اتعامل ازاي مع الفتيس ال dsg جيتا 2012

**houba85** · 03-11-2015 11:38 AM

السلام عليكم ياشباب

انا جديدة في منتدى فولكس وعلى سيارات فولكس نفسها .. فاستحملوني واستحملوا اسئلتي الرخمة

انا طول عمري بسوق مانيوال او اوتوماتيك عادي خالص بقالي 15 سنة .. واول مرة اتحط في اختبار مع عربية جيتا فتيسها dsg اللي ليه طريقة سواقة وتعامل معاه مختلفة عن اي حاجة انا ركبتها قبل كدة

اللي اعرفه ان الفتيس دة مش فتيس اوتوماتيك من المتعارف عليه .. هو فتيس مانيوال فلما اتعامل مع نقلاته حيبقى التعامل مختلف .. السؤال هنا حيبقى مختلف ازاي ؟؟

يعني اطلع على D وافضل دايسة بنزين والعربية تنقل لوحدها ولا مثلا اشيل رجلي من الدواسة سنة صغيرة وادوس تاني عشان تاني نقلة ؟؟

والنقلات التانية الي في الفتيس زي S وال + و - دي برضه اتعامل معاها ازاي مع دواسة البنزين ؟؟

عدم معرفتي الصح بطريقة التعامل مع الفتيس دة مخلياني اخاف في كل مرة امشي بالعربية احسن الفتيس يسخن مني او يضرب كونترول

فافيدوني افادكم الله .. شكرا ليكم

**melouk1** · 03-11-2015 01:23 PM

هو الطبيعي إنه بيتساق بصورة عادية جدااً
لكن اللي مش طبيعي إنه بيبوظ
و كل الي هنا في المنتدى بنسبة ٨٠ ٪‏ باعو عربياتهم ال dsg

**houba85** · 03-11-2015 01:36 PM

المشاركة الأصلية كتبت بواسطة melouk1

هو الطبيعي إنه بيتساق بصورة عادية جدااً
لكن اللي مش طبيعي إنه بيبوظ
و كل الي هنا في المنتدى بنسبة ٨٠ ٪‏ باعو عربياتهم ال dsg

فعلا ؟؟ :/

من قرايتي عن الفتيس وتصميمه وفكرة عمله انه فتيس هايل ومالوش حل

طب ايه ؟؟

**ahmedsrs** · 03-11-2015 01:47 PM

اتعامل عادى معاه ذى الاوتوماتك بس هو عموما الزحمة والوقوف المتكرر بتخليه يتوفى بدرى وهو فى شبابه

**El- GaZZar** · 03-11-2015 02:50 PM

اهم حاجة يا باشا كل لما تقف تمور العربية يعنى مثلا انت ف اشارة او الطريق زحمة والفتيس ع D اول ما تقف تخليه ع N يمشى الطريق رجعه ع D وهكذا واصلا الموضوع دا المفروض يتعمل ف العربيات الاوتوماتيك كلها مش بس الفتيس dsg

**houba85** · 03-11-2015 03:34 PM

انا فعلا بجيب n في الزحمة والاشارات .. انا كنت فاكرة ان التعامل مع الفتيس حيبقى معقد شوية .. بس طلع سهل زي الاوتو العادي .. شكرا ليكوا جميعا على الافادة

**kbarema** · 14-12-2015 01:12 PM

سيارة جيتا 2010 dsg هاي لاين خليجي

هو ينفع اركب الفتيس القديم 2009 بدلا من الفتيس الجديد دي اس جي
وايه التكلفه
طب احولها منوال ولا ايه للتخلص من مشاكله
العربيه عامله 60 الف ك وعطلت فجاه مش راضيه تدور

**ahmedyehia515** · 18-12-2015 09:21 AM

أنا ماشي بال-DSG بقالي 5 سنين و الحمدلله لسة ذي الفل... السر انك تكون فاهم هو شغال ازاي ، تركز مع الرقم إلي قدامك ، يعني مش بس بنزين و فرامل.

على الطرق المفتوحة الدنيا حلوة ، مفيش أي فرق عن الأوتوماتيك العادي.

في الزحمة أنا شخصياً بخليه منوال و لو هامشي حاجة بسيطة و حاقف تاني بسيبه على الأول عشان متفضلش العربية تنقل بين الأول و التاني و يحصل ذي اللي بيحصل عادة في الDSG

http://www.nilemotors.net/Nile/481270-dsg-50-6-a.html

http://www.nilemotors.net/Nile/229591-dsg-6-a.html