http://www.google.com.eg/url?q=http:...G-oFcBaguKi1YA
طبعا الصورة والفيديوهات عاليوتيوب خير دليل
باختصار شديد .. ايه الضرر الى ممكن يوصل بالعربية بغرقها فالميه الكتيرة دى
من محرك وفتيس و عفشة العربية
سيبك من تبلل صالون وكنب وكراسي العربية بيتنشفو بطرق كتيرة
طيب هل يتم تلف المحرك والفتيس والعفشة
من الميه الى غرقتها .. وﻻ ﻻء ور ايه
نقاش .. ايه آرائكم
المشكله كلها فى بلل الصالون مش فى اى حاجه تانيه
الريحه المعفنه
الريحه المعفنه
الريحه المعفنه
مهما عملت لو كار كير العفريت حتفضل الريحه المعفنه
مسعود باشا.. طيب وتلف المكنة والعفشة والفتيس وكهربا العربية
بتتلف وﻻ بتتنشف
وفعﻻ صالون العربية من 2 كرسي لكنبه وضهر كنبه خلفيه لما بيتبلو
قول عليهم العوض
استبدال جدبد مالتوكيل فورا.. اكن العربية وقعت في ترعه بالظبط
طيب هنا السؤال .. الكبالن بتتلف.. وﻻ ﻻء والتبلوة وكمبيوتر العربية
ومواتير زجاج اﻻبواب
المشكله فى بلل ارضية الصالون بالذات لازم تتفك وارضيه السياره تتنشف من الدخل
كهرباء:
خراب فى كهرباء السيارة خصوصا السيارات اللى بتشتغل على كارتات كمبيوتر....يعنى تلف الكارتات
زميلى فى العمل دخل مغسلة علشان يظبطوله العربية....شوية مياه وصلو لعقربة الفتيس (كارت الكترونى تحت ذراع الفتيس)...العربية حصل فيها مشاكل و غيره فى توكيل فورد ب 3 آلاف جنيه
فراغ بطارية السيارة نتيجة عملية التفريغ خلال المياه الغير عازلة كهربيا
صاج:
لو عربية صاجها مش معالج كويس او عربية قديمة....فدى دفعة و قفزة محترمة الى الامام فى طريق البارومة اللى بتكتر اكتر فى المدن الساحلية من غير امطار و لا حاجة
عفشة:
تسرب المياه خلال المساعدين و الكبالن و بلى العجل و السرر و كل دا هيبقى خشن بعد كدة نتيجة تلف الشحوم و هيحتاج يتغير
ميكانيكا:
و لو اويل سيل لفتيس او موتور ضارب المياه هتدخل برضه و بلية دبرياج الفتيس بالسلامة هى كمان نتيجة تلف الشحم
لازم تتنشف كويس الاولاقتباس:
المشاركة الأصلية كتبت بواسطة nfs rivals
المكنه بتغير فلاتر وزيت وبوجيهات وتدور وان شاء الله بتعدى
العفشه بتعدى خصوصا لو متشحمه كويس
الفتيس العادى اكيد زيته فيه ينزل وتعدى لاكن لو سرب زيته واتملى ميه يتغير
كهربه العربيه اكتر حاجه فيها ضرر
لو عربيه قديمه حتعدى مشط وموبينه
لو عربيه جديده حتعد معاك مبلغ محترم من ابسطها الكرتات لممكن توصل لتغيير الضفيره
اما اصعب الحجات صعبه المعالجه اللى بتعمل ريحه هى الصالون تحديدا العزل والارضيات
الخلاصه ان كل شيء بيتاثر لاكن بدرجه
عن صديق نزل فى ترعه ب127 ومعاناته من الرائحه
مستر احمد ومستر مسعود
جبتوو من اﻻخرررررر
نشوف الاوتوموبيلات الصح ,اللي بتمشي في الميه واصحابها واثقين ومبسوطين كمان.
