عفشة البيكانتو

**amr_elrashidy** · 22-11-2008 12:45 PM

الحقيقة انا عربيتى مو 2004..فيها كذا حاجه عاوزة تتعمل قلت اسألكم عليها
1- صوت دربكة فى العفشة قدام من عند العجل(مش مسمعة فى الدركسيون)
لدرجة انى بحس بتفاصيل الاسفلت كلها ولو عليه ذرة تراب ...ممكن تكون ايه؟؟؟
2- لما بطلع بالعربية بسرعة بلاقى رجرجة خفيفة و بعدين العربية تطلع
3- ساعات العربية بتترجرج و تفصل منى لو طلعت و مكنتش دايس سنه خفيفة بنزين و دى خنقانى اوى و مش عارف هل طقم الدبرياج فى مشكلة خصوصا ان فى رجرجة لما بطلع بسرعه مع العلم ان العربية سحبها مش قد كده بس بتوصل عادى لسرعات فوق ال100 بدون ماصوتها يعلى اوى
4- عندى صوت طقطقة فى الجنبين اللى ورا ناحية المساعدين فهل لو المساعدين ضاربين يعملوا صوت طقطقة كده ولا دى حاجه تانية

اتمنى حد يفيدنى ولو حد عنده عفشجى نضيف ياريت يدينى تليفونه او عنوانه و اكون من الشاكرين

**NaderNabil** · 22-11-2008 12:52 PM

غالبا هاتحتاج طقم دبرياج جديد....انا لسه مغيره عندي من اسبوع..و هاعمل موضوع مخصوص عشانه دلوقتي

العفشة لازم واحد متخصص يكشف عليها...لأن ممكن يكون فيه 100 سبب للأصوات دي...فا لازم واحد يعرف يميز مابين الأصوات كيس عشان يعرف العيب منين

الموضوع اللي هاعمله هايبقي فيه كل التفاصيل اللي انت عايزها ان شاء الله...

**amr_elrashidy** · 22-11-2008 01:02 PM

مستنى موضوعك يانادر

**m000dy** · 23-11-2008 05:29 PM

باشا الصوت اللى بتحسه فى العربيه ده ومابيوصلش للدركسيون بيبقى سببه المساعدين
تانى حاجه بالنسبه للرجرجه المفروض ان ده اسطوانه وديسك عاوزين يتغيروا
اما الطقطقه دى فانا اعرف انها يا اما تيل فرامل مفكوك يا اما مقصات بس ماعرفش هل فى مقصات ورا عندك فى الكيا ولا لأ

**amr_elrashidy** · 23-11-2008 07:41 PM

المشاركة الأصلية كتبت بواسطة m000dy

باشا الصوت اللى بتحسه فى العربيه ده ومابيوصلش للدركسيون بيبقى سببه المساعدين
تانى حاجه بالنسبه للرجرجه المفروض ان ده اسطوانه وديسك عاوزين يتغيروا
اما الطقطقه دى فانا اعرف انها يا اما تيل فرامل مفكوك يا اما مقصات بس ماعرفش هل فى مقصات ورا عندك فى الكيا ولا لأ

تسلم على ردك...فعلا فى ناس اكدتلى موضوع المساعدين..و الحقيقة البيكانتو مفهاش مقصات ورا..بس ممكن يكون من المساعدين برضو لانى بحس انها جاية من فوق العجل

**m000dy** · 24-11-2008 07:54 PM

يافندم العفو انا بس حبيت اشارك باللى اعرفه يمكن يفيدك

**abouwesam** · 29-11-2008 04:56 PM

مش البيكانتو بس انا نفس العيب فى عربية سيراتو من ساعة لما استلمتها, و التوكيل قاللى مرة هو دة صوت الكيا و مرة تانية مفيش حاجة و مرة ثالثة الأصوات حاتروح بعد 5000 كم.
اى كلام

**shadyjr100** · 30-11-2008 11:18 PM

الحقيقة أنا جديد فى المنتدى العظيم بتاعكو ده ، وكمان فى عالم السيارات
سؤالى :
أنا لسه شارى بيكانتو 2008 ، من 4 شهور وعملت 5000 كيلو
رحت عملت صيانة ال 5000 فى أبو رواش و العربية استلمتها زى الفل ، كان ليا ملحوظة وهى انها بتتنطط جامد ومش ناعمة ، المهندس قاللى هنكشف على العجل والعفشة الأمامية وفعلا العربية بقت زى الفل. المشكلة اللى مديقانى جدا دلوقتى هو انى دلوقتى على المطبات وأوقات فى الطرق المتعرجه بسمع صوت تزييق فى العربية من ورا فى الناحيتين الخلفيتيين ده حصل فى يوم لما رجعت من التوكيل ( أنا ساكن فى الإسماعيلية 250 كيلو لغاية أبو رواش) .
مش عارف ده ممكن يكون ايه ، غير كده العربية 100 100 فى كل حاجة.
ممكن حد يساعدنى ويقوللى ايه سبب الصوت ده و ممكن أعمل ايه؟
شكرا

my e-mail : shadyjr100@yahoo.com
shadyjr100@windowslive.com

mob. 0122718993

**amr_elrashidy** · 01-12-2008 01:53 PM

نفس صوت التزييق او الطقطقة ده انا بحس بيه من فوق العجلتين الخلفيتين...لكن لحد دلوقت محدش قادر يفيدنى....و الحقيقة العربية دى فعلا بتتنطط كتير فى المطبات او فى الاراضى المعرجة و بتطلع و تنزل و اعتقد ان ده سببه قاعده العجل الشبة مربعه

**amr_elrashidy** · 04-12-2008 09:41 AM

الحمد لله تم تصليح العفشة بعد تغييرها كلها تقريبا ماعدا العلبة..... 4 مساعدين + مقصين +بيض دركسيون+بيض أطراف...و طبعا بقيت راكب عربية تانية خااااااااااااااالص...عفشة ناعمه غير اللى كانت معايا من ساعه ماجبت العربية...طبعا كل ده بعد مادفعت دم قلبى 2000ج الحمد لله

الموضوع: عفشة البيكانتو

LinkBack

أدوات الموضوع

عرض

عفشة البيكانتو - انشر الموضوع فى :

-

-

-

-

-

المواضيع المتشابهه

عايز أغير عفشة للأوبترا ( أنعم عفشة فى العالم )

عفشة البيكانتو

سؤال عن عفشة البيكانتو

سؤال عن عفشة البيكانتو

ازاى نعرف ان العربية محتاجة تظبيط عفشة او تغيير عفشة

الكلمات الدلالية لهذا الموضوع

المفضلات

المفضلات

ضوابط المشاركة