اخر الاختراعات

**ahmed1981** · 31-07-2007 01:46 PM

المشاركة الأصلية كتبت بواسطة 911 turbo

بس مش شايف ان حيكون فى اختلال فى الاوزان يعنى عربية مثلا 5 طن مثلا مستحييييييييل يشدها موتوسيكل كدا لو حتى قوته 300 حصان والله اعلم حيقعد العجل يلف على الارض و خلاص انت فهمتنى انا مش عارف اوضح

هو طبعا مش هيشد عربية وزنها 5 طن
ممكن سيارات الركوب الخاصة التي يكون وزنها في حدود من 1000 إلى 1500 كيلوجرام
وفي الحالة دي هيكون جرها سهل جداً لو الموتسيكل قوته معقولة

**جندى مجند** · 31-07-2007 02:41 PM

يا تيربو حتى لو العربية وزنها 5 أطنان (يعنى أتوبيس أو تريللة) فهى برضة بتتحرك على عجل بيسهل حركتها غير لو بتجر كتلة صخرية على الأرض ... و بعدين كلنا أكيد شوفنا فى التليفزيون قبل كدة الناس ذوى العضلات الضخمة دول اللى ممكن يجر أتوبيس كبير بحبل بدون مساعدة من شخص آخر فاذا تخيلنا ان الشخص الضخم دة قوته تعادل 2 أو حتى 3 حصان فما بالك بموتوسيكل قوة محركه أكتر بكتير؟ يعنى أقصد الفكرة هندسياً قابلة للتنفيذ بسهولة شديدة مع ملاحظة طبعاً ان الموتوسيكل لازم يتحرك حركة بطئية عشان يوفر القدرة الكافية لجر السيارة عشان من قوانين الديناميكا القدرة (power(=حاصل ضرب القوة فى السرعة فلنفس القوة (قوة المحرك الذى يقوم بالجر) لا بد من تقليل السرعة عشان القوة (المتمثلة فى قوى الاحتكاك المطلوب التغلب عليها لدفع السيارة) تزيد

**Nader** · 31-07-2007 03:38 PM

5 طن ازاي يا جماعة، الموتسيكل هيجر 5 طن، ولو مطلع كمان العربية تخدة معاها وهي راجعة!!

**PAYOO** · 02-08-2007 10:38 PM

طبعا يا جماعه الموضوع فيه أكثر من نقطه
وأنا شايف الناس ماشاء الله بتتناقش في كل التفاصيل وهانسيب حكاية الوزن والمطلع والملفات لمهندسي الميكانيكا والحركه عشان يفيدونا في الموضوع

لكن أنا لفت نظري حاجه مهم في الموضوع وهو أن الموضوع بينسب الأختراع أو الأبتكار ده للصينيين وانا على حد علمي إن الصينيين بيقلدوا وبس ومعرفش عنهم أنهم بيخترعوا
يعني يقلدو ماشي يضيفو ويغيرو في فكرة برضه كويس لكن يخترعو متهايقللي أنهم لسه مش قد كده لأنهم أصلا مانجحوش في التقليد يبقى لسه شويه على الأختراعات