انا في ورطه ومصيبه كبيره. هموت من الي انا فيه

**د.عماد صلاح** · 29-10-2015 02:00 PM

انتصار الشيطان الاكبر مش انه يوقعك في المعاصي ...كلنا بشر و بنغلط وربنا قال انه يغفر كل الذنوب الا ان يشرك به ...الانتصار الاكبر انه يوهمك انه فات الاوان الانتصار الاكبر انه يخليك تيأس من رحمه الله ....لا تيأس من رحمه الله فأنه لاﻻييأس منها الا القوم الكافرين ....حمد الله علي السلامه ...طالما توبتك حقيقيه طالما مش هترجع للسرقه ..واللي حصل سرقه واضحه ...تاني يبقي هتتقبل توبتك ومن علامات قبولها انك ترجع تصلي و اخرص علي صلاه الفجر في وقتها وماتخفش ولا تقلق من الرزق ...الرزق مش فلوس وبس الرزق بركه وصحه ورضا ..اياك ..اياك ...اياك ..والرجوع في طريف الشيطان وحمد الله علي السلامه تاني

**melouk1** · 29-10-2015 02:31 PM

المشاركة الأصلية كتبت بواسطة يارب سامحني

ربنا يكرمكم

خت بالى من كام فكرة قولتها ربنا يقدرنى وانفذها فى ظل الظروف الصعبة الى انا فيها

بس محتاج بس حد يطمنى هل هينفعلى عمرة ولا صعب لان الى هيتكفل بمصاريفها كلها والدى

انا اصلا قاصد انى مدفعش اى مبلغ فيها علشان ربنا يتقبلها لانى طبعا ربنا يكرمة والدى فلوسة كلها حلال

لحد مهشوف هسدد الفلوس دى ازاى طمنونى بخصوص العمرة كمان ياريت

رد الحقوق إلى أصحابها مقدمٌ على العمرة و الحج أيضاً حتى وهو فرض

**wael30003** · 29-10-2015 02:52 PM

المشاركة الأصلية كتبت بواسطة Dr.Karim Emam

لو عاوز ترد له المبلغ اللي نصبت عليه فيه اعمل زي ما كنت بتعمل بس بالعكس....
يعني الراجل اللي بتشتري منه الحاجات دي خليه يكتبلك فاتورتين, واحده بالسعر الحقيقي و واحده السعر اقل من اللي المفروض يدفعه صاحب الشركة و اديهم في الشركة الفاتورة اللي بسعر أقل و زود انت من جيبك الفرق ده..... واحده واحد و احسب دقعت قد ايه و ربنا يعينك و ترد كل المبلغ اللي عليك.... و اهو بالطريقة دي صاحب الشركة مش هيعرف و انت هتدفعهم بالتقسيط.

**يارب سامحني** · 29-10-2015 03:30 PM

المشاركة الأصلية كتبت بواسطة melouk1

رد الحقوق إلى أصحابها مقدمٌ على العمرة و الحج أيضاً حتى وهو فرض

الفكرة ان محدش عرف القصة الى انا عملها دى من اهلى. والوالد كان كدا كدا طالع عمرة فقلى هيخدنى معاة ويتكفل بكل حاجة . وبالتالى فلوسى مش داخلة فى الموضوع . حضرتك فاهم قصدى ولا لاء

انا اقصد انا كدا كدا مش معايا فلوس فجيالى فرصة اعمل عمرة سواء عملتها او معملتهاش مش هيبقى معايا مبلغ اسد بية حاجة من الى عليا للشركة فهل بقا لو عملتها احتمال تتقبل ولا لاء دا الى اقصدة

**mo"men** · 29-10-2015 04:28 PM

ربنا يسامحك و يثبتك و يبعد عنك الشيطان
و احذر احتياجك للفلوس لان الشيطان هيحاول يوسوسلك و يغويك من السكة ديه وده هيكون اختبار ربنا ليك و اتمني لك الثبات

**يارب سامحني** · 29-10-2015 04:55 PM

المشاركة الأصلية كتبت بواسطة mo"men

ربنا يسامحك و يثبتك و يبعد عنك الشيطان
و احذر احتياجك للفلوس لان الشيطان هيحاول يوسوسلك و يغويك من السكة ديه وده هيكون اختبار ربنا ليك و اتمني لك الثبات

فعلا والله لما افتكرت لقيت ان كتير من الفلوس دى كان ممكن مخدهاش ومكنتش ليها لازمة شديدة فى بعض الاحيان

