الموضوع: واحدة ست قفلت على عربيتي !!!

معلش فى ملحوظه كمان ان معظم السيدات مابيعرفوش يركنوا العربيه فى الاماكن الضيقه

الية بيقفل على حد على الاقل يسيب الفرامل
كنت مع اصحابى فى جامعة الدول وراجعين نركب العربيات لقينا عربية قافلة علينا وكان معشق العربية شيلنها من مكانها وخلانها فى نصف الشارع عشان يحرم

اية دة سوفاج انت متعرفش ان الستات دول النص الحلو و احنا النص الوحش و لازم يتعاملو كمعاملة ملكات النحل والا احنا نتلسوع منهم
انت شفت ملكة نحل بتركن قبل كدة

قبل ما "حفلة العك" تبدأ.. مش يمكن برضه يا توت ماكانش فيه مكان فاضي ساعة ما هي كانت بتركن؟

و بعدين يا توت انت معروف بعقلك الراجح.. ليه عنوان الموضوع المستفذ بالطريقة دي؟ هو يعني مافيش رجالة بتقفل على عربيات بطرق بمنتهى الغباء؟ ليه عنوان الموضوع فيه "واحدة ست"؟ ليه ما يكونش حد قفل على عربيتي النهاردة أو اتقفل على عربيتي النهاردة.. لوجه الله يا توت عشان الناس اللي هايرودا بعدك مش هايراعوا شعور حد من اخواتهم النساء في المنتدى اللي بيسوقوا.. انما تيجي منك انت يا توت؟ انت عارف ان آخر 3 مواضيع عن سواقة الستات اتقفلوا بعد خناقات و معارك و حرق دم.. جايين النهاردة نعيده ليه؟ بنحب نحرق في دم بعض ليه؟ ليه العكننة ع الصبح ليه؟

يا كريم افهمني انا طبعا مصدقة توت ان اللي عملت كده واحدة ست مش باكدبه يعني، انما المفروض الأعضاء القدام زيك و زي توت يحاولوا يبعدوا عن كل ما يخلق جو من التوتر في المنتدى. انا اعتراضي على ان موضوع زي كده اتفتح بالعنوان ده هتلاقي 1000 يا مين يدخل يشتم في الستات و سواقة الستات من غير حتى ما يقرا الموضوع و لا يفهم فيه ايه و طبعا الستات اللي هنا هتتضايق.. آه هنتضايق، ما انت لو حد دخل شتم فيك هتتضايق.. متهيألي حاجة طبيعية و بشرية يعني مش أفورة.

عموما الظاهر ان الموضوع ده مافيش فايدة منه.. يعني الأعضاء الجداد اللي معندهمش خلفية عن اللي بيحصل من ورا موضوع عنوانه زي كده ليهم عذرهم، انما الأعضاء القدام اللي راسيين على كل حاجة، ليه يعرضوا زميلاتهم في المنتدى للأذى ده؟

انا فعلا اتضايقت و اتعكننت و زهقت و الحياة فيها ما يكفي من العكننة، مش ناقصة كمان المتنفس الوحيد اللي الواحد بيلجأ له يبقى هو كمان مصدر عكننة بالطريقة دي.

بعد إذنك يا كريم و يا توت انا مش هاتابع الردود في الموضوع ده و لا غيره و باعتذر لو مداخلتي حولت مسار الموضوع.. انما بصراحة بأت حاجة تزهق و اللي بنقوله بنعيده كل يوم و محدش بيقدر شعور حد و لا بيخاف على حد للأسف.