تغيير طقم الدبرياج للبيكانتو...و تََجرُبة جديدة!

نوع السيارة: كيا بيكانتو
موديل :2005
عداد كيلومتر: 52000كم

المشكلة: ثقل رهيب بدواسة الدبرياج....الدواسة بقت أشبة بدواسة الفرامل...مع الفارق انك لازم تدوس للأخر عشان الدبرياج يفصل و تعرف تنقل...لكن الفرامل انت بتلمسها عشان العربية تقف!
أول ما جبت العربية ماكنش ظاهر قوي الموضوع ده...بس بدأ يشد يشد لحد ما بطن رجلي الشمال مبقاش ينفع أمشي عليه طبيعي زي الناس من كتر الألم...و لحد دلوقتي مازلت موجوع !!!

أكتر حاجة خلتني أُسرع في قرار التغيير هو ان واحد صاحبي جاب بيكانتو زيرو..أو ما جربتها و جربت الدبرياج...كنت مستعد أجيب شوية بنزين و أدلوقهم علي الدواسة عندي و أولع فيها...بس إكتشف ان كده هاولع في العربية كلها:devil:

توكيل ولا بره؟

اما كنت في التوكيل أخر مره...سألت علي تكلفة تغيير الطقم...طبعا نزل علي الخبر كالصاعقة....1200 جنيه...بدون ضريبة...يعني حوالي 1300...شامل المصنعيات و قطع الغيار و الضريبة....

طلعت نمرة محل الجندي بتاع قطع الغيار اللي في شارع دمشق و كلمته...عندك طقم دبرياج بيكانتو؟
موجود يا باشا...بكام يا عم ؟؟
350 جنيه!!! كوري بس مش أصلي...و السللك ب 40 جنيه

طبعا سعر زي الفل...و دي أكتر حاجة خلتني أقول ملعون أبو التوكيل:gun_bandana:

روحت علي المحل يوم الجمعة اللي فاتت باليل و قلتله عايزهم ...جاهملي لاقيتهم ماركة Valeo...بس بشراكة مع شركة تانية كوري اسمها PHC....و دي متخصصة في القطع الغيار الكوري...
و دي صور الحاجات:

الإسطوانة:
http://photos-f.ak.fbcdn.net/photos-...647613_448.jpg

http://photos-h.ak.fbcdn.net/photos-...47615_1087.jpg

http://photos-a.ak.fbcdn.net/photos-...47616_1420.jpg

الديسك:

http://photos-b.ak.fbcdn.net/photos-...47617_1747.jpg

http://photos-c.ak.fbcdn.net/photos-...47618_2071.jpg

البلية:

http://photos-e.ak.fbcdn.net/photos-...47620_2744.jpg


http://photos-d.ak.fbcdn.net/photos-...47619_2408.jpg

الكابل:

http://photos-f.ak.fbcdn.net/photos-...47621_3071.jpg


يجي بقي السؤال الأهم من ده كله....هاتغير الحاجات دي فيييين يا نادر؟؟؟؟؟؟؟؟

أو حاجة عملتها سألت الراجل اللي قاعد في الجندي...قام قالي في ورشة احنا بنتعامل معاها و أي شغل في الكيا أو الكوري بنبعته على هناك علطول...

الورشة اسمها : مركز الأصدقاء
المكان: خلف قصر القبة....34 شارع عبد الرحمن نصر- الزيتون
كيفية الذهاب: هاتنزل من كوبري القبة...تاخد يمين...و تمشي في الشارع اللي بين سور القصر و سور المترو...لحد أخره...و تاخد يمين في يمين بعد شارع ترعة الجبل....هتلاقي شارع طويييييل و نظييف(لسه متسفلت)...الورشة بقي في أخر الشارع ده علي اليمين

التليفونات:
0100209293
22843866

(يفضل الحجز قبل الذهاب)

وصلت السبت صباحا الساعة 11:30 كده...بعد ما توهت توهان محترم...أول ما وصلت قابلت الأسطي ياسر...و قلتله تعالي جرب العربية قبل مانشتغل فيها عشان فيها صوت في العفشة...أخدها جربها و قالي مافيش حاجة...الصوت ده بتاع المساعدين و طبيعي عشان العربية ماشية كتير...ابقي اعمل حسابك تغيرهم كمان 20000--30000كيلو كده...قلتله ماشي...

رجعنا علي الورشة...و قالي استني بس نخلص العريتين البرايد دول و تخش مكان واحدة منهم...استنيت و شربت الشاي و أكلت المولتو...و قاعد بتفرج...