بس حاليا الحمد لله تبت نهائى انى اطلع مصلحة من المشتريات لو حتة جنية واحد

**A7medelfe2y** · 29-10-2015 05:57 PM

انت فعلا شخص متربي ومحترم وضميرك صاحي وربنا بيحبك انه رجعك له تاني
قرب من ربنا واحسن الظن به وتوب توبه نصوحه وكن واثق ان ربنا هيقبلك ويعفو عنك
لانه الغفار العفو الرحمن الرحيم
صلي وحسن علاقتك بربنا وسدد المبلغ علي فترات زي ما زمايلنا قالولك او روح لصاحب الشركه
واحكيله الوضع وقوله انا هقسطلك وهو اكيد هيقدر دا

**lena jo** · 29-10-2015 06:01 PM

اولا الحمد لله ان تاب عليك و فوقت في الوقت المناسب. ردود الاعضاء الكرام وفت و استوفت . انا فقط انبهك ان من شروط التوبة ان ترد المال لو ذنبك في مال او تطلب العفو من شخص اغتبته . العمرة او حتي الحج يمحو الذنوب لكن لا يمحوا حقوق العباد. حتي قبل ما تحج ( اللي هو فرض) لازم تسد دينك او صاحب الدين يعفو عنك و كمان لو مزعل حد تصالحه عشان ميكونش حد له مظلمة عندك. لو صعب ترجع المال ده بشكل مباشر يبقي بطريق غير مباشر. يعني لو لك بدلات لا تأخذها كاملة. مسألة الفاتورة بسعر اقل دي ممكن تعمل مشكلة لان لو خلصت الدين و كتبت الفاتورة بعد كده بالسعر الحقيقي ممكن مع مراجعة الفواتير حد يسأل ازاي السعر زاد فجأة فلازم تكون حريص ان الفرق ميكونش كبير ووزعه علي فواتير كثير ، كمان ممكن تشتري حاجات للشركة من مالك مثل رزم اوراق تصوير، ادوات كتابية او شوف ايه الحاجات المستهلكة الي ممكن تشتريها و مش هتكون ملفته و طبعا مش هتقدم فواتير، تحطها و خلاص.
المهم ان الشيطان لا يستدرجك مرة أخري لأن الجسد الذي ينبت من سحت فالنار اولي به. السرقة شيء بشع. و مهما حصل لازم تعرف ان المال الحرام لا بركة فيه . هتدفع اضعافه و لن تستفد منه شيئا ابدا. لو للعلاج لن تشفي ولو دروس خصوصية فالنتيجة السقوط و الفشل .و لو اكل حقيقتة نارا تملأ معدتك. مفيش مفر.طريق أسود آخره ندم دنيا و آخره. اما من اين لك بالمال لتسديد ما عليك، فالاول إنوي نية لله انك هتسدد اللي عليك، و من يتق الله يجعل له مخرجا و يرزقه من حيث لا يحتسب. اعتبره تقسيط و ضع ظرفا به مبلغ بسيط كل شهر من مرتبك و لما يتكون مبلغ ممكن تشتري به اي حاجة من اللي ينفع تشتريها كما ذكرت ،اشتريها و اكتب المبلغ المدفوع في ورقة مع الظرف، و اجمع المبالغ دي كلها كل فترة حتي ينتهي الدين و تبرأ تماما من هذا الذنب بإذن الله. ربنا يوفقك و يسدد خطاك و لا تيأس من رحمة الله.

**ibrahim sallam** · 29-10-2015 07:47 PM

إستغل الحاله التي انت فيها لآن هذا الشعور إذا لم تزكيه بالآعمال الصالحه والتضرع والدعاء ربما تفتقده فيما بعد.

ولاحظ أنه من الممكن الشخص العاصي التائب أقرب إلى الله من الشخص العابد ( بضوابط معينه).

أنا أرى أن تركز على الدعاء والعبادات والتضرع مع التفكير بكيفية رد هذا المال وهذا يتم بالدعاء والإستخاره

ومن ثم سوف يلهمك الله عز وجلّ كيفية رد هذا المال.

وهناك صور كثيره لردها ذكرها الاعضاء الكرام لكنها لاتخلو من مخاطر وإحراج ثم عواقب غير معلومه.

لذلك عليك بالدعاء وعندما يرى الله منك الصدق في هذا سوف يلهمك بلا شك.

وفقك الله ورزقنا الله وإياك التوبه النصوح ورزقنا من فضله