تحياتي
https://www.youtube.com/watch?v=ngmplpYhuHg
[youtube]https://youtu.be/ngmplpYhuHg[/youtube]
علشان لا متجمعه فى مصر ولا درجه تالته من اللى بتنزل مصراقتباس:
المشاركة الأصلية كتبت بواسطة mecha
فمطابقه للمواصفات ومحدد ليه عمق متسربش فيه ممكن يكون 70سم(الكاوتش والعزل وكل اماكن التسريب محكمه)
سمعت ان الاودى بتفضل 72 ساعه تحت الميه قبل ما تتملى من جوه
مظبوط ، وكمان هايلوكس يابانياقتباس:
المشاركة الأصلية كتبت بواسطة rotanamasoud
يقدر يغطس في الميه والمكنه دايره
بشرط متطولش السنوركل اللي جنب السقف اصلا
منقول :
الأمطار وغرق السيارات
الفتره اللى فاتت دى جاتلى اسئله كتيرمن اصحاب السيارات الغارقه ( كان الله فى عونهم ) عن ايه التصرف الصحيح مع سيارتهم الغارقه فى مياه الأمطار
ناس سألت قبل ما تتصرف ( فبنقدر نلم الخساره قدر المستطاع )
وناس اتصرفت غلط وراحت ل ( صنايعيه لا تفقه شيئ ) و وقعوا فى غلطات كلفتهم آلافات الجنيهات من الخساره
لذلك ولأهمية الموضوع هنتكلم انهارده عن
الخطوات المفروض اتباعها مع السيارات الغارقه
{{{{ طبعا كلامى هيكون من خلال دراستى وخبرتى العمليه و صيانتى بنفسى للسيارات التى تعرضت للغرق وإعادة تشغيلها تانى كالجديده بدون مشاكل بأذن الله }}}}
هنقسم الموضوع لجزئين مهمين
1 ما قبل الغرق
وده هيكون فى حالتين
الحاله الأولى
( وانت جوه العربيه )
وهى دايره وانت سايقها وفجأه لاقيت قدامك بركة ميه او شارع مملوء بالماء
الأصح طبعا انك ترجع
طيب لو مجبر تعدى ؟
1 شغل الأنتظار ونور الشبوره امامى وخلفى ( لو وجد )
2 هتحاول تدخل الميه ببطئ وهدوء جدا عشان سببين مهمين
أ تبرد الأجزاء الساخنه من العفشه والموتور تدريجيا حتى لا تتسبب فى تلفهم بالتبريد السريع
ب عشان مترفعش مستوى الميه اكتر مع السرعه وتغرق الأجزاء الكهربائيه العلويه من الموتورمما يتسبب بتوقف السياره
3 متحاولش تمشى فى نص الطريق ( عشان البلاعات والنقر دايما بتبقى فى النص فى بلدنا العزيز ) امسك شمالك على قد ما تقدر
4 امشى فى الميه بس لحد ارتفاع تحت الباب مباشرة ( اياك تدخل الميه جوه العربيه هتزعل جدا )
5 اول ما الأزمه تخلص ( ارفع العربيه فى اى بنزينه واغسل بطنها جيدا بالماء ثم رش كل مفصلات العفشه بسولار وزيت او ( WD-40 ))
الحاله الثانيه
( وانت خارج العربيه )
قاعد فى بيتك والأمطار غزيره جدا وبدأت تغمر العربيات فى الشارع
هتعمل ايه ؟؟؟
1 تحاول تنقل العربيه لأرض مرتفعه ( فى اى شارع تانى او حتى على الكورنيش او فى اى مكان غير مغمور وارضه مرتفعه )
2 لا يوجد مكان مرتفع وكده كده العربيه هتغرق
{{{{{ هام جدا جدا جدا }}}}}
( شيل البطاريه من العربيه او حتى اضعف الأيمان تفصل كابلات الكهرباء عن البطاريه )
3 مقدرتش تتصرف ولا توصل للعربيه ولا تفصل البطاريه ووقع المحظور والعربيه غرقت بالكامل فى الماء
ملحوظه
(( لو ارتفاع الميه بداخل السياره وصل لتغطية التابلوه فقط فكده هى غرقت بالكامل بالفعل باقى الأرتفاع لحد السقف اصلا لا قيمة له ))