هما 3 أصدقاء...و فعلا ما شاء الله عليهم..أصدقاء بجد...ماتحسش انهم صنايعية..لأ...زي ميكونوا اخوات مفيش واحد فيهم رخم ولا بيصتنصح

بأمانة بدون مبالغة انا مش مصدق السرعة اللي هما فيها دي...عفشة عربية برايد كاملة اتفكت واتغيرت قدامي في نص ساعة...و الرايد التانية...صيانة كاملة للموتور اتعملت في ساعة (سيور-تاكيهات-فلاتر-ظبط كاربراتير-تغيير زيت-بوجيهات)...

عندهم معدات حديثة...مثلا العفشة بتتفك بالدريل (حاجة زي الشنيور بس قوته أعلي)...موجود عندهم كومبريسور ضغط هواء و جاز و زيت...الخ الخ...يعني ماتحسش انك في ورشة عادية

ده أسطي ياسر اللي بيتكلم في التليفون:):
http://photos-g.ak.fbcdn.net/photos-...47622_3406.jpg

http://photos-h.ak.fbcdn.net/photos-...47623_3741.jpg


جه دور عربيتي...و بدأنا فيها شغل الساعة 1:30...

العربية طلعت صعبة جدا جدا...موضوع الحوض الصغير ده طلع مشكلة فعلا...بس مافيش حاجة بتصعب علي الصنايعية...في ظرف ساعة زمن كان فاكك كل حاجة في وش الموتور عشان يعرف يوصل للمسامير بتاعة الفتيس...:
http://photos-g.ak.fbcdn.net/photos-...47654_4219.jpg

http://photos-a.ak.fbcdn.net/photos-...47624_4081.jpg

http://photos-b.ak.fbcdn.net/photos-...47625_4422.jpg


نزل زيت الفتيس كله...و هايتغير بجديد طبعا...و بعده خرج المغلوب علي أمره الفتيس....
إتشال الإسطوانة و الديسك القدام و ركب مكانهم الجديد... و البلية نفس الكلام...بس الأول فك الأكس بتاعها و نظفة و صنفره كيس لأنه كان خشن و مش نضيف...و اتركب تاني بعد التشحيم طبعا...

حاجة بسطتني...كنت بابص علي البلية الأصلية القديمة...لاقيت مكتوب عليها PHC...اللي هي نفس اللي مكتوبة علي الجديد

مرحلة التركيب ما أخدتش ساعة زمن...و كانت العربية زي ما كانت بالظبط....الشغل خلص الساعة 4:30...يعني 3 ساعات شغل فقط!!!
أعتقد مافيش أسرع من كده...

جربت العربية ...طبعا اختلاف شاسع...من كتر ما هو ناعم العربية بطلت من كذا مره..كأني لسه بتعلم سواقة:smartass:

وقت الحساب:

أامرني يا باشا...حسابك كام؟
120 جنيه مصنعية
40 جنيه زيت فتيس

طلعت الفلوس و اديتهالوا من غير أي نقاش...كفاية الشغل النضيف و صعوبة العربية...و أصلا انا كنت متوقع انها تكسر حاجز ال 200

يبقي كده مجموع ما صرف:

350 طقم الدبرياج
40 سلك
40 زيت فتيس
120 مصنعية
--------------------
550 المجموع

حد قارن بين السعر ده و سعر التوكيل؟
فرق أكتر من النص يا عالم....حرام ولا حلال ده؟؟؟؟!

من الأن...........................لا توكيل بعد اليوم

صيانة ال60000 قربت عندي...و هاعملها عندهم ان شاء الله
---------------------------------------------------

أي استفسار انا تحت امركم:)

الف مبروك على الشغل الجامد
و ربنا يباركلك

بس يا ريت العنوان بالتفصيل

مبروك عليك طقم الدبرياج...انتى بسطتنى بجد لانى كنت خايف جدا من السعر و كويس انك عرفتنى عنونا الناس دى لانى كنت خايف من انى اروح لاى حد ميفهمش فى الكيا لانى كنت عارف موضوع الحوض الصغير ده و قد ايه مقرف

كويس إنك معملتش الشغل دة فى التوكيل
التوكيل فعلا أسعاره مبالغ فيها جدا سواء صيانة أو قطع غيار .
وبعدين تديهم العربية ومتعرفش بعد كدة هم بيعملوا فيها إيه بالظبط لأنك مبتكونش شايفها .
أما فى الورشة اللى أنت روحتها فالشغل قدام عينيك وكفاية إن شغلهم نضيف لأن اللى ذى دول بيخافوا على سمعة المركز بتاعهم .

