل ماشي ف الشارع ده لحد الاخر..هتلاقي محل كشري ف الوش.. و الشارع بيميل كده شمال سنة.. تكمل برضه.. لخد الاخر.. هتلاقي شارع بالعرض..خد اليو ترن.. و ارجع تاني في نفس الشارع اللي انت فيه.. هو في اول او تاني شارع يمينك علي بعد حوالي 20 متر عن الشارع الرئيسي اللي انت داخل منه علي شمالك..

ملاحظات: اسعاره غالية شوية.. بس ماركات نضيفة.. و معظم الحاجات موجوده

---

ديه خريطة شاملة فادي والغنيمي


http://www.postimage.org/Pq2pkFcS.jpg

نوع الخدمة: تكييف..

ديافيا:

17, Ismail Bek St., Kobry El-Qobba
Hadayek El-Qobba,Cairo, Cairo
Egypt
Phone : ‎+20 2 22570850
Fax : ‎+20 2 22570850(Tel & Fax)

ومقار:
25198167 المعادي
24011349 مدينة نصر

الموضوع قديم
بس بيقلب عليا ايام جميله
احمد علاوى
محمد مختار
مهندس احمد
سومو
ابو زهره اللى اتوقف بسبب الموضوع ده
ايام

اقتباس:

---

المشاركة الأصلية كتبت بواسطة tananybasha

الموضوع قديم
بس بيقلب عليا ايام جميله
احمد علاوى
محمد مختار
مهندس احمد
سومو
ابو زهره اللى اتوقف بسبب الموضوع ده
ايام

---

العشره مش سهل تتنسي :36_3_18[1]:
علاوي تقريبا باع الاودي واشتري امبريزا واختفي
مختار بلدياتي ماشاء الله معاه مرسيدس سي 180
سومو دمه خفيف وفاكر اخوه الله يرحمه؟
ابو زهره بكلمه في التليفون علطول عريس جديد دلوقتي

ايام لا تنسى
كنا لسه فى الأبيض و علمونا كتييييير قوى

ايام لا تنسى
كنا لسه فى الأبيض و علمونا كتييييير قوى

خلاص كفايه عشان هعييييط

فيكوا الخير يا رجاله والله
واحنا دلوقتي اللي بنتعلم منكو

أحذر من التعامل مع ايمن الصعيدى تاجر قطع غيار باع لى بلية ماستر دبرياج ماركة لوك المانى مضروبه بـ900 جنيه و اسطوانه لوك ايضا و ضربوا بمجرد تركيبهم و شربت نصف ثمنهم و الميكانيكى شرب ربع ثمنهم و هو باع لنا طقم تانى بتخفيض حوالى 25% !!! حسبى الله و نعم الوكيل فيه و فى الميكانيكى هو كمان (دبرياج كلفنى 3000 جنيه!!) لله الحمد من قبل و من بعد الراجل ده فى الاسكندريه طريق جمال عبد الناصر بجوار شارع محمد نجيب . هذا ما حدث معى و ما حدث مع غيرى كثير و لكن لم احضره لذلك لن اقول عليه لمجرد انى سمعته.

ربنا يكرمك