وده اساس موضوعنا انهارده
هتعمل ايه ؟؟؟؟؟؟؟؟؟؟؟؟؟؟؟
هتتبع الخطوات الآتيه
1 هتفصل البطاريه وتخرجها بره العربيه
2 اياك وحذارى تحاول تدورها او حتى تفتح الكونتاك
3 لو العربيه مانيوال هتمورها وتنزل اليد وهتحملها على ونش
4 {{{{{ هام جدا جدا جدا }}}}} لو العربيه اوتوماتيك هتلاقى جنب عصاية الفتيس لتح غطاء صغير خالص اسمه ( release )هترفعه لفوق وتدخل مفك عاده او مفتاح فيه وتحرك دراع الفتيس للوضع N قبل ما تحاول تقطرها او حتى تحملها ( لو عملت غير كده غالبا هتكسر الفتيس وتجيب لنفسك مصيبه جديده
5 هتفكك صالون العربيه بالكامل وتطلعه بره ( كراسى ,دواسات , فيبر عتب وأوايم , فرش ابواب ,تابلوه , عدادات , مفاتيح , لباد ارضيه ,هتفكك الشنطه والفرده الأحتياطى والعده ودرج التابلوه , وهتفتح طبب الأرضيه الكاوتش كمان )
6 {{ هام جدا }} هتغسل العربيه والموتور والفرش والدواسات وكل ملحقات العربيه بالكامل جيدا بماء ومنظف سائل ثم بالماء النظيف ( مياه الأمطار مع تراب الأرض بتكون فيها نسبة املاح عاليه جدا بتاكل كل شيئ فى العربيه وبتسبب عفونه )
7 هتنفض كل ما سبق بهواء بضغط عالى لتسريع التجفيف
هتنشر الفرش والأرضيه والدواسات فى مكان مشمس جيد التهويه بعيدا عن الأمطار ( غالبا بيحتاجوا من 3 ايام لأسبوع للجفاف التام وبخاصه الكراسى )
8 {{{{ اخطر جزء }}}} هتفكك كل فيش ضفيرة العربيه جوه وبره موتور وتابلوه وابواب وحساسات كل الفيش بلا استثناء وهتغسلها بميه مقطره كويس جدا واللى بان عليه اكسده هتنضفه بفرشه ثم تنزفهم بهواء مضغوط ثم تنضفهم بمنظف الكترونيات وليكن ( AKAI او ABRO ) وترنجع تنفضهم بهواء مضغوط وتركبه تانى
9 هتفك العدادات والكاسيت والشاشات وكل الحساسات اللتى غمرت بالماء وبالأخص ( ىحساست ال ABS و حساس الكرنك والكامه ) وتعمل فيها كل ماسبق
10 مكن ومجارى الزجاج والكوالين والمفصلات كلها هتتنضف وتترش جيدا ب ( WD-40 )
11 {{{{ هام جدا جدا }}}} هتفك كومبيوترات السياره ( السيارات الحديثه ليها اكتر من كومبيوتر ) وتطلعها بره وتفك غلافها وتطلع بورداتها بره وتغسلها كويس جدا بماء مقطر من الصيدليه ( بتاع الحقن ) وتنشفها بهواء مضغوط ثم تغسلها جيدا بمنظف الكترونيات بدون زيت ثم تجففها بهواء مضغوط ساخن ( هوت جن او سيشوار ) وترجع تقفلها بالكامل تانى
12 الموتور اللى اهملناه من البدايه
ليه سبت الموتور للآخر ؟؟؟
لأنه وعلى عكس ما يظن البعض هو آخر همى
اهم حاجه عندى هى دواير الكهرباء
اما القطع الميكانيكيه للموتور فلا اخاف منها
الموتور ده ليه ترتيبات خاصه كالآتى
1 هتغير كل الفلاتر بلا استثناء
2 هتغير البوجيهات وسلوكها
3 هتغير الزيت وفلتره
4 هتنضف كل فيشه وحساساته كما اوضحنا سابقا
5 هتنضف البوابه وغرف الحريق بمنظف كربراتير ثم ب WD-40 ثم بهواء مضغوط جيدا وتتأكد من خلو غرف الحريق من اى سوائل قبل اول دواره
6 هتفك الدينامو والمارش ويتعملهم صيانه شامله من تنضيف وتشحيم وتغيير بلى وشاربون