مبروك عليك طقم الدبرياج
معرفش ليه بحس ان العربيه البيكانتو عربيه متكامله فى حاجات كتير
توكيل - سعر اعاده بيع -صيانه رخص قطع غيار -تقفيل كورى محترم -اداء عالى
ربنا يباركلك فيها

بس انا شايف ان 1200 جنيه طقم دبرياج فى التوكيل مصنعيه وتركيب وضريبه مش كتير سعره فى حدود المعقول ده فيه عربيات بتعدى ال 2000

مبروك يا نادر

ألف مبروك يا نادر
أكثر حاجة بتعجبني في مواضيعك ( الصور ) :k50:


http://www.cheesebuerger.de/images/smilie/set/070.gif http://www.cheesebuerger.de/images/smilie/set/020.gif http://www.cheesebuerger.de/images/smilie/set/019.gif http://www.cheesebuerger.de/images/smilie/set/016.gif http://www.cheesebuerger.de/images/smilie/set/021.gif http://www.cheesebuerger.de/images/smilie/set/016.gif http://www.cheesebuerger.de/images/smilie/set/014.gif http://www.cheesebuerger.de/images/smilie/set/006.gif http://www.cheesebuerger.de/images/smilie/set/013.gif http://www.cheesebuerger.de/images/smilie/set/010.gif http://www.cheesebuerger.de/images/smilie/set/015.gif http://www.cheesebuerger.de/images/smilie/set/001.gif

بجد يا نادر مواضيعك اكتر من هايلة و بتدى الناس خبرة كبيرة اوى :biggrin24:

ربنا يخليك للشعب

و الف مبروك على طقم الدبرياج الجديد ، و انا عرفت كان ايه احساسك لما جربت البيكانتو الزيرو ، نفس احساسى من كام يوم لما نزلت اركن عربية ماما الفيرنا ، كنت عايزة اولع فيها :unibrow:

مبروك طقم الدبرياج الجديد :smartass:

وسلامة رجليك من الدبرياج القديم :helpsmilie:

كعادتك دائما تقرير مميز :coffee2:

ورأى ان الورش النظيفة احسن من التوكيل بكتير (الشغل امام عينك - التكلفة المناسبة - سرعة وانجاز )

مبروك مرة تانية وعقبال صيانة الـ60000 :sifone:

بس لى كام سؤال

حالة الاسطوانة القديمة ايه ؟
التقل مش يمكن يكون من السلك بس ليه ؟! ليه حكمت ان الدبرياج كله به مشكلة (فيه حاجة تانية غير تقل الدواسة ولا العربية مابتسحبش مثلا)

موضوع جااااااااااااامد و تغطية تحفة...و أنا بقراه حسيت كأني حضرت كل مرحلة بالظبط !! :)

اقتباس:

---

المشاركة الأصلية كتبت بواسطة ahmed_su

بس لى كام سؤال

حالة الاسطوانة القديمة ايه ؟
التقل مش يمكن يكون من السلك بس ليه ؟! ليه حكمت ان الدبرياج كله به مشكلة (فيه حاجة تانية غير تقل الدواسة ولا العربية مابتسحبش مثلا)

---

أحمد باشا....نورت الموضوع :)

حالة الإسطوانة القديمة.........معرفش:)....عشان مش باين عليها حاجة غريبة... و الديسك كان متاكل شوية

السللك فعلا أما خرجناه كان مش ماشي ناعم في مجراه...بس عمره ما يكون ده السبب:)....

الل خلاني أحكم انه مش سللك بس...اني جربت قبل كده تقل الدواسة بسبب السلك...و فرق شاسع بين الحالتين....

و برده التقل كان في منطقة النقل فقط...بمعني ان الدواسة تبقي عادية...لكن عند النقطة اللي بيتم فيها فصل الحركة....تتحول الدواسة الي فرامل بقدرة قادر!! و زود علي كده ان نقطة الفصل أصبحت منخفضة للغاية...فكان لازم عليك تدوس لأخر الدواسة عشان تلقط

و اللي أكدلي اكتر و أكتر هو التوكيل....لأني اشتكيت من الثقل ده من حوالي 4 ألاف كيلو....و قالي الطقم لازم يتغير...و إلا الدواسة هاتحجر و هاتتعبك قوي...و فعلا حصل

عموما مافيش فرق يذكر بين قبل تركيب الطقم و بعده سوي خفة الدواسة...لكن السحب و كده متغييرش خالص...

