الموضوع: سزوكى ماروتى ولا التو ابوووس اديكم ساعدونى هتجنن

المشاركة الأصلية كتبت بواسطة bambino

حقول لحضرتك حاجة واحدة: لو كان فيه الخير ما كان رماه الطير.

أنا اللى خلانى أجيب الماروتى زيرو إنى جبت قبلها 126 مستعملة و كنت عامل نفسى شجيع السيما و قلت ما دامت نيتى خير يبقى محدش حيضحك عليا. رميت 7 آلاف جنيه فى الأرض فى عربية مش عربية أصلا و مبتمشيش و صرفت عليهم كمان 3 أو 4 و فى الآخر بعتها كأنها خردة ب 1500 جنيه.

الكلام ده و أنا راجل. مش مهم حضرتك تصرفى فى تصليح لأن الفلوس بتروح و بتيجى...المهم هوه العطل فى الطريق أو لا قدر الله الحادثة غير المقصودة اللى ممكن تؤذى حد برىء...لما تعطل بحضرتك حتعملى إيه؟؟

أما من ناحية الزعل فصدقينى حضرتك الزعل على الزيرو زى الزعل على المستعمل اللى تم إصلاحه. مفيش حد حيركب عربية مكسرة أو مبهدلة و حيكون مبسوط ... أكيد حيصلح فيها. كله محصل بعضه.

ابعدى عن المستعمل و غني له

عندك حق والله ولدتى قالتلى نفس الكلام انا كنت خلاص راحه اشتريها لولا انه حصل تاجيل من البايع كنا روحناله المنوفيه من الهرم وسافرنا الحمد لله

المشاركة الأصلية كتبت بواسطة ahmed metwally

معلومة جديدة تستحق التجربة



لا، مش موضوع منحنيات، اعتقد الأسفلت واستواء الطريق هو السبب
لأن فى طرق، زى ماذكرت، محور طنطاوى لما بمشى فيها طوالى الدركسيون بيرعش والعربية بحسها خفيفة بزيادة

بس انا هشوف موضوه تيش العجل ده واجرب يمكن هو السبب فعلاً

الف شكر على المعلومة

الشكر لله. إذا كان الدركسيون بيرعش يبقى العجل محتاج ترصيص. برضه عند واحد بتاع زوايا كمبيوتر لأن غالبا برضه بيكون عنده ترصيص كمبيوتر.

طبعا الرعشة بتقل مع الطريق الناعم أوى - و ده سبب التقييم العالى لطريق السخنة.

بالتوفيق

الف شكر للناس اللى ساعدتنى بالمعلومات القيمه انا جبت الماروتى الحمد لله ولسه اختبار القياده عشان الرخص موقفلى الدنيا لانى متعلمتش اشارات المرور