1زرجينه شمال وكله بيهرى

روحت ظبط زوايه من سنه كدا فبتاع الزوايه قالى العربيه عاوزه زرجينه فى العجله الشمال المهم قولتله اشتغل جاب كوربك كدا وحاطه بين الطمبوره والمساعد وفضل بيرفع الكوريك كانه بيفسخ العربيه من بعضها المهم باعديها باسبوعين روحت التوكيل بعمل صيانه قالى المساعد اليمين متنى المهم طنشط وبعديها بكام يوم لقيت المساعد ضرب زيت روحت غيرته فى التوكيل ولسه من كام يوم رايح اظبط زوايه الاقى الراجل بيقولى انتا عاوز زرجينه شمال قولتله لا وسئلت واحد صاحبى معاه سيراتو قالى كل لما اجى اظبط زوايه الاقى بتاع الزوايه محتاج يعمل زرجينه هو موضوع الزرجينه ده اشتغاله ولا ايه مع العلم ان العربيه مفيش فيها اى مشكله فى الاتزان يعنى مش بتحدف ولا بتعوم

ممكن تكون اشتغالة فعلا...والله اعلم....معلومة انقلها لك عن الرزاجين

الزرجينة هيا استعدال وضع العربية علشان توصل للمقاسات المطلوب عليها العربية اللى هيا مقاسات الفبريكة اللى بتكون متعارف عليها كل عربية وبيكون دة واضح على جهاز ظبط الزوايا والزراجين انواع
الاولى زراجين كامبر وهيا زاوية ميل العجلة من الاعلى للداخل او الخارج ودى بتكون من المساعد بمعنى ان لما بتاخد مطب او حادثة اكس المساعد بيتعوج وهنا بناخد الزرجينة بشرط ان لا تزيد زاوية الخروج عن الفبريكة عن 2 سم لان كدة هيكون بعيد عن الشمعدان اما لو زادت عن كدة بيبقى اكيد الحادثة سمعت فى الشمعدان وده اللى يعتبر فية الزرجينة عيب مش ميزة لانك بتعوض عيب الشمعدان فى المساعد وده خطر جدا ولازم هنا يتغير المساعد بالشمعدان مع العلم انه المفروض انى اشوف وصع المساعد اللى هاخد فيه الزرجينة لو المساعد باظ او وخفيف بيفضل التغيير
يبقى شروط الزرجينة هيا
1- وضع المساعد يحب انه يكون جيد
2- مقاسات المساعد لا تخرج اكتر من 2 سم عن الفبريكة
.
من المتعارف عليه ان الزراجين عدوة العفشجى الاولى لانه وقف حال ليه بحجة ان الزرجينة بتعوج المساعد مع ان المساعد اتعوج اصلا فى الخبطة او المطب والزرجينة استعدال لاكس المساعد نفسة
ملحوظة 2سم فى الكامبر من الاعلى اللى بيقراها الجهاز بتكون لا تتعدى 4مم فى المساعد من الوسط بيسمع 2سم من الاعلى نفس فكرة المثلث كل ما عليت كل ما كان الخروج اكبر وازيد من الاعلى

روح ل واحد تاني عشان تاكد علي كلامه.

روح ناسيتا
هما زوايا بس في فرع شبرا عن تجربة بيفهموا
19725
أول جسر البحر من الخلفاوي
الأحد إجازة

كوريك بين الطمبوره والمساعد !!!!!'
وقدام الزبون كمان !!!!!
دا غباء نقي
فيه مسمار رجلاش كامبر في قاعدة الاسترت
وتحت اي ظرف مفيش كوريك يهوب للمساعد

روحت ناسيتا ناس شيراتون وقالى مش محتاجه حاجه

روحت ناسيتا ناس محترمه شيراتون وقالى مش محتاجه حاجه

انا برده معايا كوبيه ٢٠١١ وكل اما اروح اظبط زوايا يقولي زراجين وادفه ١٥٠ جنيه كل مره فازهقت ومابقتش اظبط زوايا خالص غير لما اعمل حاجه في العفشه