نورت المحكمة يا نادر باشا اشكرك

اقتباس:

---

المشاركة الأصلية كتبت بواسطة NaderNabil

أحمد باشا....نورت الموضوع :)

حالة الإسطوانة القديمة.........معرفش:)....عشان مش باين عليها حاجة غريبة... و الديسك كان متاكل شوية

السللك فعلا أما خرجناه كان مش ماشي ناعم في مجراه...بس عمره ما يكون ده السبب:)....

الل خلاني أحكم انه مش سللك بس...اني جربت قبل كده تقل الدواسة بسبب السلك...و فرق شاسع بين الحالتين....

و برده التقل كان في منطقة النقل فقط...بمعني ان الدواسة تبقي عادية...لكن عند النقطة اللي بيتم فيها فصل الحركة....تتحول الدواسة الي فرامل بقدرة قادر!! و زود علي كده ان نقطة الفصل أصبحت منخفضة للغاية...فكان لازم عليك تدوس لأخر الدواسة عشان تلقط

و اللي أكدلي اكتر و أكتر هو التوكيل....لأني اشتكيت من الثقل ده من حوالي 4 ألاف كيلو....و قالي الطقم لازم يتغير...و إلا الدواسة هاتحجر و هاتتعبك قوي...و فعلا حصل

عموما مافيش فرق يذكر بين قبل تركيب الطقم و بعده سوي خفة الدواسة...لكن السحب و كده متغييرش خالص...

---

نادر بك.ز
موضوع متميز جدا كعادتك يا معلم يا كبير..
المشكلة كده كانت مشكلة ديسك بس مش اسطوانة..
و عادة الديسك هو اللي بيبقي تمنه غالي... الاسطوانة رخبصة..
بس الاهم ان الطقم بيتباع علي بعضه.ز مش هتعرف تشتري واحدة لوحدها..
الماركة الفاليو دي اصلا فرنساوي و دي بتعمل معظم قطع غيار البيجو و الرينو..
و ليها مصنع في كورسا بتصنع بيه الحاجات الخاصة بالعربيات الكوري..
يعني انا سمعت ان الطقم بتاع الدايو نفس الماركة..و بنفس السعر تقريبا او اقل شوية..
بس اللي انا استغربت ليه ان الطقم يتغير علي 60 الف كم بس.. بس هل ده عيب شائع؟؟
ولا دي حاجة فردية حصلت عندك انت بس؟
عموما.. فداك الفلوس.. و مبروك التغيير :)

اقتباس:

---

بس اللي انا استغربت ليه ان الطقم يتغير علي 60 الف كم بس.. بس هل ده عيب شائع؟؟

---

علاوي باشا :)

للأسف اللي اشتريت منه العربية واضح ان رجليه كانت تقيله حبتين علي العربية...+ انه كان ساكن في طنطا...يعني معظم مشاويره بينقل و دايس دبرياج علطول...مافيش المسافات الطويلة بتاعة الدائري و كده

الفاليو ماركة محترمة جدا طبعا...انا مجربها من زمان في كذا حاجة...و ده اللي خلاني أطمن و أجيب الطقم علطول

تصدق انا مكنتش اعرف انك شاريها مستمله..
انا كنت فاكرك شاريها زيرو..
عموما.. نصيب.ز المهم انها حاجة عارضة يعني.. ده مش الطبيعي بتاعها.ز
ان شاء الله تنساها خالص بقي مع الطقم الجديد..
و ربنا يهديهالك و يحفظها ان شاء الله..

مبروك يا نادر

و ربنا يبارك لك فى البيكانتو

والله انت زى العسل يا اخى
ومصور الورشة والعربيات والاسطى وهو بيتكلم فى المحمول وعيشة تانية خالص الف الف الف مبروك على طقم الدبرياج وابقى طمنا على العربية ماشية معاك ازاى
اخوك يوسف

نادر باشا

الف مبروك على اطقم الجديد

الورشه دي ليهم في العفشه .... لاني كنت عايز اضبط عفشة عربيتي(ريو 2003) بس عايز في الاول حد فاهم يقولي هي محتاجه ايه واجيب ماركات ايه و اجيبه منين بالظبط
لان العربيه مؤخرا .... بقت بتعوم في الملفات و طبعا مع المطبات واضخ ان المساعدين مبتعملش حاجه ... غير ان الدركسيون بقى خفيف قوي

