مشكلة مع بنك nbd حد ينصحنى

**tota.m** · 03-11-2015 12:57 PM

انا معايا كريدت كارد من ال cib وقمة الاحترام وزى اى بنك مبينزلش عليك اى مصاريف غير بعد متعمل تفعيل للكريدات الائتمانى

المهم جالنا الشركة واحد من ال nbd وقعد برغى فى المميزات . قلت مش مشكلة نطلع كريدت ومضيت على الابلكيشن واديتة الورق بعدها باسبوعين اتصل يقلى ورقك خلص وهتستلم ونزل على الفيزا مبلغ 150 تقريبا

قولتلو بتوع اية قلى الاصدار .. قولتلة مفيش مشكلة بس المبلغ دا نزل ازاى المفروض بينزل بعد تفعيل الفيزا قلى لا عندنا بينزل بمجرد ما اخد اورقك واصدرك البطاقة قولتلة لا شكرا كدا نصب انا اتعملت مع اكتر من بنك ومفيش ولا بنك بينزل فلوس قبل ميتعمل تفعيل ازاى كارت غير مفعل ينزل فلوس علية . الفلوس دى بتنزل بعد التفعيل راح معلى صوتة وقل ادبة ويقلى امال طلبتة لية من الاول روحت قافل الموبايل فى وشة

الحرامية متصلين بيا النهردة يقلولى اختار باسورد للكارت علشان نفعلة قولتلهم دنا من شهر مكلم خدمة العملاء وقيلهم يلغو الخدمة

يقلى مينفعش انتا عليك فلوس . اعمل فى الى جابوهم اية دول

**hobiko** · 03-11-2015 01:11 PM

نصيحة اخوية عن تجربة ......... روح البنك و حاول تخلص المشكلة و تقفل الحساب ده خالص

لان واضح ان ده من البنوك اللى بينزل عليك فلوس من غير ما تحس ...... و لو كبرت دماغك ....... بيبعت i-score و يعملك مشكلة فى البنك المركزى ........ و لما ييجى بنك تانى يكشف على التاريخ او الأداء الأئتمانى بتاعك .... يلاقى ان انت واخد فلوس من البنك و ماسددتهاش

على فكرة مش البنك ده بس اللى بيعمل كده .......... كمان barclays اسوأ منه ماشوفتش

**zico707** · 03-11-2015 01:26 PM

العربي الافريقي محترمين برضه ،،، ابعد عن البنوك المجهولة سيتي بنك زمان برضه كان كدة بس اتقفل الحمد لله

**Elawany13** · 03-11-2015 02:03 PM

البنوك بقت بتستهبل على الآخر

**3abdo.it** · 03-11-2015 04:14 PM

المشاركة الأصلية كتبت بواسطة hobiko

نصيحة اخوية عن تجربة ......... روح البنك و حاول تخلص المشكلة و تقفل الحساب ده خالص

لان واضح ان ده من البنوك اللى بينزل عليك فلوس من غير ما تحس ...... و لو كبرت دماغك ....... بيبعت i-score و يعملك مشكلة فى البنك المركزى ........ و لما ييجى بنك تانى يكشف على التاريخ او الأداء الأئتمانى بتاعك .... يلاقى ان انت واخد فلوس من البنك و ماسددتهاش

على فكرة مش البنك ده بس اللى بيعمل كده .......... كمان barclays اسوأ منه ماشوفتش

الحمد لله روحت للعالم الزبالة دى وفضلو لطعنى ساعة ونص علشان يخلصولىى الاجراءت والالغاء

**Secret-Man** · 03-11-2015 07:29 PM

اى واحد سيلز بيلف على الشركات علشان يعمل للموظفين كريدت كارد ده اعرف انه نصاب جاى يدبسك بشياكه
وبعد كده قله الادب تشتغل ويحولوك شئون قانونيه وقله ادب وكذا مره اشتم واحد فى بنك واهزؤا بسبب طريقتهم برضه

خلى بالك والكريديت كارد ده اسوا حاجه تتغر فيها وكلها مشاكل وفيها شبهه حرمانيه كمان

**msobhy** · 04-11-2015 12:41 PM

Qnb بكل ما تعنيه الكلمه من معنى - نصابين
بالاضافه انهم هايطلعوا عينك علشان يقفلوا لك الحساب
الطريقه الوحيده انك تقول لهم انك مهاجر بره مصر خلاص - ساعتها هايبدؤا يمشوا لك الدنيا شويه
بالمناسبه السعيده
احد حركات البنك الظريف ده انه كل شهر أو شهرين يخصم منك مبلغ ما بين 30 - 100 جنيه ولو أخدت بالك واشتكيت يرجعوهم بعد شهر ويقولوا لك احنا اسفين المصاريف نزلت لك مرتين او ان احنا اتلخبطنا وافتكرنا انك كنت مقدم على خدمة غسيل ومكواه لكن معلش والفلوس هاترجعلك فى اقل من 30 يوم

بنك اومليت