مشكلة فى ترخيص عربية مهم جدااا جدااا جدااا

عندى عربية سوبارو 1993
اخويا اشتراها من واحد من غير توكيل
الراجل طلع شمال معرفناش ناخد منو غير توكيل عام مكتوب فية عربية سوبارو 93
لكن مش مكتوب فية رقم شاسية ولا رقم موتور ة والكلام دة
الشهر العقارى قالو مينفعش تعمل عقد ليك من عام لخاص
اية الحل من وجهة نظركم غير انى الجأ للى اشريتها منو عشان ميبتزنيش
ملحوظة انا معايا كل التوكيلات بتاعة العربية لغاية اخر توكيل بتاع الى اشتريتها منو
كلهم خاص متحدد فيهم رقم الموتور والشاسية ماعدا التوكيل بتاعى هوة الى عام
ازاى اقدر انقل ملكيتها ليا
انا بقالى 3 سنين ماشى بيها برخصة منتهية
واتسحبت رخصة سواقتى مرة ودفعت 1250 غرامة
ياريت لو فية حل للخبراء

ارجع لأي واحد من اللي عاملين توكيلات قبل اللي انت اشتريت منه و اشرح له الموضوع و خليه يعمل لك توكيل خاص بالعربية. ممكن توصل للي عاملين التوكيلات دي من الشهر العقاري اللي طالع منه التوكيل

ولو حد فيهم عملى توكيل مش المفروض التوكيلات دى متسجلة فى المرور فهمنى اكتر لو سمحت

ارفع عليه قضية صحة توقيع وعند حضوره للمحكمة اطلب اثبات بيانات العربية في المحكمة
القضية تكلفتها من 500 الي 1000 جنيه حسب المحامي

مش الرخصة منتهية يبقى الشهر العقارى هيطلب منك شهادة بيانات من المرور
تاخد الرخصة والتوكيل وتروح المرور تستخرج شهادة بيانات للعربية ودى بيكون مكتوب فيها كل بيانات العربية من رقم اللوحة ورقم الموتور ورقم الشاسية تاخدها وتدخل تعمل عقد بيع مسجل وبية تدخل المرور تفحص وترخص
الكلام دة على حد علمى وهو لما عملك توكيل عام بالعربية يبقى من حقك تاخد منة اى عربية سوبارو موديل 1993 تكون معاه وتبقى ملكك

انا هجرب كل الاقتراحات الى قلتوها من الاسهل للاصعب وربنا يسهل يارب

اتصل بيا على الرقم 01062020263 وانا حقولك الحل ان شاء الله
اشرف المحامي

لا التوكيلات مش متبقى متسجلة في المرور. حاول توصل للي باع بتوكيل للراجل النصاب ده و خليه يعمل توكيل ليك انت و روح المرور بالتوكيل ده طلع شهادة بيانات للشهر العقاري و اعمل عقد مسجل لنفسك و بعد كدة روح المرور انقل ملكيتها ليك