المشاركة الأصلية كتبت بواسطة ahmed metwally
بصى انا معايا ماروتي زيرو
من سنة ونص
اقدر اقولك العيب الوحيد بالنسبة لى فى العربية دى هو عدم وجود تكييف
ساعات من الزحمة فى الصيف ببقى هسيبها وانزل
لو طريق مفتوح بيبقى مش مشكلة اوى بالنسبة لى
من ناحية الثبات
طول مانتى جوة البلد وماشية عدل هتلاقيها كويسة
حبيتي تخدي ملفات وانتى معدية المية كيلو .. هتلاقيها مابتلفش اساسا :d و لاقد الله هتنتهى بمأساة.
اول ماجبتها كنت ماشي على 80 فى صلاح سالم .. جه ملف .. وانا بمنتهى الثقة باخد الملف وانا على نفس السرعة
لاقتها مش بتلف وبدأت ترمي فى نص الطريق .. لو كنت لفيت الدركسيون كانت هتتقلب مافيش كلام.. بس الحمد لله سيطرت عليها وهديتها
بس انا كنت على شمال الطريق واتحدفت بقيت على يمينه .. يلا الحمد لله.
على طريق زى محور طنطاوي .. من مدينة نصر الى القاهرة الجديدة .. لما بعدي ال 100 بحس انها بقت زى الريشة والسيطرة عليها بتبقى صعبة
فى السفر .. طريق العين السخنة .. اتفاجأت انها ممتازة .. كنت ماشي بيها 120 اغلب السكة. ومحستش بأى مشكلة..
يعنى الطريق هيفرق.
اقصى حمولة جربتها .. 4 بالغين و 3 اطفال ورضيع
وانا بشترى الماروتي فكرت شوية فى الالتو
لكن فرق السعر كان كبيييير اوى
فكانت الماروتي انسب
وبالتوفيق