اجيب امونيا منين ..مسال النشادر

**mrvolt** · 04-11-2015 11:35 AM

اجيب امونيا منين ..مسال النشادر؟؟

سالت عطار وكذا صيدلية

**amr011111** · 04-11-2015 06:26 PM

اعتقد تسال فى منطقة باب الشعريه فيه هناك سوق فيه كل الحاجات ديه. بس معرفش الامونيا هناك وﻻ ﻻء

**ahmedwagdy03** · 05-11-2015 08:47 AM

من أى دورة مياة عمومية بهزر طبعا

عليك و على المناطق الصناعية زى العاشر و العبور أو برج العرب زى عندنا فى الأسكندرية ممكن تلاقى مصانع بتعمل الحاجات دى أو تسأل فى شركة مصر للكيماويات .لو ملقتش فى الحتت دى أكيد حتلاقى اللى يقولك تجيب قطاعي منين

**lena jo** · 05-11-2015 08:00 PM

حضرتك تقصد الامونيا NH3 . دا سائل مش بودرة و موجودة في شركة الجمهورية للأدوية. و لو تقصد البودرة يبقي ال NH4Cl او الامونيوم كلوريد . و معظم الكيماويات المعملية موجودة في شركة الجمهورية و لها فروع كتير. المركز الرئيسي في 23 شارع السواح - الاميرية ت 26014533، بجانب شركات الادوية، النيل، ممفيس ، نوفارتس. الساعة 8:30 صباحا الي 2:30 مساءا،فيه كيماويات و مستلزمات عيادات و معامل و اجهزة طبية...الخ .و يوجد فرع في وسط البلد ، ش محمود بسيوني ت 25743378 ، و ش باب اللوق ت 27947577 و لكن مش عارفه مستلزمات و كيماويات و لا مستلزمات فقط..ممكن حضرتك تتصل باي رقم فيهم و تعرف ، كمان اسأل لو فيه فروع اخري.

**Mecha** · 06-11-2015 02:58 AM

لكن مش غاز الامونيا بيسبب اختناق او تسمم( مش متاكد)
اكيد في محاذير علي صرفه للافراد ؟؟؟

**lena jo** · 06-11-2015 05:58 PM

الامونيا NH3 غاز فعلا لكن المعروف في السوق و الذي يباع كسائل هي الامونيا ذائبة في الماء و هي NH4OH او الAmmonium hydroxide . بس حضرتك هتستعمله ازاي ؟ لان الغاز يستعمل اعتقد في المصانع للثلاجات غير السائل و كمان لا اعرف كيف و اين يباع لانه حاجة تانية و لا يعتبر طبعا من الكيماويات زي سائل الامونيا فده موضوع تاني خالص. لكن ايضا محلول الامونيا نفاذ الرائحة و irritant او مهيجة للاغشية للعين و الجهاز التنفسي.