-
ياااااااااه ,,
انت فتحت الموضوع دا من سنة و مشيت من غير ما تقول وصلت لايه
واضح من كلامك المرادى ان مفيش جديد و ان انتوا لسه حتى ما اتقابلتوش
كلمة (( فتاتك )) غريبة شوية و حسب تعريفك للكلمة دى ,, حيكون الرد المناسب
يعنى لو معناها زوجتك ليها اجابة غير اجابة لو معناها خطيبتك غير لو معناها واحدة
اجنبية ناوى تتجوزها غير لو معناها واحدة بتتسلى معاها على النت
موضوعك فيه علامات استفهام كتير تصل لحد الشك ان دا موضوع مفبرك
بس الاكيد ان مش هشغل بالى انى ادور على اجابات ,, Good luck
-
فبركة حوارات معرفش سببها إي بس كترت أوي ف المنتدى ولآبد من وضع حل ليها !!
معلش يعني هي هتحبك على إي !!
يعني واحد متقابلتوش ولآ مرة وبتعرض عليك تتجوزك وهي أصلا زي القمر وهي اللي هتشيل كل التكاليف كمان !!
طب على إي مثلا
الموضوع يتعقل لو هي مش حلوة أو حلوة بس انت اللي هتتحمل التكاليف وف الحالتين برضه مهي تبص على حد من بلدها أفضل !
كلام مش مقنع ميدخلش دماغ طفل صغير
-
يعنى حضرتك ماديا مش مقتدر و مراتك صابرة ومابصيتش لراجل غيرك تروح انت تسيبها و تبص لواحده غيرها عشان الفلوس والسن ... كما تدين تدان
-
بصراحه انا هكتب لكاتب الموضوع كلمتين ناشفين شويه
يا عم قدر نعمه ربنا عليك و شوف حال شباب كتير وصل نص الثلاثينات و مش عارف يعمل بيت و لا اسره
حتي لو ماديا قادر علي فتح بيت بس لحد دلوقت مجاش ليه نصيبه
ربنا كرمك بالزوجه و الابناء يعني ربنا رزقك بالسكن و الاستقرار العائلي و النفسي و الجسدي و برضه بتجري ورا واحده تانيه
يا باشا الي انت فيه نعمه غيرك بيتمناها و ممكن تزول في اي لحظه و ساعتها هتقدر قيمتها
بس الانسان كده مبيقدرش قيمه حاجه الا لما تروح منه
-
معلش يا باشا
بس كام سؤال كده ...
حضرتك اكبر منها ب 13 سنه .. يعني تقريبا 40 سنه ...
ماديا مش متيسر ... وبتقول هي اللي هاتشيل المصاريف كلها ..
حضرتك لا قابلتها ولا حاجه مجرد كلام عالنت وخلاص
ممكن افهم عايزه تتجوز حضرتك علي ايه ؟؟؟
غير انك بتقول انها شغاله في اكبر مستشفي ... مش يمكن مثلا عايزه تجيبك لبلدها وتبقي شغاله في تجاره الاعضاء ... ده مثااااال يعني ...
بعدين ربما كارمك ببيت وزوجه واولاد ... حضرتك معترض علي ايه يعني ؟؟
سؤال اخر واعذرني فيه .. حضرتك هاتبقي مبسوط ومرتاح عادي كده وواحده ست بتصرف عليك ؟ حتي لو مراتك يعني ؟؟؟؟؟
يعني حضرتك هاتتجوز بالمجهود ؟؟؟
ده اذا فرضنا ان الموضوع ده حقيقي
انا اسف مره تانيه ... بس اساله لازم حضرتك تكون فكرت فيها مع نفسك قبل ماتفكر تطرح موضوع زي ده
-
يعنى انت زعلان من الاغتصاب ومش زعلان من العلاقه السابقه
-
يعنى المفروض انك دلوقتى رتبت كل حاجة لكن بتعيد تفكير فى نقطة الأغتصاب اتجوزها ولا متجوزهاش
والله لو خايف على منظرك قدام الناس فمتقلقش محدش أخد بالة لان محدش يعرفها
خاف بس على منظرك قدام ربنا وانت مقضى حياتك فى حب واحدة غير مراتك ام اولادك
وازاى تقبل تفكر فى بنت كانت فى علاقة من غير جواز
وازاى تقبل ان بنت تصرف عليك
وازاى تسيب بيتك علشان تجرى ورا نزواتك
حكم عقلك متحكمش قلبك
-
مش بعيد تكون فعلا بتاجر في اﻻعضاء
