معروض عليه كليو 2002 و فبريكة جوة و بره و عاملة 40000
العربية تعمل كام؟
عرض للطباعة
معروض عليه كليو 2002 و فبريكة جوة و بره و عاملة 40000
العربية تعمل كام؟
فول ولا هاف اوبشين ؟
1200 شكل جديد ولا 1400 شكل قديم ؟
هى 1200 سى سى
لكن ايه الفرق بين الفول و الهاف اوبشين
كماليات فقط
الفول زياده
زجاج كهرباء امامى +سنتر بريموت +فوج لايت +3مساند رأس خلفيه +ساعه فى منتصف التابلوه +كاسيت اصلى بتحكم فى الطاره واربعه سماعات +فرش اغمق وخامه احسن +جنوط 14 بوصه مع اختلاف شكل الطاسات +شكل العدادات مختلف مع وجود عداد rbm
الهاف اوبشين فيها تكيف وباور ووساده هوائيه للسائق ووعدم امكانيه اداره المحرك الا بالفتاح الاصلى للسياره
كمليات الهاف موجوده برضو فى الفول
العربيه الى معروضه عليك تلعب فى حدود 45 الى 49الف جنيه على حسب المصاريف الى محتاجها (مصارف بسيطه جدا لو مصارف عاليه تنزل عن الرنج الى كاتبه ) وعلى حسب هيه فول اوبشين ولا هاف
عموما الفول بتكون زياده فى حدود 2000 جنيه عن الهاف على فرض ان الاثنين نفس الحاله
شكرا يا باشا على الرد
هى تقريبا هاف اوبشبن و هو عاوز 45 و انا بحاول فى 43 و ربنا يسهل
ممكن اعرف رايك فى كليو خصوصا لو بسافر كتير اوى
هيه العربيه تسافر عادى جدا مفيش مشكله
بالعكس انا شايف انها ممتازه جدا فى السفر
- ثبات كويس جدا لحد 130 - 140 بعد كده العربيه بتخف
- موتور 1200 سعته الحقيقه 1149 سى سى موفر جدا فى البنزين جوه البلد وبره البلد
انا عندى العربيه بتعمل جوه البدل 270 كم فى الصفيحه فى طرق زحمه و اشارات
- العزل كويس لحد كبير جدا سواء عزل العربيه عن الارض وعزل العربيه عن الماتور او عزل العربيه عن العربيات المجاوره .
-شنطه كبيره جدا جدا فوق ما تتخيل سعتها 510 لتر بس للاسف على حساب الكراسى الخلفيه بتكون ضيقه شويه لو انت طويل وبترجع الكرسى على لاخر لو انت زى حلاتى مش طويل اوى الموضوع ده مش هيكون مشكله ان شاء الله
-صوت الماتور بيعلى بعد 120 كم بس بكون مش مزعج وده كويس جدا على سعه العربيه من الاخر لما ربنا يكرمك وتجبها مش هتحس انك راكب عربيه 1149 سى سى نهائى لان العربيه سحبها وصوت متورها جميل جدا فوق ما تتخيل
اهم حاجه الصيانه للعربيه فى مواعيدها فى التوكيل او عند اى حد بيفهم بره التوكيل
انا عارف انى طلعت العربيه السماء :) بس والله ده وجه نظرى الحقيقه للعربيه لانى امتكلت فى نفس الوقت كليو والانوس ولقيت حاجات كتير فى الكليو مش موجوده فى الانوس
بحد ميرسى اوى اوى على الرد الوافى من انسان ذو خبرة و معرفة كويسة جدا
طب ممكن حضرتك تقولى لما اجى اشتريها اعمل ايه و اكشف على ايه
الحاجات الى انت هتعملها بتفسك او اى لو معاك اى حد بيفهم فى العربيات
اولا بص على الاساسيات
صاج دواخل وخوارج لو العربيه مش رشه بره
اسمع صوت الماتور شوفه طبيعى ولا لأ وبص على الشكمان وراء شوف فيه دخنه فى لأ وقيس الزيت شوفه ناقص ولا لأ
اطلع بالعربيه شوف الفتيس ناعم ولا لأ شوفه طبيعى ولا بنتر فى الغيارات معاه شوف لو العربيه محتاجه طقم دبرياح
العفشه شوف لو فى اصوات غريبه فى العفشه وامشى بالعربيه على طرق مكسره لان العفشه لو فيها عيوب بتظهر اوى مع الطرق المكسره شوف برضو مدى امتصاص المساعدبن للمطبات واسمع صوت البلى بتاع العجل علشان لو خشن
ثانيا بص على ميكانيكا العربيه والكهرباء
شوف كده العربهه بتاخر فى الدواره اوالشكمان مخروم او اى حاجه تحس انها غير طبيعيه فى العربيه
ثالثا بص على الكماليات شغاله ولا لأ
اولا التكيف شوفه شغال والزجاج الكهرباء واهم حاجه تبص على لمبه الير باج فى التابلوه علشان ممكن تكون العربيه عامله حادثه والاير باج مش شغال والراجل غير طاره والسلام او لحمها
رايعا :شوف مدى نظافه العربيه من بره ومن جوه
شوف العربيه هتحتاج شغل سمكره بره اوالزجاج مشروخ
الطاره هل هى متأكله ومدى نظافه الصالون ولو فيه حاجه مكسوه زى اكره باب او اكره زجاج
خامسا :اسأل الراجل هوه كان بيعمل الصيانه فين
بعد كده لو العربيه مجمل انت شايف انها كويسه خدها اكشف عليها فى التوكيل سواء العبور او المقطم ويناء الى الريبوت الى هيطلع احسم قرارك فى الشراء