معايا عربية عايز أبيعها .. شوروا عليا
سلام عليكم يا شباب ..
معايا عربية a113 موديل 2012 عداد 60000كم .. العربية حالتها العامة ممتازة لكن فيها شوية عيوب مش عارف يكون الأحسن أصلحها وأبيعها ولا أوفر وجع الدماغ وأبيعها بسعر أقل بما يعادل ثمن الإصلاحات ..
العيوب اللى بتكلم فيها ان فيها حكة خفيفة فى الرفرف اليمين عايز يترد ع البارد، السنتر لوك ساعات بيعلق (بقفل ويفتح تانى) وأخيرا العربية بتحدف شوية والمشكلة (والله أعلم) مشكلة مساعدين (واحد أعلى من التانى) لأنى ضبطت زوايا كذا مرة وغيرت الكاوتش (وطبعا ضبط الزوايا تانى بعده) ..
غير كدا العربية 100 100 ..
ولو أمكن تفيدونى سعرها فى حدود كام لو هعمل الإصلاحات دى وكام لو هبيعها زى ما هى ؟
وجزاكم الله خيرا :d
