استفسار بخصوص خلاط مطبخ عادى واحوله شجرة

**inceptor** · 03-11-2015 07:33 AM

السلام عليكم انا كنت عاوز اجيب خلاط مطبخ اللى هو راسه بتتشد ديه بس انا لاقيت كله بيتحط ف حلة المطبخ يكون خلاط شجرة اعتقد بس انا عندى المواسير فوق الحوض الللى هى للخلاط العادى

دلوقتى ينفع اخليه شجرة من غير اى تكسير لان مركب السيراميك خلاص ؟
ولا طيب ف خلاط زى اللى عاوزه ده ايده بتتشد بس يكون يركب فوق الحوض؟

**melouk1** · 03-11-2015 01:43 PM

إنزل السلاب

**omar101970** · 03-11-2015 08:30 PM

الخلاط دا بيكون فيه extendable hose او بالعربى سحاب
انا ما شفتش منه اى موديل بيركب فوق الحوض.
حضرتك روح مظلوم او السلاب واتاكد .
لكن لو حاتركب خلاط شجره فى حاله حضرتك ممكن تاخد من مخارج الميه فوق الحوض وعن طريق مواسير خارج الحائط وتنزل بيها تحت الحوض.

**amr011111** · 03-11-2015 09:14 PM

ﻻ عادى جدا موجوده بوفرة خلاطات مطبخ تركب فى الحائط وبيبقى دراعها طويل. مش ﻻزم اللى بيركب فى الحوض

**inceptor** · 04-11-2015 07:46 AM

انا متشكر جدا انا فعلا كل اللى لاقيته خلاطات الشجرة ديه لانها اشيك بكتير مش عارف ديه احطها فوق الحوض ازاى وحوار انى انزلها مواسير تحت وارجع اطلعها اعتقد كدة حتبقى منظرها وحش اووى ، مافيش حل تانى؟ لان ملقتش شبه ده بس يركب فوق الحوض لو حد شافها ياريت يقولى؟

**ام حبيبة** · 04-11-2015 08:47 AM

اللى اعرفه ان اللى ثابتى فى الحائط افضل

**inceptor** · 04-11-2015 09:36 AM

طب ثابت ده ف منه زى اللى ف الصورة

**miam0502788391** · 04-11-2015 06:01 PM

فى خلاط مطبخ عادى من اللى بيركب على الحائط بيكون ميكسر ايد واحدة مش محابس سخن وبارد
انزل ودور وهتلاقى بدل الموديل 10

**amr011111** · 04-11-2015 06:07 PM

لو حيطة المطبخ اللى عندك فى ضهرها منور او سلم ممكن تحل الموضوع ده وتركب خلاط الحوض اللى فى الصوره من غير ما تكسر السيراميك والحل ان السباك يكسر الحيطه من بره ويلف الكوعين بتوع البارد والسخن ويوصلهم بماسورة عموديه على الحائط وبعدين ينزل بالماسورتين لتحت الحوض ويكسر بالشنيور من تحت الحوض دائره اد قطر الماسورة ويبقى كده عملت مدخلين البار والساخن من تحت الحوض ومكسرتش سيراميك والموضوع مش هياخد من السباك ساعتين زمن بالكتير اوى

**inceptor** · 04-11-2015 09:14 PM

شكرا ليكم انا حنزل وادور بس موضوع التكسير او منور ده للاسف فى ظهرها الحمام، حشوف اختيار انه يكون ميكسر بس من فوق وجزاكم الله خيرا
بس عاوز اعرف السلاب ولا مظلوم سعره ارخص؟ وايه رايكم فى ماركة Sarr Design