ضريبة السيارات المستعملة!

**hazemhany** · 31-10-2015 11:32 AM

حد فاهم موضوع الضريبة ال 30% علي العربيات المستعملة ده ؟

**shake** · 31-10-2015 11:39 AM

مش فاهم وعاوز أفهم

**hossam_elwani** · 31-10-2015 04:22 PM

30% ضريبة مبيعات على بيع السيارات المستعملة في مصر | نايل موتورز | Nile Motors

جد يوضح ياجماعه بمثال ويكون اسقاط على المالك المواطن العادى مش التاجر

**محمد مجدي 22** · 01-11-2015 12:17 AM

طب دلوقتي انا مثلا عندي لانسر كريستالة بعتها مثلا ب 50الف
هدفع 15 الف جنية ضرايب
يعني هتقف عليا ب 35 الف و لا هبيعها ب 65 الف علشان تقف عليا ب 50
ولا مثلا بكتب في العقد مثلا 20 الف يخدو ضرايب 6 الاف و ابيعها مثلا ب 56 الف
ولا اصلا مش هدفع حاجة ولا اية

**طارق _عبد السلام** · 01-11-2015 12:29 AM

تقريبا الموضوع مركز على تجار المستعمل المسجلين عندهم

يعنى تاجر اشترى عربيه ب50 الف باعها ب60 الف هيدفع الضريبه على ال10 الاف المكسب ...والله اعلم.....

**hilal** · 01-11-2015 03:49 AM

شرح الخبر:
في حالة قيام المسجل ببيع سيارات مستعملة وكانت تمثل أصلًا من أصوله تكون القيمة المتخذة أساسًا لحساب الضريبة العامة على المبيعات بواقع 30 بالمئة من قيمة البيع الفعلي،

عندما تقوم منشأة مسجلة لدى مصلحة الضرائب ببيع سيارة مستعملة بقيمة 100 ألف جنيه مثلا ، يتم فرض الضريبة على 30% من قيمة البيع أي تخضع للضريبة 30 ألف بنسبة 30% أي تدفع ضريبة مقدارها 30 ألف × 30% = 9 آلاف جنيه

وفي حالة كون المسجل تاجرًا في السيارات المستعملة شراءً وبيعًا، تكون القيمة المتخذة أساسًا لحساب الضريبة العامة على المبيعات بالنسبة للسيارات المستعملة عند إعادة بيعها في السوق المحلي هى الفرق بين ثمن شراء السيارة المستعملة وثمن بيعها،

وهذا يخص تجار السيارات المستعملة المسجلين لدى مصلحة الضرائب ولديهم دفاتر ومستندات وفواتير منتظمة ، فإن ما يخضع للضريبة هو الربح الناتج فقط (الفرق بين سعر الشراء وسعر البيع)

**A.Rashad Ali** · 03-11-2015 01:06 PM

انا مش فاهم حاجة ممكن حد فاهم يفهمني ؟
انا شاري عربيتي من شركة يعنى الرخصة باسم شركة ولسا ما نقلتش ملكية
الضريبة دي مين اللى هيدفعها و كام ؟ وهتتحسب ازاي ؟

**A.Rashad Ali** · 03-11-2015 01:08 PM

انا مش فاهم حاجة ممكن حد فاهم يفهمني ؟
انا شاري عربيتي من شركة يعنى الرخصة باسم شركة ولسا ما نقلتش ملكية
الضريبة دي مين اللى هيدفعها و كام ؟ وهتتحسب ازاي ؟

**hilal** · 03-11-2015 03:16 PM

المشاركة الأصلية كتبت بواسطة a.rashad ali

انا مش فاهم حاجة ممكن حد فاهم يفهمني ؟
انا شاري عربيتي من شركة يعنى الرخصة باسم شركة ولسا ما نقلتش ملكية
الضريبة دي مين اللى هيدفعها و كام ؟ وهتتحسب ازاي ؟

اطمئن
الشركة البائعة هي التي ستدفع الضريبة في نهاية السنة المالية
والفقرة المذكورة توضح فقط كيفية المعاملة الضريبية لهذا النوع من الاصول بالنسبة للشركة البائعة عند تسوية المستحقات الضريبية للشركة في نهاية السنة المالية