اقتباس:

---

المشاركة الأصلية كتبت بواسطة NaderNabil

علاوي باشا :)

للأسف اللي اشتريت منه العربية واضح ان رجليه كانت تقيله حبتين علي العربية...+ انه كان ساكن في طنطا...يعني معظم مشاويره بينقل و دايس دبرياج علطول...مافيش المسافات الطويلة بتاعة الدائري و كده

الفاليو ماركة محترمة جدا طبعا...انا مجربها من زمان في كذا حاجة...و ده اللي خلاني أطمن و أجيب الطقم علطول

---

الف مبروك ينادر باشا و فعلا الفاليو من الماركات المحترمه اوى اوى فى على قطع الغيار و عن تجربه و الف مبروك مره تانيه

بس سؤال لو سمحت ممكن تيبلى رقم الجندى بتاع قطع الغيار ده علشان فى عربيه اخويا طرمبه المياه ضايعه و عاوز اجيب حاجه كويسه

مبروك يا نادور هى جت متأخرة شويتين
بس انا أتفاجئت لما شوفت الصور
بقا كدة تيجى المنطقة عندنا والواحد ميشوفكش

فعلا الورشة دة كل الناس بتشكر فيها وكل يوم بيجيلها عربيات كتير جدا ً وهما كويسين جدا ً

أتارى الراجل الى فى الورشة كان بيقول لصحبى الى مديهم وصلت نت تعالا شوف الورشة نزلت على النت ولا لاء :verygood:

طيب انت قولت من سنة لا تو كيل بعد اليوم

ايه اللي رجعك للتوكيل تاني ؟؟؟؟

اكيد في حاجة غيرت رأيك

لو قريت الموضوع التانى كويس هتلاقى انه لقا الفرق فى السعر بين التوكيل والمحل صغير جدا ً فقال أعملها فى التوكيل أحسن ولما عملها طلعت أرخص

مبروك يا نادر باشا ودي مشكلة التوكيلات في الجديد كانهم ما صدقوا ووكن العملية دي تقل شوية لما التوكيل يلاقي ان الورش ومراكز الخدمة بره كترت...وبعدين اللي روحتله بيتعامل مع كل الكوري والكيا تحديدا ولا بتاع كله؟؟؟؟

الورشة دة شغالة فى الكيا بس

اقتباس:

---

أول ما جبت العربية ماكنش ظاهر قوي الموضوع ده...بس بدأ يشد يشد لحد ما بطن رجلي الشمال مبقاش ينفع أمشي عليه طبيعي زي الناس من كتر الألم...و لحد دلوقتي مازلت موجوع !!!

---

اولا الف مبروك يا نادر ...بس تصدق ان عندى نفس الكلام و بطن رجلى الشمال فعلا واجعنى و مجاش فى دماغى ان السبب فى طقم الدبرياح هو السبب.

الف شكر يا نادر باشا
انا استفدت كتير من موضوعك اصلى عايز اشد عربتى كيا برايد وكنت بدور على حد بيفهم فى البرايد
واديك دلتنى وهحاول اعمل موضوع زيك اذا شدتها عندهم

انا ساكن فى العمارة اللى قدام الورشة دى!!!! :B4_556:
يا ريتنى كان معايا كيا :colsmil:
بس فعلاً هما سمعتهم كويسة قوى فى المنطقة و بشوف عندهم جميع موديلات الكيا من اول البرايد لحد الكارنيفال

هما كويسين اما بتاع الزيت الى تحت دة بحس انه عبقرينو على الفاضى

اقتباس:

---

المشاركة الأصلية كتبت بواسطة yasserwin

هما كويسين اما بتاع الزيت الى تحت دة بحس انه عبقرينو على الفاضى

---

فعلاً بلبسه العجيب و الكيس إلي حطو على شعره ده :pointi~2[2]:

ايوان ويحب يعمل حاجات غصب عنك تلاقية بيغسل الماتور وانت مقولتلوش وحاجات كتير ببقا عايز :I_angr1[1]:

نادر باشا الف مبروك

طيب لو ممكن يا نادر باشا رقم موبايلك

غريبة طقم الفاليو دة اخو الطقم الركبتة فى اللادا من فترة
عشان كان كل مجى اشيل رجلى من على الدبرياج وقت لما تكون العربية سخنت كانت العربية بتطنطط مش بتطلع

بس ازاى هو مش المفروض كل عربية وليها نوع دبرياج