-
طلب نصيحة - تويوتا يارس
السلام عليكم و رحمة الله و بركاته
أنا اخوكم سامح من الاسكندرية و جديد فى قسم التويوتا فى المنتدى
لو ممكن من أصحاب الفضل يفيدونى برأيهم
أنا معايا دلوقتى عربية دايو ماتيز أشتريها من سنتين تقريبا واتعلمت عليها السواقة و الحمد لله المهمة دى انتهت بنجاح
الاهم من كده إنى دلوقتى عايز أجيب عربية أكبر و مستواها أفضل فى حدود من 80 : 85 ألف جنية (ولو مانيوال معنديش مشكلة مقابل ان الحالة تكون جيدة)
أنا قدامى اختيارين الاول : إنى اجيب لانوس زيرو و اريح دماغى (يعنى من الصيانات غير العادية) و بصراحة الاختيار مش قادر اتقبله !!!
والاختيار الثانى : وده الاختيار القريب ليا , انى اشترى تويوتا ياريس مستعملة , الحاجة اللى مخليانى متردد إنى خايف من مواضيع الاعطال لآن وقت شغلى طويل و مش عايز أضيع يوم الاجازة عند الميكانيكى و الكهربائى و الاهم من كده خايف من تكاليف صيانة التويوتا !!!
ياريت تفيدونى برأيكم
السلام عليكم
-
الياريس مش بتعطل ولا حتلطعك عند ميكانيكي
اهم حاجة خليك ف القطع الاصلي
غالية بس تمنها فيها
Content Relevant URLs by
vBSEO 3.6.0 PL2