7 هتشيك على بلى شدادات التكييف والموتور وتتاكدمن دوارنهم بنعومه والأصح تغييرهم
8 تغيير سيور العربيه بالكامل ( للأمان فقط )
9 تتأكد من سهولة دوران الكومبريسور
كده الموتور خلص
نرجع لباقى خطوات موضوعنا
13 قبل ما نبدأ فى تقفيل العربيه تانى لازم نعمل الآتى
1 نتأكد ان كل مكونات العربيه جفت بالكامل ( وبخاصه الفرش والكراسى )
2 هتفحص جسم العربيه من الداخل جيدا بحثا عن اى بدايات برومه وتعالجها قبل ما تبدأ فى تقفيل السياره
3 هنتأكد من توصيل كل فيش الضفيره
4 هنوصل كومبيوتر كشف اعطال ونركب البطاريه ونفتح كونتاك فقط ونقرأ هل يوجد اعطال قبل الدواره ونبدأ بعلاجها ومسحها
5 هندور العربيه مع ملاحظة اى اصوات غريبه او روايح
6 غالبا العربيه مش هتدور من اول لقطه ( ده طبيعى ) اصبر عليها وحاول مره وتانيه لحد ما تدور
الحمد لله العربيه دارت بأمان
14 هتكشف على العربيه تانى بجهاز كشف اعطال للتأكد من عدم تسجيل اعطال
15 هتتأكد من سلاسة تشغيل زجاج الأبواب والمقابض والكوالين ووحدات الرفع والسنتر قبل ما تقفل فروشات الأبواب والشنطه
16 كل ما سبق تمام وبخير
هتبدأ تقفل العربيه بعكس الخطوات اللى فكتها بيها
حمدلله على السلامه
طبعا الموضوع طويل ومتعب وشاق
بس ما باليد حيله لأننا كمصريين العربيه بالنسبالنا مش رفاهيه ولا سلعه استهلاكيه لأ دى سلعه معمره
(((( فى اوروبا والدول المتقدمه ))))
بيعدموا العربيات اللى تعرضت للغرق لأنها فى الغالب بتكون غير صالحه وبيسموها ( DAMAGED FLOODED CARS )
وده حصل بالفعل فى مصانع هوندا باليابان بعد التسونامى و( لعربيات زيرو ) زى ما باين فى الصور
مشكلة الموضوع انه محتاج تعمله بنفسك لو عندك وقت وخبره كافيه
او
هتلجأ للصنايعيه اللى غالبا هيزعلوك لو مش عندهم الأمانه الكافيه
او
هتوديها التوكيل وتديله رقبتك معاها ومتخفش هو عنده السكينه التلمه
بكده نكون خلصنا موضوعنا
ارجو ان اكون افدتكم وساهمت بشكل لو بسيط فى مساعدتكم و الوقوف بجانبكم فى محنتكم
يمكن مشاركة البوست ولا يسمح بنسخه او نقله بدون ذكر اسم صاحب البوست والصفحه ...عشاق السيارات مع عصام غنايم
متهيألى أخطر نقطة لو المانفولد دخله مياه و الموتور حاولت تدوره ساعتها هيكبس المياه فى شوط الانضغاط و ووممكن يجب بيل
اسهل حل انا شايفه البوجيهات تتفك خالص و تدور مارش علشان تنطر المياه بره البلوك
عن تجربه متدورش مرش خالص لنطر الميه ، بتحل البوجيهات وتجيب مسدس هوااقتباس:
المشاركة الأصلية كتبت بواسطة م أحمد
او سرنجه لنطر الميه وتلف طمبورة الكرنك واحده واحده، وتعرق زيت في كل اسطوانه
وتقفل وتدور
ايه المشكلة انى ادور مارش ، مكان البواجى هيكون مفتوح ، و بعدين هلف الكرنك ازاى الا لو المكنة برة الحوضاقتباس:
المشاركة الأصلية كتبت بواسطة mecha
الميه مبتطلعش ,والمرش مبيقدرش يلف ,فبدل ما حاجه تنكسر فلازم تفضيها يدوي,تلف الكرنك بانك تحط لقمه ويد علي مسمار الطمبوره .او تلف من العجله في الفتيس العادهاقتباس:
المشاركة الأصلية كتبت بواسطة م أحمد