وهاتسحبك علي بلدها ﻻمؤاخذه من رقبتك
انت مصري
يعني وﻻ سفاره هاتسال عليك
وﻻ ليك ثمن في الغربه
-
واضح ان العضو كتب الموضوع ومشى خلاص مش جاى
-
أحب أشكر كل الأعضاء المحترمين الذين قامو بالرد على الموضوع سواء باحترام أو بتهكم
ودي اجابتي باختصار على معظم الأسئلة
المقصود بكلمة فتاتي أو فتاتك أي فتاة تحبها وتنوي الزواج منها وليس فتاة تقيم معها علاقة في الحرام والعياذ بالله
أنا مش بختلق حاجة أو موضوع تافه لأني في الأربعين وفيه أحد الأعضاء زعلان أوي وشايف ان شباب في التلاتين ومش لاقيين فأنا مش بتمنظر لأن محدش فيكم يعرفني وخيالي مش واسع ومش مريض نفسيا
اللي شايف كدة يريح نفسه وما يقراش وما يردش
أنا لا أقيم علاقة في الحرام ولاأقبل ذلك والحمد لله
ناس كتير شايفة إن الزواج التاني خيانة وأنا أرى أنه شرع الله ، ولكن أنا لم أقرر الزواج منها بعد
ولكن لكل إنسان أدرى بظروفه وقد تكون هناك أشياء لا تعلموها تجعلني أفكر في الأمر وهذه الأشياء تخصني وحدي
بالنسبة لمسألة العلاقة السابقة لها وهل أقبل بها ، هذا الأمر محير لي وأفكر فيه كثيرا وهو أحد المعوقات بالنسبة لحسم الأمر ، ولكن لم يكن لها علاقات ، هى علاقة واحدة بشخص وانتهت مثل زواج وانتهى والموضوع ده بالنسبة لهم عبارة عن زواج ولكن غير رسمي ، ما الفارق بين شهود واجراءات زواج وتسجيل على ورق ، وبين علاقة الناس كلها تعلمها وتعلم انه زواج ولكن ليس رسمياً ، كل الموضوع اجراءات ، فهذه ثقافة في أوروبا وليس معنى ذلك أنها منحلة ، فكم من بنت او امراءة مسلمة (اللهم احفظ بنات ونساء المسلمين) تقيم علاقات في الخفاء وفي الحرام وقد تكون متزوجة والعياذ بالله وهى تعلم أن ذلك محرم وذنب عظيم ، ولكن لا ضمير ولا أخلاق ، بينما بعض بنات الغرب تقدس العلاقة مع من تحب ولا تخفي عنه شيئاً ولا تقيم علاقات مع آخرين ، فيكون هناك التزام وأمانة ويكفي أنها صارحتني بكل شيء للحكم على بنسبة كبيرة من ناحية الصدق والأمانة (هل ممكن أن تصارحك مطلقة مثلا في مصر وهى تعلم أنك تفكر في الزواج بها أنها تعرضت للاغتصاب ، مستحييل
بالنسبة لموضوع الاغتصاب وزعلان منه ولا لا فده شيء مش بمزاجها ولا تحاسب عليه ، وربنا يحفظ الجميع ، ولكن هل لو تعرضت بنتك أو اختك أو زوجتك لذلك فهل ستلقي باللوم عليها وتتبرأ منها ، هى ضحية وليس لها ذنب.
أنا لم أقل انني اقبل انها تقوم بالصرف علي ، لم أوضح هذه النقطة ، أنا أخبرتها أنني لن أستطيع شراء منزل لها في مصر (لأنها مستعدة لترك حياتها هناك وترك أهلها وبلدها والعيش في مصر والدخول في الاسلام) لأن ليس لدي الامكانيات المادية ، وكان الهدف من ذلك أمران ، اولا لاعرفها أنني لست غنياً قربما كان ذلك هدفها وهو أن توقع بواحد غني ليصرف أو يغدق عليها بالأموال ، فلم أجد منها ذلك ، ولكن بالنسبة للصرف على البيت فهى مسؤوليتي تماما وهى مستعدة للمساعدة (وإن اشترت منزل فسيكون منزلها)
والسبب الآخر أنني املك مدخرات بسيطة ولكني لأن أمسها لأنني أرى انها من حق اولادي وزوجتي الحالية التي أحبها ولن أفعل شيئا دون رضاها أو أتزوج سرا مثلا)
وللحديث بقية
Content Relevant URLs by
vBSEO 3.6.0 PL2